19/01/2026
Fr. Ibah: Ang Paring Coach na Pusong Tumutugon sa Tawag ng Kabataan
Sa bawat sigaw ng โDefense!โ sa loob ng court at sa bawat patak ng pawis na bumabagsak mula sa mukha ng mga batang atleta, may isang pigurang hindi inaasahang makita sa gilid ng laroโisang pari. Hindi lamang siya nakasuot ng sutana, kundi balot din ng malasakit at dedikasyon sa kabataan.
Ang pigurang ito ay si Rev. Fr. Charleston Dalingay Cabantac, mas kilala bilang Fr. Ibah, isang Roman Catholic priest ng Apostolic Vicariate of Tabuk. Sa taong ito, siya rin ang nagsilbing coach ng Tinglayan Basketball Team sa Provincial Meet 2026.
Naordinahan siya noong Abril 11, 2018, at sa loob ng anim na taong paglilingkod bilang pari, nakapagsilbi siya sa ibaโt ibang misyon sa Kalinga. Tatlong taon siyang naitalaga sa Assumption of the Blessed Virgin Mary, Salegseg, Balbalan, at tatlong taon din sa Sts. Philip and James Catholic Mission, Guinaang, Pasil. Sa kasalukuyan, siya ay nakatalaga sa St. Francis of Assisi Catholic Mission sa Tinglayan, kung saan niya ipinapakita ang isang kakaibang anyo ng paglilingkodโbilang coach at gabay ng kabataan.
Nang dumating ang araw ng biyahe patungong Pinukpuk, hindi siya nag-atubiling sumama mula simula hanggang dulo. Sa halip na bumalik sa mas komportableng tirahan, pinili niyang makitulog sa Pinukpuk Elementary School, kung saan pansamantalang nanunuluyan ang buong delegasyon. Kung ano ang higaan ng mga atleta, iyon din ang kanya. Kung ano ang kanilang ulam, iyon din ang kanyang kinakain. Walang espesyal na turing at walang pag-iiba sapagkat para kay Fr. Ibah, ang tunay na paglilingkod ay makikita sa pakikisama at pakikiramay, hindi sa titulo o kasuotan.
Sa loob ng court, hindi lamang siya nagmamasid. Aktibo siyang nagbibigay ng gabay hindi lamang sa estratehiya ng laro kundi, higit sa lahat, sa paghubog ng karakter ng mga batang atleta. Sa taong ito, mabibigat ang mga laban. Natalo ang Tinglayan laban sa Balbalan at muling natalo sa Pinukpuk. Ramdam niya ang bigat na pasan ng mga manlalaro, ang lungkot, panghihinayang, at mga matang tila nagtatanong kung sapat ba ang kanilang naging paghahanda.
Ngunit sa gitna ng pagkatalo, naroon si Fr. Ibah. Isa-isa niyang nilapitan ang mga atleta hindi upang sisihin o punahin, kundi upang magpaalala ng mas malalim na kahulugan ng paglalaro. Ani niya, โIf we want to be the greatest, play in Godโs way.โ
Dagdag pa niya sa kanyang mensahe:
โAdu ti nangabak ngem ada met dagiti han napagasatan nga nangabak. Han na kayat nga sawen nga ag-give up tayo iti inted ni Apo Dios nga talento, skills, ken capabilities yu. Daytoy ket maysa nga pagadalan ken challenge kadakayo nga atleta ti Tinglayan. Kunada ngarud: walang nanalo kung walang natatalo, at walang natatalo kung walang nananalo. Itโs not the end of everything kadakayo nga han napagasatan. Kadakayo met nga napagasatan, always stay humble iti aniaman nga na-achieve yo. Share the blessings to others and be a model to other athletes. Laglagipenyo nga atletaโyou play not only for yourself, but you play for God.โ
Sa pagbabahagi ni Fr. Ibah ng kanyang karanasan, inilahad niya ang taos-pusong pasasalamat sa Diyos sa pagkakataong maging bahagi ng delegasyon ng Tinglayan sa Provincial Meet sa Pinukpuk. Para sa kanya, ang paligsahan ay hindi lamang tungkol sa panalo o talo, kundi isang mahalagang oportunidad para sa paghubog ng kabataan - pisikal, mental, emosyonal, at espiritwal.
Sa loob ng limang araw na pananatili, nakisama siya sa DepEd family, LGU, mga manlalaro, medical team, uniformed personnel, mga drayber, at maging sa kusina. Dito niya lubos na nakita ang halaga ng pagtutulungan na ang bawat isa ay may mahalagang papel at pananagutan para sa kapakanan ng buong delegasyon.
Lubos niyang pinahalagahan ang pagkakaisa ng lahat, kung saan walang napabayaan at walang atletang naiwan. Ang buong delegasyon ay kumilos bilang isang pamilya at isang koponan ng Tinglayan, na may iisang paniniwala: โTogether we stand; divided we fall.โ
Araw-araw, nasaksihan niya ang disiplina, sakripisyo, sportsmanship, at resiliency ng mga atleta. Maaga silang gumigising, nagsasanay, nag-aayos ng sarili, tumutulong sa paglilinis, pumipila nang maayos sa pagkain, at inihahanda ang katawan at isipan para sa bawat laban. Lahat ng yaon ay hindi lamang para sa sarili, kundi para sa kanilang bayan.
Sa huli, ipinaabot ni Fr. Ibah ang kanyang panalangin para sa lahat ng delegasyon mula sa pitong munisipalidad ng Kalinga, na nawaโy pagpalain sila ng mapagbigay na Panginoon sa kanilang oras, pagsisikap, at mga sakripisyong inialay sa Provincial Meet. Sapagkat para sa kanya, ang lahat ng ito ay ginagawa para sa kaluwalhatian ng Diyos.
Student Writer: Charlie Magne G. Alan
Teacher Adviser: Rebecca L. Agod
School: Tinglayan National High School
