https://www.facebook.com/1980365211997342/

Progresibong Lutopan Para Sa Tanan, Barangay Don Andres Soriano (DAS), Toledo City (2026)

12/08/2026

AKSIDENTE SA KADALANAN TUNGOD SA DUMP TRUCK NGA NI COUNTERFLOW KAGANINANG KADLAWN

Usa ka aksidente nga naglambigit sa usa ka dump truck ang nahitabo mga alas-2:00 sa kaadlawon diri sa atong Barangay, nga miresulta sa kadaot sa pipila ka kabtangan sa maong lugar. Wala’y laing casualty nga nalambigit gawas sa driver nga naapektuhan sa insidente, sumala sa kasamtangang impormasyon.

Ang mga otoridad nahibalo na usab sa hinungdan sa maong aksidente ug nagpadayon sa pagdumala sa sitwasyon, lakip na ang pag-assess sa mga kadaot nga nahitabo sa mga kabtangan ug sa palibot sa lugar.

Espesyal nga pasalamat sa paspas nga pagresponde:

- ABTIK NGA RESIDENTE SA LUTOPAN
- BFP LUTOPAN/TOLEDO
- PNP LUTOPAN/TOLEDO
- CEBECO BUNGA/TOLEDO
- TRAFFIC ENFORCERS

Sa maong higayon, gipadayag sa atong Konseho ang dakong pagpasalamat sa atong Barangay BDRRM Responders tungod sa ilang paspas nga pagresponde ug paghatag og unang tabang human nahitabo ang insidente. Ang ilang dali nga paglihok nakatampo sa pagseguro sa kahimtang sa mga naapektuhan ug sa pagtabang sa pagdumala sa lugar.

Gipahinumdoman usab ang publiko nga mag-amping ug likayan ang pagduol sa lugar samtang nagpadayon ang paglimpyo, assessment, ug uban pang gikinahanglang aksyon sa mga otoridad.

Ang Barangay DAS magpadayon sa pagmonitor sa sitwasyon ug sa koordinasyon uban sa mga may katungdanan alang sa kaluwasan sa tanang residente ug motorista.

12/08/2026

𝐋𝐈𝐁𝐑𝐄𝐍𝐆 𝐌𝐎𝐁𝐈𝐋𝐄 𝐂𝐇𝐄𝐒𝐓 𝐗-𝐑𝐀𝐘

Nagpadayun karun ang LIBRENG Chest X-ray gikan sa Toledo City Health Department, Isip kabahin sa Lung Month Celebration karung buwana.

Anaa ang mobile x-ray karun sa DAS CRC Public Sports Complex.

Kini nga kalihokan nagtumong sa sayong pag-ila ug pagpugong sa mga sakit sa baga, ilabina ang Tuberculosis (TB).

Photos taken by:
📷 | Sir Niño Pardillo

11/08/2026

𝐔𝐏𝐋𝐈𝐅𝐓 𝐏𝐑𝐎𝐆𝐑𝐀𝐌 𝐏𝐀𝐘𝐎𝐔𝐓 𝐆𝐈𝐏𝐀𝐇𝐈𝐆𝐀𝐘𝐎𝐍 𝐒𝐀 𝐁𝐀𝐑𝐀𝐍𝐆𝐀𝐘 𝐃𝐀𝐒

Gipahigayon karong adlawa sa DAS CRC Complex ang payout alang sa mga benepisyaryo sa UPLIFT Program.

Ang mga kwalipikadong benepisyaryo gikan sa atong Barangay nakadawat og ₱2,000.00 isip bahin sa assistance nga gihatag ubos sa maong programa.

Aktibong mitabang sa pagpahapsay sa payout process ang atong Barangay DAS Personnel, ilabina sa paggiya ug pag-organisar sa mga benepisyaryo aron masiguro ang hapsay nga dagan sa kalihokan.

Samtang, ang mga personnel gikan sa DSWD Field Office VII maoy nanguna sa proseso sa pag-apod-apod sa ayuda, lakip ang tukmang pag-verify sa mga benepisyaryo ug pagsiguro nga organisado ug hapsay ang pag-release sa pinansyal nga assistance.

