Tuguegarao Licensing Center

Tuguegarao Licensing Center This is the Official Page of LTO - Tuguegarao Licensing Center.

𝐃𝐀𝐋𝐀𝐖𝐀𝐍𝐆 𝐁𝐀𝐁𝐀𝐄, π“πˆπŒππŽπ† 𝐒𝐀 π„ππ“π‘π€ππŒπ„ππ“ πŽππ„π‘π€π“πˆπŽπ 𝐍𝐆 π‹π“πŽ 𝐀𝐓 𝐇𝐏𝐆 πƒπ€π‡πˆπ‹ 𝐒𝐀 π…πˆπ—πˆππ† π€π‚π“πˆπ•πˆπ“πˆπ„π’Naaresto ang dalawang babae sa is...
30/07/2026

𝐃𝐀𝐋𝐀𝐖𝐀𝐍𝐆 𝐁𝐀𝐁𝐀𝐄, π“πˆπŒππŽπ† 𝐒𝐀 π„ππ“π‘π€ππŒπ„ππ“ πŽππ„π‘π€π“πˆπŽπ 𝐍𝐆 π‹π“πŽ 𝐀𝐓 𝐇𝐏𝐆 πƒπ€π‡πˆπ‹ 𝐒𝐀 π…πˆπ—πˆππ† π€π‚π“πˆπ•πˆπ“πˆπ„π’

Naaresto ang dalawang babae sa isinagawang entrapment operation ng Land Transportation Office (LTO), sa pakikipag-ugnayan sa Philippine National Police-Highway Patrol Group (PNP-HPG), dahil sa umano’y pagkakasangkot sa ilegal na fixing activities.

Isinagawa ang operasyon matapos magsumbong sa LTO ang isa sa mga naging biktima na nagsabing nagbayad siya ng β‚±45,000 para sa pagproseso ng driver’s license at patuloy pang hinihingan ng karagdagang bayad.

Bunsod ng reklamo, ikinasa ng LTO at PNP-HPG ang entrapment operation na nagresulta sa pagkakaaresto ng dalawang suspek. Dinala sila sa Camp Crame para sa kaukulang dokumentasyon at pagsasampa ng mga naaangkop na kaso.

Personal ding hinarap ni LTO Chief, Assistant Secretary Markus V. Lacanilao, ang mga suspek at muling iginiit na walang puwang ang mga fixer sa LTO.

β€œWalang lugar ang mga fixer at ang kanilang mga kasabwat sa LTO. Patuloy nating palalakasin ang ating operasyon laban sa mga nananamantala sa publiko. Hinihikayat namin ang lahat ng motorista na dumiretso lamang sa mga opisyal na tanggapan ng LTO at agad na i-ulat ang sinumang nag-aalok ng ilegal na serbisyo upang agad na maaksyunan,” ani Assistant Secretary Lacanilao.

Muling pinaalalahanan ng LTO ang publiko na huwag makipagtransaksyon sa mga fixer at sa mga indibidwal na nangangakong mapapabilis ang pagproseso ng mga dokumento kapalit ng karagdagang bayad. Pinagtitibay ng ahensya ang patuloy nitong pakikipag-ugnayan sa iba pang law enforcement agencies upang tuluyang mapuksa ang operasyon ng mga fixer at mapanatili ang integridad, kredibilidad, at transparency ng mga serbisyo ng LTO.

π“π„π€πŒ 𝐋𝐄𝐀𝐃𝐄𝐑 𝐍𝐆 π•πˆπ‘π€π‹ π‚π€πˆππ“π€ π‹π“πŽ π‘πŽπ€πƒπ’πˆπƒπ„ π„ππ…πŽπ‘π‚π„πŒπ„ππ“ πŽππ„π‘π€π“πˆπŽπ, πˆπ’πˆππ€πˆπ‹π€π‹πˆπŒ 𝐒𝐀 π’π”π’ππ„ππ’π˜πŽπIsinailalim sa suspensyon ang T...
30/07/2026

π“π„π€πŒ 𝐋𝐄𝐀𝐃𝐄𝐑 𝐍𝐆 π•πˆπ‘π€π‹ π‚π€πˆππ“π€ π‹π“πŽ π‘πŽπ€πƒπ’πˆπƒπ„ π„ππ…πŽπ‘π‚π„πŒπ„ππ“ πŽππ„π‘π€π“πˆπŽπ, πˆπ’πˆππ€πˆπ‹π€π‹πˆπŒ 𝐒𝐀 π’π”π’ππ„ππ’π˜πŽπ

Isinailalim sa suspensyon ang Team Leader ng viral roadside enforcement operation ng Land Transportation Office (LTO) Cainta Extension Office sa BF Metals, Cainta, Rizal noong Hulyo 25, 2026, habang isinasagawa ng Intelligence and Investigation Division (IID) ang kaukulang imbestigasyon kaugnay ng hiwalay na reklamong inihain laban sa kanya.

