DMW RO2 Migrant Workers Protection Division

28/08/2026

𝐁𝐈𝐒𝐓𝐀𝐃𝐎! 𝐃𝐌𝐖 𝐑𝐄𝐆𝐈𝐎𝐍 𝟐 𝐀𝐓 𝐂𝐈𝐃𝐆 𝐈𝐒𝐀𝐁𝐄𝐋𝐀, 𝐊𝐀𝐓𝐔𝐋𝐎𝐍𝐆 𝐀𝐍𝐆 𝐃𝐌𝐖 𝐌𝐈𝐆𝐑𝐀𝐍𝐓 𝐖𝐎𝐑𝐊𝐄𝐑𝐒 𝐏𝐑𝐎𝐓𝐄𝐂𝐓𝐈𝐎𝐍 𝐁𝐔𝐑𝐄𝐀𝐔 (𝗠𝗪𝗣𝗕) 𝐒𝐔𝐌𝐀𝐋𝐀𝐊𝐀𝐘 𝐒𝐀 “𝐈𝐌𝐌𝐈𝐆𝐑𝐀𝐓𝐈𝐎𝐍 𝐂𝐎𝐍𝐒𝐔𝐋𝐓𝐀𝐍𝐂𝐘” 𝐍𝐀 𝐔𝐌𝐀𝐍𝐎’𝐘 𝐍𝐀𝐆-𝐀𝐀𝐋𝐎𝐊 𝐍𝐆 𝐓𝐑𝐀𝐁𝐀𝐇𝐎 𝐁𝐈𝐋𝐀𝐍𝐆 𝐇𝐄𝐀𝐋𝐓𝐇𝐂𝐀𝐑𝐄 𝐖𝐎𝐑𝐊𝐄𝐑 𝐏𝐀𝐏𝐔𝐍𝐓𝐀𝐍𝐆 𝐈𝐑𝐄𝐋𝐀𝐍𝐃

read the full article...

11/08/2026

DMW RO2 Advisory.

read full article...

𝗗𝗠𝗪 𝗥𝗢𝟮 𝗔𝗗𝗩𝗜𝗦𝗢𝗥𝗬: 𝗣𝗔𝗔𝗟𝗔 𝗦𝗔 𝗔𝗧𝗜𝗡𝗚 𝗠𝗚𝗔 𝗞𝗔𝗕𝗔𝗬𝗔𝗡 𝗦𝗔 𝗥𝗘𝗛𝗜𝗬𝗢𝗡 𝗗𝗢𝗦 𝗡𝗔 𝗡𝗔𝗜𝗦 𝗠𝗔𝗚𝗧𝗥𝗔𝗕𝗔𝗛𝗢 𝗕𝗜𝗟𝗔𝗡𝗚 𝗦𝗘𝗔𝗦𝗢𝗡𝗔𝗟 𝗪𝗢𝗥𝗞𝗘𝗥 𝗦𝗔 𝗦𝗢𝗨𝗧𝗛 𝗞𝗢𝗥𝗘𝗔

Para sa ating mga kababayan sa Rehiyon Dos na nagnanais magtrabaho bilang 𝑺𝒆𝒂𝒔𝒐𝒏𝒂𝒍 𝑭𝒂𝒓𝒎 𝑾𝒐𝒓𝒌𝒆𝒓 𝒔𝒂 𝑺𝒐𝒖𝒕𝒉 𝑲𝒐𝒓𝒆𝒂, nais ng 𝗗𝗲𝗽𝗮𝗿𝘁𝗺𝗲𝗻𝘁 𝗼𝗳 𝗠𝗶𝗴𝗿𝗮𝗻𝘁 𝗪𝗼𝗿𝗸𝗲𝗿𝘀 (𝗗𝗠𝗪) 𝗥𝗲𝗴𝗶𝗼𝗻 𝟮 na tiyaking ligtas at protektado ang inyong aplikasyon. Sa gitna ng patuloy na pagdami ng mga maling impormasyon at panloloko sa social media, napakahalagang maging maalam upang hindi masayang ang inyong pinaghirapang pera, oras, at pagsisikap.