Photos taken by:
📷 | DAS PIO Niño Arriesgado

11/08/2026

Pahibalo sa atong mga PWD members diri sa atong Barangay.

Pag-apud-apod sa Bigay Bigas sa Masa Program gikan sa Cebu Provincial Government , 10 kls of rice para sa PWD beneficiaries karung August 12, 2026 (Wednesday), sugod 8:00 AM onwards, adto sa Toledo City Sports Center, Sangi, Toledo City

MAO KINI ANG MGA REQUIREMENTS NGA DALAON.

1. PWD ID
2. BARANGAY CERTIFICATE

If dili ang PWD ang muclaim, mao kini ang mga requirements:

1. PWD ID
2. VALID ID SA REPRESENTATIVE
3. BARANGAY CERTIFICATE SA REPRESENTATIVE
4. AUTHORIZATION LETTER SA PWD NGA ANG IYANG REPRESENTATIVE MAOY MUKUHA SA BUGAS (Immediate family ang mukuha)

10/08/2026

𝐀𝐍𝐍𝐎𝐔𝐍𝐂𝐄𝐌𝐄𝐍𝐓: 𝐋𝐈𝐁𝐑𝐄𝐍𝐆 𝐌𝐎𝐁𝐈𝐋𝐄 𝐂𝐇𝐄𝐒𝐓 𝐗-𝐑𝐀𝐘

Isip kabahin sa Lung Month Celebration karong Agosto, ang Toledo City Health Department magpahigayon og LIBRENG Mobile Chest X-ray Activity diri sa atong Barangay.

𝗣𝗘𝗧𝗦𝗔: Agosto 12, 2026 (Miyerkules)
𝗢𝗥𝗔𝗦: 8:00 sa buntag (8:00AM)
𝗩𝗘𝗡𝗨𝗘: DAS CRC COMPLEX

Kini nga kalihokan nagtumong sa sayong pag-ila ug pagpugong sa mga sakit sa baga, ilabina ang Tuberculosis (TB).

Daghang salamat.

10/08/2026

PAHIBALO:

Para sa mga ONGOING NA PANGTAWID, pabalikon kamo sa DAS CRC para pagkuha sa inyuhang mga form.

Daghang salamat.

10/08/2026

𝐁𝐚𝐫𝐚𝐧𝐠𝐚𝐲 𝐃𝐀𝐒 𝐍𝐚𝐠𝐥𝐮𝐧𝐬𝐚𝐝 𝐬𝐚 𝐌𝐑-𝐒𝐈𝐀 𝟐𝟎𝟐𝟔 (𝐌𝐞𝐚𝐬𝐥𝐞𝐬-𝐑𝐮𝐛𝐞𝐥𝐥𝐚 𝐒𝐮𝐩𝐩𝐥𝐞𝐦𝐞𝐧𝐭𝐚𝐥 𝐈𝐦𝐦𝐮𝐧𝐢𝐳𝐚𝐭𝐢𝐨𝐧 𝐀𝐜𝐭𝐢𝐯𝐢𝐭𝐲)

Opisyal nga gilunsad karong adalawa (Agosto 10, 2026) diri sa atong Barangay ang Measles-Rubella Supplemental Immunization Activity (MR-SIA) 2026, usa ka importante nga kampanya sa panglawas nga nagtumong sa pagpanalipod sa mga bata batok sa tigdas (measles) ug rubella, duha ka makatakod nga sakit nga mahimong hinungdan sa seryosong komplikasyon sa mga bata.

Ang kalihokan gipahigayon pinaagi sa panagtambayayong sa Barangay Don Andres Soriano Council, DAS Barangay Nutrition Scholar, DAS Health and Birthing Center, ug Toledo City Health Office, isip kabahin sa padayon nga paningkamot sa pagpalig-on sa immunization program ug pagpanalipod sa kahimsog sa mga kabataan sa komunidad.

Ang MR-SIA 2026 ipahigayon gikan Agosto 10 hangtod Agosto 25, 2026, ug gitumong sa tanang bata nga nag-edad og 6 hangtod 59 ka bulan, nga nagpuyo nagpuyo diri sa atong Barangay, mao ang mga target beneficiaries ang mga bata bisan pa man sa ilang naunang vaccination status.

