07/06/2023
https://m.facebook.com/story.php?story_fbid=732985762168090&id=100063700195771&mibextid=Nif5oz
PINAKA-UNA NGA NAG-GRADUATE NGA MAESTRA SA ATA TRIBE, SITIO MANARA, BRGY CELESTINO VILLACIN, CADIZ CITY.
Ang kapigaduhon indi balabag sa tawo nga puno sang handum. Kapigaduhon naga-serbe nga inspirasyon sa kabudlayan nga magtinguha. Kay sa pagtinguha imo malambot ang matood-tood nga kadalag-an.
Tungod damu kita makita sa facebook parte sa mga graduation post, istorya sang kadalag-an kag istorya nga naga-hatag sang inspirasyon. Istorya sang paglaum sa pihak sang mabudlay nga sitwasyon sang kapalaran.
Subong man ang istorya ni Madelyn Bodoso ang pinaka-una nga nag-gradwar bilang maestra sa Tribu Ata (Indigenous People) sa Sitio Manara, Brgy. Celestino Villacin, Cadiz City. Suno pa sa iya wala niya gina-kahuya kun sa diin siya nag-halin kundi mas pa gina-pabugal niya.
Nag-kuha guid sang atensyon sa aton igtalupangod agud e-post man ining istorya sang isa ka Indigenous People.
Nag-hatag siya sang daku nga inspirasyon sa iya mga ka tribu sa pagpanikasog agud lambuton ang ila mga handum paagi sa pagtapos sa patag sang Edukasyon.
Sa bulig sang City Govertmennt sang Cadiz kag sang National Commission on Indigenous People( NCIP) nangin posible ang mga palanan-awon ni Madelyn sa iya padulungan nga gina-asam asam.
Isa siya ka buhi nga testamento nga ang kadalag-an indi na base sa imo kultura, kolor, ukon pagpati kundi sa pagpaninguha nga malambot ini. Si Madelyn nag graduate sa kurso nga Bachelor in Early Childhood Education sa Philippine Normal University- Cadiz City
Bantayan naton ang masunod kag bug-os pa nga istorya sang kabuhi Ni Madelyn Badoso paagi sa pag follow sini nga page:
Ini nga balita gina dul-ong sang:
Photo from: Bilis Cadiz Ugyon Cadiznon
