SDEC Manila

02/06/2026

LEGAL HELP FOR NANAYS. Isang Free Legal Advice session na eksklusibong binuo para sa mga ina ng tahanan ang isinagawa kamakailan sa SDEC Vitas, bilang pakikiisa sa taunang selebrasyon ng Mother's Day.

Ang proyekto ay binuo ng grupong Building Youth Empowerment (BYE) sa pakikipag-tulungan ng P&A Foundation at suporta ng Manila Youth Development and Welfare Bureau.

Mahigit 50 nanay ang nagtungo sa SDEC upang sumangguni sa mga abogado na boluntaryong nakiisa sa proyektong ito, na naglalayong gabayan ang mga nanay ukol sa mga legal na usapin na sumasaklaw sa iba't ibang bahagi ng kanilang buhay.

25/05/2026

DAGDAG DUNONG AT GALING. Matagumpay ang idinaos na Skills Training for ALS Learners sa SDEC Vitas Manila, at natupad ang layunin nitong magbahagi ng dagdag dunong, galing, at kaalaman sa mga ALS Learners na nakilahok dito.

Mula sa paggawa ng dishwashing paste, liquid soap, at pabango, hanggang sa pagluluto ng mga swak na pambentang pagkain tulad ng Chicken Pastil, tiniyak ng mga Trainers na lahat ay matuto ng mga basic life skills upang mabigyan ang mga ALS Learners ng pagkakataon na makapag hanap buhay habang patuloy na nag-aaral.

20/05/2026

Starts today! Tara na't matuto, ALS Learners, para tuloy tuloy ang pag-asenso!

12/05/2026

BAGONG ANYO, PINAGTIBAY NA SAMAHAN. Isang simpleng ribbon cutting ceremony ang isinagawa para sa muling pagbubukas ng SDEC Conference Room sa Vitas, Tondo, Manila.

Ang renovation ng SDEC conference room ay naisagawa sa tulong ng Grant Thornton/P&A Foundation, bilang suporta sa mga programa ng Manila Youth Development & Welfare Bureau (YDWB).

Ang dating madilim at masikip na conference room ay lumuwag at lumiwanag, at higit na naging kumportable at kaaya-aya para sa mga ALS learners at sa lahat ng iba pang gagamit sa pasilidad para sa karunungan, pagsasanay, mga mahalagang pagpupulong, at iba pang makabuluhang aktibidad.

Patunay lamang na kung matibay ang samahan, ang pag-asenso ay makakamtan.
(Photo credits: YDWB FB page)

01/05/2026

Mabuhay ang Manggagawang Pilipino!

𝐌𝐚𝐛𝐮𝐡𝐚𝐲 𝐚𝐧𝐠 𝐦𝐠𝐚 𝐌𝐚𝐧𝐠𝐠𝐚𝐠𝐚𝐰𝐚𝐧𝐠 𝐌𝐚𝐧𝐢𝐥𝐞𝐧̃𝐨! 💙❤️💛

Today, we celebrate the real ones, yung araw-araw lumalaban, nagsusumikap, at hindi sumusuko para sa pamilya at pangarap. 💪✨

Sa bawat pawis, sipag, at tiyaga, kayo ang tunay na bida ng lungsod. 🔥

Mula sa Manila Youth Development and Welfare Bureau, saludo kami sa inyong dedikasyon at tibay ng loob.