Kaugnay ng kumakalat na video ng roadside enforcement operation, nilinaw na ang Temporary Operator’s Permit (TOP) ay naisyuhan matapos mabigong makapagpakita ang driver ng updated na Official Receipt (OR) at Certificate of Registration (CR), sa kabila ng pagbibigay sa kanya ng sapat na pagkakataon upang maiprisinta ang kinakailangang mga dokumento.

Gayunman, batay sa isinagawang paunang beripikasyon, bilang pinuno ng enforcement team, may pananagutan ang Team Leader sa pangangasiwa at pagtiyak na ang buong operasyon ay isinasagawa alinsunod sa umiiral na mga patakaran, pamantayan, at alituntunin ng ahensya.

Samantala, nahaharap din ang nasabing Team Leader sa hiwalay na reklamo hinggil sa umano’y hindi wastong pagdadala at paghawak ng government-issued firearm, pananakot, at asal na hindi naaayon sa pamantayang inaasahan sa isang lingkod-bayan.

Dahil dito, isinailalim ang naturang Team Leader sa suspensyon habang patuloy na iniimbestigahan ng ahensya ang mga alegasyon upang matukoy ang kaukulang pananagutan, kung mayroon man.

Binigyang-diin ni LTO Chief, Assistant Secretary Markus V. Lacanilao, na mananagot ang sinumang kawani na mapatutunayang lumabag sa batas, mga patakaran ng ahensya, at pamantayan ng serbisyo publiko.

"Malinaw ang paninindigan ng LTO na walang sinuman ang nakahihigit sa batas. Kapag may mapatunayang paglabag, ipatutupad natin ang kaukulang administrative sanctions anuman ang posisyon ng isang kawani," pahayag ni Asec. Lacanilao.

Tinitiyak ng LTO na ang lahat ng reklamo laban sa mga tauhan nito ay dumaraan sa kaukulang proseso at imbestigasyon upang mapanatili ang integridad, pananagutan, at tiwala ng publiko sa ahensya.

30/07/2026

𝐖𝐀𝐋𝐀𝐍𝐆 π‹πˆπ’π„ππ’π˜π€ππ† π‘πˆπƒπ„π‘ 𝐍𝐀 π“π”πŒπ€πŠπ€π’ πŒπ€π“π€ππŽπ’ πŒπ€ππ€ππ†π†π€ 𝐀𝐍𝐆 πˆπ’π€ππ† π„π’π“π”πƒπ˜π€ππ“π„, πˆππˆπ’π˜π”π‡π€π 𝐍𝐆 π’π‚πŽ 𝐍𝐆 π‹π“πŽ; πŒπŽπ“πŽπ‘π’πˆπŠπ‹πŽ, πˆππ€π‹π€π‘πŒπ€

Sa direktiba ni Land Transportation Office (LTO) Chief, Assistant Secretary Markus V. Lacanilao, inisyuhan ng Show Cause Order (SCO) ang rehistradong may-ari at ang natukoy na rider ng isang motorsiklo kaugnay ng insidente ng hit-and-run na kinasangkutan ng isang estudyante sa Legarda Street, Sampaloc, Manila.

Sa paunang imbestigasyon ng LTO, natukoy na nabangga ng naturang motorsiklo ang isang estudyanteng tumatawid sa pedestrian lane sa interseksyon ng Legarda at Jhocson Street sa Sampaloc, Manila. Matapos ang insidente, tinakasan umano ng rider ang biktima at umalis sa lugar nang hindi nagbibigay ng kinakailangang tulong. Napag-alaman din na ang naturang rider ay nagmamaneho nang walang valid driver’s license.

Dahil dito, inatasan ang rehistradong may-ari at ang natukoy na rider na humarap sa Intelligence and Investigation Division (IID) sa itinakdang pagdinig at magsumite ng kanilang sinumpaang salaysay upang ipaliwanag kung bakit hindi sila dapat managot sa mga kasong Reckless Driving, Duty of Driver in Case of Accident, Duty to Procure License, at Improper Person to Operate a Motor Vehicle, bukod pa sa iba pang paglabag na maaaring matukoy sa nagpapatuloy na imbestigasyon.

Kasabay nito, isinailalim na sa alarm status ang naturang motorsiklo habang nagpapatuloy ang imbestigasyon.