Tandaan na 𝗗𝗔𝗟𝗔𝗪𝗔 (𝟮) 𝗟𝗔𝗠𝗔𝗡𝗚 𝗔𝗡𝗚 𝗟𝗘𝗚𝗔𝗟 𝗡𝗔 𝗣𝗔𝗥𝗔𝗔𝗡 upang makapagtrabaho sa ilalim ng programang ito:

1. 𝗟𝗚𝗨-𝘁𝗼-𝗟𝗚𝗨 𝗔𝗴𝗿𝗲𝗲𝗺𝗲𝗻𝘁 (𝗞𝗮𝘀𝘂𝗻𝗱𝘂𝗮𝗻 𝗻𝗴 𝗟𝗼𝗸𝗮𝗹 𝗻𝗮 𝗣𝗮𝗺𝗮𝗵𝗮𝗹𝗮𝗮𝗻):Ang recruitment at deployment ay sa pamamagitan lamang ng opisyal na kasunduan (MOU o MOA) sa pagitan ng inyong Lokal na Pamahalaan (LGU/City Hall/Municipal Hall) sa Pilipinas at ng pamahalaan sa Korea.

2. 𝗙𝗮𝗺𝗶𝗹𝘆 𝗜𝗻𝘃𝗶𝘁𝗮𝘁𝗶𝗼𝗻 𝗣𝗿𝗼𝗴𝗿𝗮𝗺:Ito ay para LAMANG sa mga kamag-anak ng isang Pilipinas na may asawang Korean National (hanggang ikaapat na antas ng pagkakamag-anak o 4th civil degree of consanguinity), alinsunod sa mga panuntunan ng gobyerno ng Korea.

𝗠𝗚𝗔 𝗗𝗔𝗣𝗔𝗧 𝗧𝗔𝗡𝗗𝗔𝗔𝗡 𝗔𝗧 𝗦𝗨𝗡𝗗𝗜𝗡:

🛑 STRICT PROHIBITION: Walang pribadong recruitment agency o sinumang indibidwal ang awtorisadong magsagawa ng recruitment para sa LGU-to-LGU Seasonal Worker Program.
⚠️ BEWARE OF IMPOSTORS: Mag-ingat sa mga nagpapanggap na kinatawan o miyembro ng mga lokal na pamahalaan (LGUs) upang makapanloko ng mga aplikante.
❌ ANTI-ILLEGAL RECRUITMENT: Ang sinumang humihingi ng pera kapalit ng "garantisadong trabaho" o nag-aalok ng "mabilis na pagproseso" ng aplikasyon ay sangkot sa illegal recruitment o panloloko.
✅ LEGITIMATE PROCESS: Tiyaking ang inyong aplikasyon ay dumadaan lamang sa mga lehitimong proseso sa inyong munisipyo o lungsod.
🔍 VERIFICATION: Makipag-ugnayan sa inyong LGU, sa Pre-Employment and Government Placement Bureau (PEGPB) ng DMW, sa Migrant Workers Protection Bureau (MWPB) ng DMW, o sa Migrant Workers Office - Korea (MWO) para sa wastong impormasyon at beripikasyon.

Huwag basta-basta magpapadala sa mga post sa social media o sa mga taong nangangako ng mabilisang pag-alis kapalit ng bayad. Protektahan ang inyong pinaghirapang pera at ang inyong pamilya. Sa legal na proseso, ligtas ang inyong kinabukasan!

𝑷𝒂𝒂𝒍𝒂𝒍𝒂 𝒎𝒖𝒍𝒂 𝒔𝒂 𝑫𝑴𝑾, 𝑻𝒂𝒉𝒂𝒏𝒂𝒏 𝒏𝒈 𝑶𝑭𝑾!

02/07/2026

𝗠𝗮𝗴𝗸𝗮𝘀𝗮𝗯𝘄𝗮𝘁 𝘀𝗮 𝗜𝗹𝗹𝗲𝗴𝗮𝗹 𝗥𝗲𝗰𝗿𝘂𝗶𝘁𝗺𝗲𝗻𝘁 𝗽𝗮𝗿𝗮 𝘀𝗮 𝗧𝗿𝗮𝗯𝗮𝗵𝗼 𝗣𝗮𝗽𝘂𝗻𝘁𝗮𝗻𝗴 𝗣𝗼𝗹𝗮𝗻𝗱, 𝗧𝗶𝗸𝗹𝗼 𝘀𝗮 𝗖𝗮𝗴𝗮𝘆𝗮𝗻...

