Toledo City Health Department

06/08/2026

PAHIBALO | WALAY OPD CONSULTATION UGMANG ADLAWA, August 7, 2026 (FRIDAY)

Tungod sa gipahigayon nga AMHOP (Association of Municipal Health Officers of the Philippines) Meeting, diin mandato nga muattend ang atong mga Medical Officers (Doctors) sa City Health Department, WALA KITAY Out-Patient (OPD) Medical Consultation karong Biyernes, August 7, 2026 .

Apan, ang ubang serbisyo nga ginahatag sa City Health Department magpadayon ug abli gihapon.
Mamahimo hinuon nga magpakonsulta kita kabahin sa mga EMERGENCY nga katuyo-ang panlawas sa atong Toledo City General Hospital OPD.

Salamat sa inyong pagsabot ug kooperasyon.

04/08/2026

📢 PAHIBALO SA PUBLIKO

WALAY OPD Consultation Ugmang Adlawa. August 5, 2026.

Tungod kay ang healthcare team sa City Health Department (CHD) moapil sa YAKAP Caravan ug PuroKalusugan (PK) nga ipahigayon sa Barangay Cantabaco, Toledo City.

Apan, ang ubang serbisyo nga ginahatag sa City Health Department magpadayon ug abli gihapon.

Daghang salamat!
City Health Department – Toledo City

04/08/2026

𝗣𝗔𝗕𝗔𝗞𝗨𝗡𝗔𝗛𝗔𝗡 𝗡𝗔𝗧𝗢 𝗦𝗜 𝗕𝗔𝗕𝗬 𝗕𝗔𝗧𝗢𝗞 𝗠𝗘𝗔𝗦𝗟𝗘𝗦 𝗨𝗚 𝗥𝗨𝗕𝗘𝗟𝗟𝗔 💪🛡️

Sa atong mga ginikanan, pabakunahi ang inyong mga anak nga nagpangedaron og 𝟲-𝟱𝟵 𝗸𝗮 𝗯𝘂𝘄𝗮𝗻 batok sa Measles ug Rubella karong 𝗔𝗴𝗼𝘀𝘁𝗼 𝟭𝟬-𝟮𝟴, 𝟮𝟬𝟮𝟲.

Ang pagpabakuna sa mga bata, usa ka epektibong pamaagi aron mapanalipdan sila batok sa hulga nga dala sa Measles, Rubella, ug ubang Vaccine-Preventable Diseases.

Isip usa ka ginikanan, atong responsibilidad nga himsog ug layo ang mga bata sa sakit. Busa, ato silang pabakunahan!

🏥 Bisitaha ang inyong pinakaduol nga temporary o permanent vaccination sites aron magpabakuna.

​​🗓️ Hibaloi ang schedule sa pagpabakuna sa inyong pinakaduol nga health facility.

💉 Luwas ug epektibo ang mga bakuna. Makatabang kini sa paglikay sa pagkasakit ug pagkaospital.

Masiguro nato nga protektado sa mga sakit ang mga bata kung kitang tanan, magtinabangay ug makighiusa sa pagpabakuna.

Kay ang "𝗕𝗮𝗸𝘂𝗻𝗮 𝘂𝗴 𝗣𝗿𝗼𝘁𝗲𝗸𝘀𝘆𝗼𝗻 𝗻𝗶 𝗕𝗮𝗯𝘆, 𝗔𝘁𝗼𝗻𝗴 𝗥𝗲𝘀𝗽𝗼𝗻𝘀𝗶𝗯𝗶𝗹𝗶𝘁𝘆!"

28/07/2026

28/07/2026

📢 PAHIBALO SA PUBLIKO

Base sa Dengue Situation Update gikan sa DOH Region VII as of July 27, 2026, 34 ka bag-ong dengue cases ang naitala sa bulan sa Hulyo sa Toledo City.

Tungod niini, ang Toledo City Health Department nag-awhag sa tanang Toledohanon nga magpadayon sa pag-amping ug pagtinabangay aron mapugngan ang dugang nga pagsaka sa kaso sa dengue.

Sa pagkakaron, ang City Health Department nagpadayon sa epidemiological investigation, case monitoring, ug health education sa mga barangay nga adunay naitalang kaso aron mapalig-on ang atong dengue prevention ug control activities.

_____________________________________________
Pahinumdom sa tanan:
• Limpyohi kanunay ang inyong palibot.
• Tangtanga ang mga butang nga mahimong tigomanan sa tubig diin mamugad ang lamok.
• Tabuni ang mga imbakan sa tubig ug ilabay ang mga wala na gamita nga mahimong makatigom og tubig.
• Gamita ang kulambo o mosquito repellent, ilabina sa mga bata.
• Kon adunay hilanat nga dili maulian o adunay mga simtomas sa dengue, pakonsulta dayon sa labing duol nga health facility.

Ang dengue mapugngan kung magtinabangay kitang tanan. Sugdan nato sa atong kaugalingong panimalay ang pagpanglimpyo ug pagwagtang sa mga pamugaran sa lamok.

Padayon sa pag-amping. Padayon sa pagpakigbatok batok sa dengue.

Source: DOH Region VII Dengue Situation Update (as of July 27, 2026).

28/07/2026

📢 SEARCH AND DESTROY OPERATION KONTRA DENGUE SA BRGY. PANGAMIHAN

Hulyo 28, 2026 – Agig tubag sa nagkataas nga kaso sa dengue sa Toledo City, ang Toledo City Health Department, ubos sa pagpangulo ni Dr. Abjel Khan D. Espera, mipahigayon og Search and Destroy Operation sa Barangay Pangamihan diin adunay bag-o na active cases nga na itala.

