Tiaong Public Information Office

22/09/2026

Ginanap noong, Setyembre 21, 2026, sa Tiaong Multi-Purpose Building ang Courtesy Call ng mga Atletang Tiaongin na nag-uwi ng 53 medalya at itinanghal bilang Overall Top 10 Delegation sa katatapos lamang na Palarong Quezon 2026 sa Gumaca noong Setyembre 9–11. Bilang pagkilala sa karangalang inuwi ng delegasyon, personal na iginawad ni Mayor Vincent RJ Mea ang mga insentibo para sa magigiting na atleta at coaches ng bayan.

Mabuhay ang Atletang Tiaongin!

22/09/2026

19/09/2026

Kinilala ang Pamahalaang Bayan ng Tiaong bilang Top 5 Vaccination Champion (Category 2) sa 2026 Measles-Rubella Supplemental Immunization Activity (MR SIA) o "Ligtas Tigdas." Sa pangunguna ng Municipal Health Office sa pamumuno ni Dr. Elizalde N. Bercero Jr., katuwang ang mga barangay, BHWs, BNS, at mga magulang, matagumpay na nabakunahan ang 5,124 na bata laban sa tigdas at rubella. Ang parangal na ito ay patunay ng sama-samang pagsisikap para sa kalusugan at kaligtasan ng mga batang Tiaongin.

19/09/2026

Sa direktiba ni Mayor Vincent RJ Mea, matagumpay na napaglingkuran ng Municipal Health Office sa pamumuno ni Dr. Elizalde Bercero Jr. ang 76 na pasyente upang patuloy na mailapit ang serbisyong pangkalusugan sa mga komunidad. Kabilang sa mga libreng serbisyong naipagkaloob ay ang PhilHealth YAKAP Registration, medical consultation, blood testing (RBS, uric acid, at cholesterol), pati na rin ang pamamahagi ng mga gamot at medical kits.

17/09/2026

Buong pagmamalaking binabati ng Pamahalaang Lokal ng Tiaong sa pangunguna ni Mayor Vincent Arjay Mea at ng Sangguniang Bayan ang Local Legend ng ating bayan, Augusto “Ugu” Bigyan mula sa Brgy. Lusacan, Tiaong, Quezon sa pagkamit ng Director’s Choice Award sa CALABARZON Tourism Excellence Award 2026 ng Department of Tourism Region 4A.

Ang tagumpay na ito ay bunga ng patuloy na pagtataguyod ng sining, kultura, lokal na identidad, at turismo. Ito ay isang inspirasyon sa ating mga Tiaongin na patuloy na lumikha, mangarap, at magpakilala ng natatanging galing ng ating bayan.

Sa tulong at pakikipagtulungan ng LGU Tiaong, patuloy nating itinataguyod ang ating mga lokal na alagad ng sining at tourism champions na nagbibigay-buhay sa larang ng sining ng ating bayan.

Congratulations, Ugu! Ang iyong tagumpay ay tagumpay ng buong Tiaong! 👏🏆

16/09/2026

Kahapon, Setyembre 15, pinangunahan ni Mayor Vincent RJ Mea ang Local Development Council (LDC) Meeting sa ABC Hall upang talakayin ang mga prayoridad na programa at proyekto para sa patuloy na pag-unlad ng Tiaong. Dinaluhan ito nina Vice Mayor William A. Razon, ABC Pres. Nomie Guevarra, mga Konsehal na sina Maja Escueta, Alvin De Villa, Rex Bautista, at Recrec Baldeo, gayundin ng mga miyembro ng LDC kabilang sina MDRRMO Head Maria Victoria Palicpic at MPDO Head Engr. Marilyn Dimayacyac.

16/09/2026

Kahapon, Setyembre 15, 2026, ginanap sa Tiaong Multipurpose Building ang Graduation Ceremony ng 19 na PWDs na matagumpay na nakatapos sa isang buwang SPARK Technical Training on Social Media Marketing. Ang nasabing programa ay isinagawa sa ilalim ng DICT CALABARZON sa pamumuno ni Regional Director Atty. Carlo Apolo Murcia, at dinaluhan nina Mayor Vincent Arjay M. Mea, Vice Mayor William A. Razon, Kon. Maja Escueta, Dr. Maria Graciela R. Bucad ng DICT Quezon, at Resource Person Patrick Hernandez.

14/09/2026

FLAG CEREMONY
SEPTEMBER 14, 2026

13/09/2026

HAPPY BIRTHDAY SIR X!
Pagbati ng Pamahalaang Lokal ng Tiaong sa pangunguna ni Mayor Vincent RJ Mea at ng Sangguniang Bayan sa ating kasamahan sa pamahalaang lokal, Sir Xerxes Batralo, Municipal Local Government Operations Officer, sa pagdiriwang ng kanyang kaarawan ngayong araw, September 14, 2026.

Maging masagana nawa ang araw na ito na puno ng kasiyahan sa pagdiriwang ng iyong kaarawan.

10/09/2026

Sa direktiba ni Mayor Vincent RJ Mea, tuloy-tuloy ang misting at sanitation operations ng Municipal Health Office at General Services Office upang maprotektahan ang komunidad laban sa mga sakit na dala ng lamok.

Nagsagawa ng operasyon sa Purok Tres at San Agustin Elementary School sa Brgy. San Agustin; Brgy. Lalig kabilang ang Morning Breeze, Mapayapa Subdivision, at Sitio Cotta; Brgy. Bulakin (Sitio Ibaba, DCHUES, at Lalig NHS); Brgy. Tagbakin (Sitio Tondo at Tagbakin ES); Sitio Gitna Ibaba sa Brgy. Paiisa; at Sitio Nanay Baste sa Brgy. San Juan.