26/08/2026
ππππ₯π¬ π£π₯π’ππ¨ππ§ππ’π‘ π¦π πͺππ¦π§ππ₯π‘ π©ππ¦ππ¬ππ¦, π‘ππππ¦πππ; π₯ππππ¬π’π‘ ππππ§ππ§ππ’ π‘π π¦π π£π¨π‘ππ¦π’π; π‘ππ, π£ππππ¬π’π‘ ππ‘π π£πππ§π¨π§π’π π¦π π£πππ£ππ¦ππ‘π¬π’π π¦ππ‘π ππ’πππ π‘ππ ππππ₯π¬ ππ‘ππ¨π¦π§π₯π¬
Nagapadayon ang National Dairy Authority (NDA) sa pagpasanyog sang industriya sang gatasan sa Western Visayas, nga subong yara na sa ikatatlo nga pwesto sa bilog nga pungsod sa dairy kag milk production.
Suno kay Vicente B. Bitolinamisa III, Acting Department Manager I sang NDA-Western Visayas, 99 porsyento sang dairy requirements sang Pilipinas ang gina-import, gani ila ginatutukan ang pagpalig-on sang lokal nga produksyon agud mapanubo ang pagsalig sa imported dairy products.
Suno sa iya, nagataas na ang sufficiency level sang dairy industry sa pungsod kag yara na sa kapin tatlo ka porsyento.
Ginatutukan sang NDA ang pagpadamo kag pagpaayo sang produksyon sang gatas halin sa baka kag kanding mangin sang karbaw samtang nagabulig man ang Philippine Carabao Center sa pagpasanyog sang industriya.
Nagahatag ang NDA sang technical assistance sa mga mangunguma, lakip ang artificial insemination, pagbulong sang nagamasakit nga kasapatan, biosecurity measures kag training sa insakto nga pag-atipan sang sapat.
Ginasiguro man sang ahensya ang kalidad kag kaluwasan sang gatas antes ini maproseso kag mabaligya sa mga konsumidor.
Lain-lain ang kalidad sang gatas halin sa kanding, karabaw kag baka, suno sa National Dairy Authority-Western Visayas.
Suno pa kay Bitolinamisa, ang gatas sang kanding amo ang pinakamalapit sa gatas sang iloy, samtang ang gatas sang karabaw mataas sa milk fat nga ginahimo 'cheese'. Ang kada baka naman mahimo maka-produce sang tubtob 14 ka litro nga gatas kada adlaw kag ini may yara sang pinakamatahum nga composition level nga makahatag sang maximum health requirements sa mga konsumidor.
Madamo na sang dairy processing entities sa Western Visayas, lakip ang moderno nga sterilized processing facility sa Pavia. Ang ila produkto nagalab-ot pa sa Luzon kag Mindanao kag ginagamit sa milk feeding programs sang DSWD kag DepEd.
Ginpahayag man ni Bitolinamisa, ang pagkaon kag pagpakaon sa mga dairy animals isa sa mga nagapanguna nga pagpanghangkat sa mga mangunguma. Ikaduha, ang pagdamo sang naga-engage sa dairy industry bangud limitado ang budget sang ahensya. Makabulig naman diri ang feed center sa New Lucena nga magahatag sang mas barato nga feed para sa kasapatan pananglitan mabuksan na.
Padayon ang training sang National Dairy Authority (NDA) para mapabaskog ang kapasidad sang dairy farmers sa insakto nga pag-atipan sang kasapatan.
Ginsiling man sini nga tanan nga interesado nga mangunguma ukon grupo mahimo maka-avail sang programa basta rehistrado kag nagasunod sa mga guidelines sang Good Animal Husbandry Practices.
Samtang, gin-organisa na sang NDA ang Western Visayas Dairy Farmers and Stakeholders and AgriVentures Incorporated, nga nagalakip sang dairy farmers, processors, stakeholders kag mga lokal nga panguluhan, para sa pagplano sang direksyon kag roadmap sang dairy industry sa rehiyon.