News Alert
Migrant Workers Protection Bureau

𝗠𝗮𝗴𝗸𝗮𝘀𝗮𝗯𝘄𝗮𝘁 𝘀𝗮 𝗜𝗹𝗹𝗲𝗴𝗮𝗹 𝗥𝗲𝗰𝗿𝘂𝗶𝘁𝗺𝗲𝗻𝘁 𝗽𝗮𝗿𝗮 𝘀𝗮 𝗧𝗿𝗮𝗯𝗮𝗵𝗼 𝗣𝗮𝗽𝘂𝗻𝘁𝗮𝗻𝗴 𝗣𝗼𝗹𝗮𝗻𝗱, 𝗧𝗶𝗸𝗹𝗼 𝘀𝗮 𝗖𝗮𝗴𝗮𝘆𝗮𝗻

𝘊𝘢𝘨𝘢𝘺𝘢𝘯, 𝘗𝘩𝘪𝘭𝘪𝘱𝘱𝘪𝘯𝘦𝘴 — Arestado ang dalawa na umano’y sangkot sa large-scale illegal recruitment sa isinampang kaso ng Department of Migrant Workers na kinilala na sina Ma. Theresa Sibayan Constantino, alyas “Rizza Sibayan,” at Prodencio Pascua sa magkahiwalay na operasyon na isinagawa ng Philippine National Police (PNP)–Lal-lo Municipal Police Station at Criminal Investigation and Detection Group (CIDG) sa Cagayan noong Hunyo 25, 2026.

Nadakip ang dalawa matapos magpalabas ng warrant of arrest ang Regional Trial Court, Branch 6, Aparri, Cagayan kaugnay ng kasong large-scale illegal recruitment na isinampa laban sa kanila.

Batay sa imbestigasyon na isinagawa ng Migrant Workers Protection Bureau ng Department of Migrant Workers, nanghihikayat umano ang mga suspek ng mga aplikante sa pamamagitan ng pag-aalok ng trabaho bilang factory worker o repacker sa Poland na may ipinapangakong buwanang sahod na aabot sa Php120,000. Kapalit nito, sinisingil nila ang bawat aplikante ng processing fee na nagkakahalaga ng Php 250,000.

Upang magmukhang lehitimo ang kanilang operasyon, nagpapakilala umano si Pascua bilang dating overseas Filipino worker (OFW) sa Brunei na umano’y natulungan ni Rizza na makapagtrabaho sa ibang bansa. Nagpapanggap din umano siyang kapwa aplikante patungong Poland upang makuha ang tiwala ng mga naghahanap ng trabaho.

Natukoy rin sa imbestigasyon ang dalawa pa nilang umano’y kasabwat na sina Michelle Antonio Sibayan, kapatid ni Rizza, na nagsisilbing ahente, at Margie Cortez Tuglao, na sinasabing may koneksiyon sa mga employer sa Europa at tumutulong sa pagproseso ng pag-alis ng mga aplikante. Lumabas din sa mga salaysay ng mga biktima na inaatasan umano nina Rizza at Pascua ang mga aplikante na ideposito ang kanilang mga bayarin sa bank account ni Tuglao bilang bahagi ng umano’y proseso ng kanilang deployment.

Patuloy na pinaghahanap ng mga awtoridad sina Michelle Antonio Sibayan at Margie Cortez Tuglao upang panagutin sa kanilang umano’y pagkakasangkot sa large-scale illegal recruitment.

Samantala, nananawagan ang Department of Migrant Workers - Migrant Workers Protection Bureau (MWPB), sa iba pang posibleng biktima nina Pascua, Tuglao, at magkapatid na Sibayan na makipag-ugnayan sa DMW sa pamamagitan ng https://www.facebook.com/dmwairtip upang makapagsampa ng kaukulang reklamo at makatanggap ng libreng legal na tulong.

12/06/2026

📢𝗞𝗔𝗕𝗔𝗬𝗔𝗡! 𝗕𝗮𝘄𝗮𝗹 𝗺𝗮𝗴-𝗿𝗲𝗳𝗲𝗿 𝗻𝗴 𝘁𝗿𝗮𝗯𝗮𝗵𝗼 𝗮𝗯𝗿𝗼𝗮𝗱 𝗸𝗮𝗽𝗮𝗴 𝗵𝗶𝗻𝗱𝗶 𝗹𝗶𝘀𝗲𝗻𝘀𝘆𝗮𝗱𝗼!

