05/08/2026
PRESS RELEASE
August 5, 2026
Tatlong Regional Level Most Wanted, Arestado sa magkakahiwalay na operasyon ng Rizal PPO.
Muling ipinakita ng Rizal Police Provincial Office ang kanilang dedikasyon at kahusayan sa tungkulin matapos ang matagumpay na maaresto ang tatlong (3) Regional Level Most Wanted Person kahapon Aug 4, 2026 sa magkakahiwalay na operasyon.
Sa unang operasyon, dakong 1:15 PM, inaresto ng mga tauhan ng Taytay Municipal Police Station si alyas "Ramy", 55 taong gulang, sa Las Piñas City. Siya ay inaresto sa bisa ng Warrant of Arrest para sa kasong R**e na walang inirekomendang piyansa.
Samantala, dakong 3:30 PM,sa loob mismo ng Morong Custodial Facility matagumpay ring inihain ng Morong Municipal Police Station kay alyas "Romnick", 36 taong gulang,ang kanyang warrant of arrest para sa kasong r**e na walang inirerekomendang piyansa.
Sa isa pang operasyon, dakong 3:45 PM, inaresto ng Binangonan Municipal Police Station si alyas "Che-Che", 40 taong gulang, sa Barangay Tagpos, Binangonan, Rizal. Siya ay inaresto sa bisa ng warrant para sa paglabag sa RA 9165 (Comprehensive Dangerous Drugs Act of 2002).
Ang mga akusado ay maayos na pinaalalahanan ng kanilang karapatan ayon sa umiiral na batas. Kasalukuyan silang nasa kani-kanilang mga kustodiya para sa tamang proseso at wastong disposisyon.
Ayon naman kay PCOL ATTY Eleazar R Barber Jr., Provincial Director ng Rizal Police Office.,"Ang bawat naarestong wanted person ay isang hakbang tungo sa mas ligtas na komunidad. Mananatiling masigasig ang Rizal PPO sa paghahanap at pagdakip sa mga nagtatago sa batas.Hindi titigil ang Rizal PPO hangga't hindi naihaharap sa hukuman ang mga taong umiiwas sa pananagutan. Patuloy nating paiigtingin ang ating kampanya laban sa kriminalidad."
# # # # # # # # # #
Authority : ATTY. ELEAZAR R BARBER JR
Police Colonel
Provincial Director
Action Officer : MARIESOL E TACTAQUIN
Police Major
Public Information Office
Facebook Account: https://www.facebook.com/RizalPpoPio/
Contact No.: (02)571-1147
Date: August 5, 2026