Giawhag ang tanang ginikanan ug guardians nga sutaon ug bantayan ang eskedyul sa MR-SIA vaccination sa ilang tagsa-tagsa ka purok. Ang pagbakuna ipahigayon sa purok chapel nga gitakdang vaccination station alang sa matag purok. Importante nga mahibalo ang mga ginikanan sa hustong petsa aron madala ang inyuhang mga anak sa gitakdang lugar ug oras.

𝗩𝗔𝗖𝗖𝗜𝗡𝗔𝗧𝗜𝗢𝗡 𝗦𝗖𝗛𝗘𝗗𝗨𝗟𝗘: https://www.facebook.com/share/p/19HeRo91Wq/

Ang proteksyon sa atong mga anak usa ka hiniusang responsibilidad. Pinaagi sa tukmang pagbakuna, makatabang kita sa pagpanalipod sa atong mga kabataan ug sa tibuok komunidad batok sa tigdas ug rubella.

LIGTAS TIGDAS. LIGTAS ANG KABATAAN.
MR-SIA 2026 — Magpabakuna, Magpanalipod, Magmalipayon!

Photos taken by:
📷 | Kagawad Dondon Omayan

09/08/2026

UNSAON PAG GAMIT SA UPLIFT-G2P

UPLIFT PORTAL: https://uplift-g2p.dswd.gov.ph

Para sa mga UPLIFT Beneficiaries, palihug sa pagsunod para sa inyuhang UPLIFT Digital Fund Disbursement. Gi hangyo usab kamo sa paggamit sa inyuhang National ID.

Ayaw kalimot sa pagscreenshot usab sa inyuhang BBMS bbmserbisyo.dswd.gov.ph.

Ang screenshot ipa print kini ug e attached sa inyuhang Information Sheet. Ayaw kalimut pagdala ani ugmang adlawa(August 10,2026) adto sa CRC Complex.

Daghang salamat.

08/08/2026

𝐏𝐀𝐇𝐈𝐁𝐀𝐋𝐎 𝐏𝐀𝐑𝐀 𝐒𝐀 𝐓𝐀𝐍𝐀𝐍𝐆 𝐔𝐏𝐋𝐈𝐅𝐓 𝐁𝐄𝐍𝐄𝐅𝐈𝐂𝐈𝐀𝐑𝐈𝐄𝐒 𝐒𝐀 𝐁𝐀𝐑𝐀𝐍𝐆𝐀𝐘 𝐃𝐀𝐒

Ang City Social Welfare and Development Office (CSWDO) – Toledo City nagpahibalo bahin sa umaabot nga UPLIFT Payout para sa BARANGAY DAS:

1. Ang mga beneficiaries mo adto sa DAS CRC COMPLEX karung August 10, 2026 (8:00AM) para maka kuha sa inyuhang General Intake Sheet (GIS) and Information Sheet (IS).

2. Ang Uplift Payout para sa Barangay DAS naka-schedule karong August 11,2026 (Martes), sa DAS CRC COMPLEX sugod alas 6 sa Buntag (6AM) hangtod alas 10 sa buntag (10AM).

Ang mga validated poor ug near-poor beneficiaries nga apil sa listahan mao lamang ang kwalipikado nga makadawat sa payout.

𝗠𝗚𝗔 𝗚𝗜𝗞𝗜𝗡𝗔𝗛𝗔𝗡𝗚𝗟𝗔𝗡𝗚 𝗗𝗢𝗞𝗨𝗠𝗘𝗡𝗧𝗢:

✅ 2 ka photocopy sa PhilSys National ID
• Kinahanglan adunay 3 ka specimen signatures, mas maayo nga blue ink ang pirma.