Isip kabahin sa kalihokan, nagpahigayon ang atong mga health personnel og medical consultation ug dengue testing sa mga residente nga adunay hilanat. Sa resulta sa mga gipahigayon nga test, tulo (3) ka indibidwal ang nakumpirmang positibo sa dengue ug gihatagan dayon og angay nga tambag ug pag-atiman.

Gipahigayon usab ang misting operation sa Pangamihan Proper Covered Court, diin nahimutang ang mga na-report nga kaso, aron makatabang sa pagpamenos sa populasyon sa mga lamok nga mahimong nagdala sa dengue.

Sa wala pa kini, niadtong Hulyo 25, 2026, mibisita na ang team sa Toledo City Health Department sa barangay aron magpatuman og disinfection sa eskwelahan isip usa sa mga lakang sa pagpugong sa pagkaylap sa sakit.

Dungan niini, naglunsad usab og Search and Destroy Operation ang City Health Department uban sa City Engineering Office, nga gipangulohan ni Engr. Ma. Isafe C. Ricardo, pinaagi sa pagpangita ug pagtangtang sa mga posibleng breeding sites sa lamok sa komunidad.

Ang Sanitary Inspectors nag conduct usab og epidemiological investigation aron mahibal-an ang posible nga gigikanan sa mga kaso, masubay ang mga close contacts, ug matino ang mga lugar nga kinahanglan pa og dugang nga intervention aron mapugngan ang dugang nga pagkatakod sa dengue.

⚠️ PAHIMANGNO SA PUBLICO

Padayon kitang magtinabangay aron malikayan ang dengue. Ayaw tugoti nga mahimong breeding site sa lamok ang atong palibot.

Hinumdumi ang DOH nga kampanya:

🪣 TAOB – Ipatagilid ang mga sudlanan nga mahimong tapokan og tubig.
💧 TAKTAK – Ilisi ug taktaka ang tubig sa mga plorera ug ubang sudlanan matag semana.
☀️ TUYO – Siguroha nga walay nagbarog nga tubig ug hupti nga uga ang palibot.
🛡️ TAKIP – Takpi ang mga dram, tangke, ug ubang sudlanan sa tubig.

Kung adunay hilanat nga molungtad og duha ka adlaw o labaw pa, ayaw paglangan. Adtoa dayon ang labing duol nga health facility aron mapasusi ug matambalan sa husto.

27/07/2026

📢 PAHIBALO SA PUBLIKO

Gipahibalo ang tanang katawhan nga walay OPD Consultation ugmang adlawa Hulyo 28, 2025 tungod kay ang mga doktor ug personnel sa City Health Department motambong sa Nutrition Month Culmination.

Apan, ang ubang serbisyo nga gihatag sa City Health Department magpadayon gihapon sa ilang normal nga operasyon.

Salamat sa inyong pagsabot ug kooperasyon.

27/07/2026

📢 PAHIBALO SA PUBLIKO

WALAY OPD Consultation sa adlawng huwebes og byernes. Hulyo 29&30, 2026.

Tungod kay ang healthcare team sa City Health Department (CHD) moapil sa YAKAP Caravan ug PuroKalusugan (PK) nga ipahigayon sa Barangay Poblacion og Barangay Don Andres Soriano, Toledo City.

Apan, ang ubang serbisyo nga ginahatag sa City Health Department magpadayon ug abli gihapon.

Daghang salamat!
City Health Department – Toledo City

23/07/2026

𝗣𝗔𝗕𝗔𝗞𝗨𝗡𝗔𝗛𝗜 𝗔𝗡𝗚 𝗜𝗡𝗬𝗢𝗡𝗚 𝗠𝗚𝗔 𝗔𝗡𝗔𝗞 𝗡𝗚𝗔 𝗘𝗗𝗔𝗗 𝟲-𝟱𝟵 𝗠𝗢𝗡𝗧𝗛𝗦 𝗢𝗟𝗗 𝗕𝗔𝗧𝗢𝗞 𝗠𝗘𝗔𝗦𝗟𝗘𝗦 𝗨𝗚 𝗥𝗨𝗕𝗘𝗟𝗟𝗔! 🛡️💉

Usa sa mga lakang sa Department of Health batok Measles ug Rubella, mao ang pagsiguro nga ang tanang bata, makabaton sa ilang gikinahanglan nga bakuna.

Pinaagi sa pagpabakuna, masiguro nga ang mga bata sa atong komunidad nga himsog.

Maong pabakunahi na ang inyong mga anak nga nagpangedaron og 6-59 ka bulan aron malikayan ang tigdas.

Bisitaha lang ang pinakaduol nga temporaryo o permanenteng vaccination site sa inyong lugar.

Ania ang mensahe sa pagsuporta ni Regional Director Joshua G. Brillantes sa DOH Central Visayas kabahin sa pagpabakuna sa mga bata sa atong komunidad.

Kay ang “𝗕𝗮𝗸𝘂𝗻𝗮 𝘂𝗴 𝗣𝗿𝗼𝘁𝗲𝗸𝘀𝘆𝗼𝗻 𝗻𝗶 𝗕𝗮𝗯𝘆, 𝗔𝘁𝗼𝗻𝗴 𝗥𝗲𝘀𝗽𝗼𝗻𝘀𝗶𝗯𝗶𝗹𝗶𝘁𝘆!”

22/07/2026

👀 EYES👀
PHIL HEALTH YAKAP CARAVAN...