24/01/2023
21 BARANGAYS NG TAYUG, IDINEKLARANG ‘DRUG CLEARED’ NG PDEA
Lahat ng mga 21 barangays ng Tayug ay idineklarang Drug-Cleared Barangays sa isinagawang deliberasyon ng Regional Oversight Committee on Barangay Drug Clearing (ROCBDC) ng Philippine Drug Enforcement Agency (PDEA) Regional Office I.
Sa naturang aktibidad, tinukoy ang mga barangay ng Agno, Amistad, Poblacion A, Poblacion B, Poblacion D, Barangobong, C.Lichauco, Carriedo, Evangelista, Guzon, Lawak, Legaspi, Libertad, Panganiban, Saleng, Sto. Domingo, Toketec at Zamora bilang mga nakapanatili ng ‘Drug-Cleared status’. Dagdag dito ang tatlong barangay ng Poblacion C, Trenchera, at Magallanes na nauna nang naideklara bilang drug-cleared barangays noong March 2022.
Dumalo sa awarding ceremony na ginanap sa PDEA Pangasinan Provincial Office sa Urdaneta City, Pangasinan sina Vice Mayor Lorna Primicias at MLGOO Arianne Peralta kasama ang mga kapitan na ginawaran ng signed resolutions bilang pagkilala sa kanilang pagsusumikap na mapanatiling drug-cleared ang kanilang barangay na nasasakupan.
Sa tulong ng iba’t-ibang ahensya ng pamahalaan, ang Pamahalaang Lokal ng Tayug sa pamumuno ni Mayor Tyrone Agabas at Vice Mayor Lorna Primicias ay patuloy sa pagpupursige na mapalakas ang kampanya ng gobyerno kontra iligal na droga upang maiwasan na masira ang kinabukasan ng mga kabataan at bawat pamilyang Pilipino.