𝗞𝘂𝗻𝗴 𝘄𝗮𝗹𝗮𝘆 𝗣𝗵𝗶𝗹𝗦𝘆𝘀 𝗡𝗮𝘁𝗶𝗼𝗻𝗮𝗹 𝗜𝗗: (Palihog sa pagbasa sa mga naka post sa ubos ang mga ID nga pwedi dalhun)
✅ 2 ka photocopy sa bisan usa ka government-issued ID
✅ 3 ka specimen signatures, mas maayo nga blue ink ang pirma.
✅ Printed o digital screenshot sa E-Verification confirmation/result
✅ Pirmadong General Intake Sheet (GIS)
✅ Pirmadong Information Sheet (IS)
✅ Certificate of Eligibility (COE)
✅ Blue Ballpen
✅ Aktibong personal GCash number

𝗣𝗔𝗛𝗜𝗡𝗨𝗠𝗗𝗢𝗠 𝗦𝗔 𝗧𝗔𝗡𝗔𝗡𝗚 𝗕𝗘𝗡𝗘𝗣𝗜𝗦𝗬𝗔𝗥𝗬𝗢:

📌 Ang tanang giila nga benepisyaryo gikinahanglan nga makakompleto sa E-Verification Process una pa ang payout.
📌 Kinahanglan i-save ang screenshot sa confirmation page human makompleto ang E-Verification.
📌 Ang maong screenshot kinahanglan ipakita sa payout isip pamatuod sa pagkakompleto sa proseso.
📌 Ang QR Code ug step-by-step nga instruksyon gihatag aron mas sayon ang pagsunod sa proseso.
📌 Ang E-Verification Portal (𝗯𝗯𝗺𝘀𝗲𝗿𝗯𝗶𝘀𝘆𝗼.𝗱𝘀𝘄𝗱.𝗴𝗼𝘃.𝗽𝗵)
bbmserbisyo.dswd.gov.ph. gamiton aron makumpirma ang PhilSys registration sa benepisyaryo.

📌 Dili pwedi e photocopy ang mga forms. Kung adunay sayop sa pag fill out, anaa ray gi andam nga correctional tape ang mga kawani.

Palihog kompletoa ang E-Verification sa dili pa moadto sa payout ug siguroa nga naa kay screenshot sa confirmation page.

𝗣𝗔𝗛𝗜𝗡𝗨𝗠𝗗𝗢𝗠
📌 Kung wala mo naapil sa validated list, palihog ipangutana o ipasabot ang inyong concern ngadto sa DSWD FO7 personnel sa panahon sa inyong scheduled payout sa designated venue.
📌 Ang mga beneficiary nga dili makadawat sa GIS/IS sa scheduled distribution mahimong mokontak sa ilang Child Development Teacher/Worker (CDT/CDW) alang sa mga dokumento.

Para sa mga beneficiaries nga wala ma apil sa list sa validated poor and near poor, ug sa wala ma validate during validation, PWEDE kamo moadto sa venue kung asa nag payout ang inyohang barangay para ma validate kamo sa taga DSWD FO7 ug matubag ang inyuhang mga pangutana.

Adunay mga Pantawid nga naapil gihapon sa list kay tungod wala sila mo report nga ongoing ang ilahang pag process sa documents. Dili gayud sila mka kuha sa assistance.

Sa mga bana nga naa sa layo ug nagpabilin gihapon ang ilahang pangalan sa list sa validated poor and near poor, ang ilahang mga partner nga maoy na interview as replacement during validation ang maoy mo fillout sa forms ug mo kuha sa assistance.

Kung adunay beneficiary nga namatay ug na belong sa validated poor and near poor, ang pwede mka replace kaniya mao ang iyahang anak nga dako na ug edad o ang asawa nga anaa sa family roster during sa 2024 CBMS. Ang replacement maoy hatagan sa forms ug mo kuha sa assistance.

Daghang Salamat

07/08/2026

Daghang salamat, Toledo City Councilor Kuya Nick Pepito alang sa pag donate sa High Ceiling Fan diin gi instalar sa atong DAS CRC Public Sports Complex.

Photos taken by:
📷 | Sir Niño Pardillo

Progresibong Lutopan Para Sa Tanan

12/08/2026

12/08/2026

11/08/2026

11/08/2026

10/08/2026

10/08/2026

10/08/2026

09/08/2026

08/08/2026

07/08/2026

Address

Website

Alerts

Shortcuts

Share

Category

Listing takedown request