29/05/2026
ππππππ ππππππππ ππ πππ ππππππ ππ πππ ππππππππ, ππππππππππ ππ πππ ππππππππ ππ ππππππππππ ππππ ππ πππππ-πππππππ ππππ
29 MAYO 2026 β Kasabay ng nalalapit na pagbubukas ng klase, tiniyak ng Philippine Ports Authority (PPA) ang kahandaan ng mga pantalan sa buong bansa sa pamamagitan ng patuloy na modernisasyon at pagpapahusay ng mga pasilidad upang makapagbigay ng mas ligtas at komportableng biyahe para sa mga pasahero, partikular sa mga estudyante at pamilyang magbabalik-probinsya.
Kabilang sa mga pangunahing isinagawang improvements ng PPA ang patuloy na pagpapaunlad ng NorthPort Passenger Terminal Building (PTB) upang maging mas moderno at passenger-friendly ang mga pasilidad nito. Kabilang dito ang paglalagay ng motion-sensored lights sa comfort rooms para sa mas episyenteng paggamit ng enerhiya, libreng Wi-Fi access para sa mga pasahero, covered walkway para sa mas ligtas at mas maginhawang paglalakad patungo sa terminal, at libreng NorthPort service bus na naghahatid ng mga pasahero mula PTB patungo sa kanilang sasakyang-dagat.
Isinasagawa rin ang renovation at expansion ng priority area sa concourse upang higit na mapabuti ang accommodation para sa senior citizens, persons with disabilities (PWDs), buntis, at iba pang nangangailangan ng agarang assistance.
Kasabay nito, tuloy-tuloy rin ang implementasyon ng ibaβt ibang infrastructure projects ng PPA sa ibaβt ibang pantalan sa bansa na target makumpleto ngayong taon bilang bahagi ng pagpapalakas ng port operations at pagpapabuti ng passenger at cargo movement. Kabilang dito ang extension ng Rock causeway at construction ng RC pier sa Port of Basiao sa Dinagat Islands, Tapal Port Expansion Project sa Ubay, Bohol, rehabilitation at improvement project sa Port of Orbay sa San Ricardo, Southern Leyte, at expansion at improvement project sa Port of Plaridel sa Misamis Occidental.
Patuloy rin ang pagsasagawa ng port expansion projects sa Balingoan Port sa Misamis Oriental at Virac Port sa Catanduanes, gayundin ang konstruksyon ng Port Operations Building sa Benoni Port sa Camiguin, cruise center sa Port of Jubang sa Dapa, Surigao del Norte, at two-storey TMO building sa Port of Bauan sa Batangas upang higit na mapalakas ang operational capability at mapabuti ang serbisyo sa mga pantalan.
βBilang pagtalima po sa kautusan ni Pangulong Ferdinand βBongbongβ Marcos Jr., kami po sa PPA ay nagsusulong ng mga programa at proyekto upang makapagbigay ng mas maginhawa at mas maayos na karanasan sa paglalakbay ng bawat pasahero. Layunin nating maitaas ang antas ng serbisyo sa mga pantalan sa parehong pamantayang inaasahan sa mga modernong paliparan upang maging mas maaliwalas, mas organisado, at mas magaan ang biyahe ng ating mga kababayan, lalo na ngayong panahon ng balik-eskwela kung kailan tumataas ang bilang ng mga bumibiyahe,β ani ni PPA General Manager Jay Santiago.
Bilang pakikiisa sa 2026 National Oplan Balik Eskwela (OBE), naglabas din ng kautusan si General Manager Santiago sa lahat ng Port Management Offices (PMOs) na paigtingin ang monitoring, passenger assistance, at koordinasyon sa ibaβt ibang concerned agencies at stakeholders pang matiyak ang maayos na daloy ng mga pasahero sa mga pantalan.
Sa pamamagitan ng mga inisyatibong ito, pinagtitibay ng PPA ang pangako nitong maghatid ng mas ligtas, mas episyente, at mas maayos na karanasan sa paglalakbay para sa bawat pasahero.
# # #