β€œHindi lamang ang paglabag sa batas-trapiko ang pananagutan sa ganitong uri ng insidente. Ang pag-alis sa pinangyarihan ng aksidente nang hindi nagbibigay ng kinakailangang tulong sa biktima ay nagpapakita ng kawalan ng responsibilidad na hindi natin palalampasin. Sisiguruhin ng LTO na mapapanagot ang sinumang mapatutunayang lumabag sa umiiral na batas,” pahayag ni Asec. Lacanilao.

Binigyang-diin ng LTO na ang bawat motorista ay may pananagutang pangalagaan ang buhay at kaligtasan ng kapwa sa lansangan.

π€ππˆπ’πŽ 𝐒𝐀 ππ”ππ‹πˆπŠπŽKaugnay ng mga naging sunod-sunod na isyu na nakaapekto sa Land Transportation Management System (LTMS),...
30/07/2026

π€ππˆπ’πŽ 𝐒𝐀 ππ”ππ‹πˆπŠπŽ

Kaugnay ng mga naging sunod-sunod na isyu na nakaapekto sa Land Transportation Management System (LTMS), at upang matiyak ang tuloy-tuloy na pagbibigay ng serbisyo at mabigyan ang publiko ng sapat na pagkakataong makapagproseso ng kanilang mga transaksyon nang walang karagdagang bayarin, ipinatutupad ang Memorandum Circular No. MVL-2026-5271.

Pinalalawig hanggang sa susunod na abiso ang bisa ng mga sumusunod na mag-e-expire simula Hulyo 1, 2026:

β€’ Motor Vehicle Registration
β€’ Driver's License
β€’ Conductor's License
β€’ Student Permit
β€’ Medical Certificate

Walang sisingiling late fees o penalties para sa lahat ng renewal na sakop ng nasabing extension habang epektibo ang Memorandum Circular.

Maraming salamat sa inyong pang-unawa at patuloy na pakikipagtulungan.

π•πˆπ‘π€π‹ π‘πˆπƒπ„π‘ 𝐍𝐀 ππ€π€πŠπ“π”π‡π€ππ† πƒπ”πŒπ€π€π 𝐒𝐀 𝐄𝐃𝐒𝐀 ππ”π’π–π€π˜, 𝐍𝐀𝐆-π‚πŽπ”ππ“π„π‘π…π‹πŽπ– 𝐀𝐓 𝐖𝐀𝐋𝐀𝐍𝐆 π’π”πŽπ“ 𝐍𝐀 π‡π„π‹πŒπ„π“, π‡πˆππ€πˆππ€π 𝐍𝐆 π‹π“πŽ 𝐍𝐆 π’π‚πŽ; π‹πˆπ’π„π...
28/07/2026

π•πˆπ‘π€π‹ π‘πˆπƒπ„π‘ 𝐍𝐀 ππ€π€πŠπ“π”π‡π€ππ† πƒπ”πŒπ€π€π 𝐒𝐀 𝐄𝐃𝐒𝐀 ππ”π’π–π€π˜, 𝐍𝐀𝐆-π‚πŽπ”ππ“π„π‘π…π‹πŽπ– 𝐀𝐓 𝐖𝐀𝐋𝐀𝐍𝐆 π’π”πŽπ“ 𝐍𝐀 π‡π„π‹πŒπ„π“, π‡πˆππ€πˆππ€π 𝐍𝐆 π‹π“πŽ 𝐍𝐆 π’π‚πŽ; π‹πˆπ’π„ππ’π˜π€ π’π”π’ππ„ππƒπˆπƒπŽ, πŒπŽπ“πŽπ‘π’πˆπŠπ‹πŽ πˆππ€π‹π€π‘πŒπ€

Sa direktiba ni Land Transportation Office (LTO) Chief, Assistant Secretary Markus V. Lacanilao, ipinag-utos ang paghahain ng Show Cause Order (SCO) laban sa rider at rehistradong may-ari ng motorsiklong naaktuhang ilegal na dumaan sa EDSA Carousel Busway.

Batay sa video na ibinahagi ng Special Action and Intelligence Committee for Transportation (SAICT), makikitang ilegal na dumaan ang motorista sa EDSA Busway at nag-counterflow pa sa southbound lane sa pagitan ng Guadalupe at Buendia Stations. Makikita rin sa video na walang suot na standard protective helmet ang rider habang nagmamaneho. Matapos ang insidente, nagtangka pa itong tumakas ngunit kalaunan ay nahuli rin ng mga operatiba ng SAICT.

Kasunod nito, ipinag-utos ni Asec. Lacanilao ang agarang pagsasagawa ng masusing imbestigasyon upang matukoy ang pagkakakilanlan ng rider at ng rehistradong may-ari ng motorsiklo.

