10/02/2026
FUR PARENTS GIAWHAG SA PAGPALISTA SA BARANGAY ARON MAKA-AVAIL SA LIBRENG KAPON
Giawhag sa City Veterinarian's Office ang mga fur parents sa pagpalista ngadto sa mga barangay aron maka-avail sa ginahanyag nga libreng kapon.
Sumala ni Dr. Gay Pallar, Acting Department Head sa City Veterinarian's Office nga aron makapaschedule ug libreng maka-avail sa castration, ang usa ka barangay ang kinahanglan unang makalista og 30 ngadto 50 ka mga hayop nga buot magpakapon ug ang CVO na mismo ang mobisita sa mga barangay alang sa castration.
Samtang sa gipaguwang impormasyon sa City Veterinarian's Office, sa taliabot nga Pebrero 11, ang buhatan ang mobisita sa Barangay Mabuhay, Paquibato District samtang sa Pebrero 27, bisitahon sa buhatan ang Barangay Lizada, Toril District ning dakbayan alang sa libreng castration.
via Donna Mae Alviola