𝐌𝐚𝐧𝐠𝐠𝐚𝐠𝐚𝐰𝐚𝐧𝐠 𝐏𝐢𝐧𝐨𝐲, 𝐀𝐫𝐚𝐰 𝐧𝐢𝐲𝐨 ‘𝐭𝐨! 🙌
Keep grinding, keep shining, para sa bayan, para sa kinabukasan. 🇵🇭✨

12/04/2026

12/04/2026

𝐒𝐭𝐚𝐲 𝐬𝐦𝐚𝐫𝐭, 𝐬𝐭𝐚𝐲 𝐬𝐚𝐟𝐞 𝐨𝐧𝐥𝐢𝐧𝐞! 💻🔐

Sa panahon ngayon, mahalagang maging aware tayo sa mga cyber threats na pwedeng makaapekto sa ating personal na impormasyon. From phishing to cyberbullying, 𝐡𝐢𝐧𝐝𝐢 𝐛𝐢𝐫𝐨 𝐚𝐧𝐠 𝐫𝐢𝐬𝐤𝐬, 𝐤𝐚𝐲𝐚 𝐝𝐚𝐩𝐚𝐭 𝐡𝐚𝐧𝐝𝐚 𝐭𝐚𝐲𝐨!

Tandaan:
✔ Gumamit ng strong passwords
✔ Mag-ingat sa links at messages
✔ Huwag basta mag-share ng personal info

𝐏𝐫𝐨𝐭𝐞𝐜𝐭 𝐲𝐨𝐮𝐫𝐬𝐞𝐥𝐟 𝐚𝐧𝐝 𝐲𝐨𝐮𝐫 𝐝𝐢𝐠𝐢𝐭𝐚𝐥 𝐬𝐩𝐚𝐜𝐞. Ang pagiging responsable online ay isang paraan ng pagiging tunay na bayanihan! 🇵🇭✨




Credits: Sean Lorenzo Keith Manansala
Cyber Youth Leadership Course | National Capital Region - Group 2

25/03/2026

WOMEN'S MONTH 2026. Sa muling paggunita ng Women's Month, na sa taong 2026 ay may temang "MANILEÑA-We Lead. We Rise. We Inspire: No Woman Left Behind," ang SDEC Manila naman ang naglatag ng mga makabuluhang aktibidad bilang pagsuporta sa taunang selebrasyon.

Nagdaos ng isang forum sa SDEC Conference Room ang mga grupong Plan International Pilipinas at All Things Feminista patungkol sa R.A. 11930 o ang Online Sexual Abuse & Exploitation of Children (OSAEC) at Children's Sexual Abuse & Exploitative Materials (CSAEM). Tinalakay din ang iba't ibang bantang dulot ng social media sa kabataan at kababaihan at ang mga paraang magagamit upang maprotektahan sila sa mga bantang ito.

Kasabay ng forum, naging wellness center naman ang SDEC lobby dahil sa pagtalaga ng mga libreng blood pressure, massage at haircut kiosks para sa mga residente sa paligid ng SDEC, partikular ang mga kababaihan at mga nakatatanda.

04/03/2026

SKMT sa SDEC. Nagdaos ng SK Mandatory Training (SKMT) ang Youth Development & Welfare Bureau sa SDEC Vitas, Tondo para sa mahigit 30 na kagawad, secretary at treasurer bilang bahagi ng kanilang tungkulin at requirements upang opisyal na maupo sa kanilang mga puwesto.

'LAST NA 'TO' ang bansag sa idinaos na pagsasanay, na ayon sa YDWB ay hindi na masusundan pa hanggang sa susunod na nationwide Barangay at SK elections.

22/02/2026

CISS TOOLKIT ROLLOUT. Matagumpay na naisagawa ang 3-day Children in Street Situations (CISS) Toolkit Rollout sa SDEC Manila, sa pangunguna ng Manila Department of Social Welfare (MDSW) katuwang ang Manila Youth Development & Welfare Bureau (MYDWB).

Sa loob ng tatlong araw, masusing tinalakay ang sitwasyon ng mga batang naninirahan at nabubuhay sa lansangan, at ang mga hakbang na isasagawa upang sila'y mailayo sa kapahamakan at mabigyan ng oportunidad sa edukasyon at bagong pamumuhay.

Ang rollout ay nagsilbi ring training ground para sa bagong grupo ng mga youth Trainers na tutulong din sa mga proyekto ng MDSW para sa mga batang nasa lansangan.