14/05/2026
๐๐๐๐ก-๐๐๐๐ก๐ ๐ ๐๐๐ฆ๐๐ฆ๐๐๐ ๐ฆ๐ ๐๐๐ ๐๐๐ ๐ก๐ ๐๐๐๐๐ฌ๐๐ก, ๐ก๐๐๐๐ง๐๐ก๐๐๐๐ฃ ๐ก๐ ๐๐๐ฌ๐๐ ๐ฃ๐๐ก๐ฆ๐๐๐ ๐ ๐จ๐๐ ๐ฆ๐ ๐ฃ๐๐๐-๐ฅ๐ข๐ฎ
Dagsaan ang mga magsasaka mula sa Lambak ng Cagayan sa tanggapan ng Philippine Crop Insurance Corporation-Regional Office No. 02 (PCIC-RO2) sa Carig Sur, Tuguegarao City, Cagayan sa isinagawang dalawang araw na pamamahagi ng indemnity claims para sa mga naapektuhang magsasaka sa rehiyon.
Nakatanggap ng P3,843,498.07 na bayad pinsala ang 383 insured farmers mula sa ang mga bayan ng Penablanca at San Pablo kahapon, Mayo 13, 2026 bilang tulong sa kanilang pananim na naapektuhan ng matinding tagtuyot, at peste.
Samantala, nasa 253 benepisyaryong magsasaka naman mula sa mga bayan ng Alcala, Amulung, Enrile, Iguig, Solana, at Tuguegarao City ang muling nagtungo sa tanggapan upang tanggapin ang mahigit P2,524, 812.66 na bayad pinsala ngayong araw ng huwebes, Mayo 14, taong kasalukuyan.
Sa kabuuan, umabot sa 636 na magsasaka mula sa ibaโt ibang bayan sa Lambak ng Cagayan ang nabigyan ng claims indemnity na nagkakahalaga ng P6,368,310.73.
Ayon sa PCIC-RO2, layunin ng programang ito na mabigyan ng agarang aksyon at tulong ang mga magsasakang nakaranas ng pinsala sa kanilang pananim upang makatulong sa kanilang muling pagbangon at pagpapatuloy ng kanilang kabuhayan at pagsasaka.
Kaugnay nito, nagpahayag naman ng pasasalamat ang mga benepisyaryo sa patuloy na suporta na naipagkakaloob ng tanggapan, lalo na sa pagbibigaya ng insurance protection at maagap na pagproseso ng indemnity claims sa panahon ng pangangailangan.