📢𝗞𝗔𝗕𝗔𝗬𝗔𝗡! 𝗕𝗮𝘄𝗮𝗹 𝗺𝗮𝗴-𝗿𝗲𝗳𝗲𝗿 𝗻𝗴 𝘁𝗿𝗮𝗯𝗮𝗵𝗼 𝗮𝗯𝗿𝗼𝗮𝗱 𝗸𝗮𝗽𝗮𝗴 𝗵𝗶𝗻𝗱𝗶 𝗹𝗶𝘀𝗲𝗻𝘀𝘆𝗮𝗱𝗼!

Ang pag-aalok, pagpo-post, o pagre-refer ng trabaho sa ibang bansa ay hindi simpleng pagtulong o personal na pabor lang. Sa ilalim ng batas, ito ay itinuturing na recruitment activity at kung ginagawa nang walang lisensya, ito ay maituturing na ILLEGAL RECRUITMENT.

Tanging mga lisensyadong ahensya at recruiter lamang ang may karapatang mag-recruit, mag-advertise, at magproseso ng trabaho para sa trabaho abroad. Kahit pa kaibigan, kamag-anak, o kakilala ang nag-aalok, kung wala silang lisensya, labag pa rin ito sa batas.

𝗧𝗮𝗻𝗱𝗮𝗮𝗻:

🚩No DMW License? Bawal mag-post.
🚩No DMW License? Bawal mag-alok.
🚩No DMW License? Bawal mag-refer.

Kung walang lisensya, illegal 'yan!

Ngayong , paalala:
𝗪𝗮𝗹𝗮𝗻𝗴 𝗹𝗶𝘀𝗲𝗻𝘀𝘆𝗮 = 𝗜𝗹𝗹𝗲𝗴𝗮𝗹 𝗿𝗲𝗰𝗿𝘂𝗶𝘁𝗺𝗲𝗻𝘁.
𝗠𝗮𝗴𝗶𝗻𝗴 𝗺𝗮𝘁𝗮𝗹𝗶𝗻𝗼, 𝗵𝘂𝘄𝗮𝗴 𝗺𝗮𝗴𝗽𝗮𝗹𝗼𝗸𝗼!

11/06/2026

🇵🇭 𝗔𝗥𝗔𝗪 𝗡𝗚 𝗞𝗔𝗟𝗔𝗬𝗔𝗔𝗡 𝟮𝟬𝟮𝟲 🇵🇭

Sa pagdiriwang natin ng kalayaan ng ating bansa, alalahanin din natin ang ating kalayaan mula sa panlilinlang, pananamantala, at ilegal na pagrerekrut.

Huwag hayaang nakawin ng mga illegal recruiter ang iyong pangarap na makapagtrabaho sa ibang bansa.

✅ Mag-verify muna ng recruitment agency sa DMW.

✅ Mag-ingat sa mga alok na "sobrang ganda para maging totoo."

✅ Huwag magbayad ng anumang fee nang walang tamang dokumento at resibo.

✅ I-report agad ang mga kahina-hinalang recruitment activities.

Ang tunay na kalayaan ay ang pagkakaroon ng ligtas, legal, at makatarungang oportunidad para sa bawat Pilipino.

Ngayong Araw ng Kalayaan, maging mapanuri at responsable.

𝗦𝗮𝗺𝗮-𝘀𝗮𝗺𝗮 𝗻𝗮𝘁𝗶𝗻𝗴 𝗹𝗮𝗯𝗮𝗻𝗮𝗻 𝗮𝗻𝗴 𝗶𝗹𝗹𝗲𝗴𝗮𝗹 𝗿𝗲𝗰𝗿𝘂𝗶𝘁𝗺𝗲𝗻𝘁!

09/06/2026

🚨 Don't Fall Victim to Illegal Recruiters! 🚨

✔ Verify if the recruitment agency is
licensed by the DMW.

✔ Check the agency's license status
through official DMW website.

✔ Verify job orders via official DMW
platforms before accepting.

✔ Be cautious of offers that seem
too good to be true.

Remember: A legitimate opportunity does not require secrecy or shortcuts.

Protect yourself and your future. Verify first before you apply!