Dahil dito, naghain ang LTO ng SCO laban sa rider at rehistradong may-ari ng motorsiklo. Inaatasan silang humarap sa tanggapan ng Intelligence and Investigation Division (IID) sa itinakdang pagdinig upang magsumite ng mga kaukulang dokumento at sinumpaang salaysay na magpapaliwanag kung bakit hindi sila dapat managot sa mga paglabag na Reckless Driving at hindi pagsusuot ng standard protective helmet, at kung bakit hindi sila dapat ideklarang Improper Person to Operate a Motor Vehicle, na maaaring magresulta sa pagbawi ng driver's license.

Kasabay nito, ipinag-utos din ang agarang pagsusuko ng driver's license ng sangkot na rider, na sasailalim sa 90-araw na preventive suspension habang isinasagawa ang imbestigasyon. Inilagay na rin sa alarm status ang nasabing motorsiklo upang maiwasan ang anumang transaksyon sa LTO hanggang sa tuluyang maresolba ang kaso.

"Ang EDSA Busway ay eksklusibong inilaan para sa mga sasakyang awtorisadong gumamit nito. Hindi ko palalampasin ang sinumang sadyang gagamit nito nang labag sa batas at lalo pang magsasagawa ng iba pang mapanganib na paglabag sa kalsada. Ang wastong paggamit ng ating mga lansangan at mahigpit na pagsunod sa batas-trapiko ay mahalaga upang mapanatili ang kaligtasan at kaayusan para sa lahat," ani Asec. Lacanilao.

Nananatiling matatag ang LTO sa pagpapatupad ng batas laban sa mga lumalabag sa mga alituntunin sa kalsada. Patuloy nitong paiigtingin ang mga operasyon at imbestigasyon upang mapanagot ang mga lumalabag at mapanatili ang kaayusan sa mga lansangan. Kasabay nito, nananawagan ang LTO sa lahat ng motorista na maging responsable at sumunod sa batas-trapiko upang matiyak ang kaligtasan ng bawat gumagamit ng kalsada.

πƒπ‘π€π˜ππ„π‘ 𝐍𝐀 π’π€ππ†πŠπŽπ“ 𝐒𝐀 𝐏𝐀𝐆𝐁𝐀𝐍𝐆𝐆𝐀 𝐍𝐆 πˆπ’π€ππ† πŒπˆπ˜π„πŒππ‘πŽ 𝐍𝐆 ππ‡πˆπ‹πˆπππˆππ„ π‚πŽπ€π’π“ 𝐆𝐔𝐀𝐑𝐃 𝐒𝐀 πˆπ’πˆππ€π’π€π†π€π–π€ππ† π‚π‡π„π‚πŠππŽπˆππ“, 𝐀𝐆𝐀𝐃 𝐍𝐀 πˆππˆπ’π˜π”π‡...
28/07/2026

πƒπ‘π€π˜ππ„π‘ 𝐍𝐀 π’π€ππ†πŠπŽπ“ 𝐒𝐀 𝐏𝐀𝐆𝐁𝐀𝐍𝐆𝐆𝐀 𝐍𝐆 πˆπ’π€ππ† πŒπˆπ˜π„πŒππ‘πŽ 𝐍𝐆 ππ‡πˆπ‹πˆπππˆππ„ π‚πŽπ€π’π“ 𝐆𝐔𝐀𝐑𝐃 𝐒𝐀 πˆπ’πˆππ€π’π€π†π€π–π€ππ† π‚π‡π„π‚πŠππŽπˆππ“, 𝐀𝐆𝐀𝐃 𝐍𝐀 πˆππˆπ’π˜π”π‡π€π 𝐍𝐆 π’π‚πŽ 𝐍𝐆 π‹π“πŽ; π‹πˆπ’π„ππ’π˜π€ π’π”π’ππ„ππƒπˆπƒπŽ, π’π€π’π€πŠπ˜π€π πˆππ€π‹π€π‘πŒπ€

Agad na umaksyon ang Land Transportation Office (LTO), sa direktiba ni LTO Chief, Assistant Secretary Markus V. Lacanilao, sa pamamagitan ng paglalabas ng Show Cause Order (SCO) laban sa rehistradong may-ari at drayber ng isang sasakyan na sangkot sa insidente ng pagkakabangga sa isang tauhan ng Philippine Coast Guard (PCG) habang nagsasagawa ng checkpoint operation kasama ang mga tauhan ng LTO sa Roxas Boulevard, ParaΓ±aque City noong Hulyo 26.

Batay sa inisyal na ulat ng insidente, nagtamo ng mga pinsala ang biktima matapos mabangga ng naturang sasakyan habang nasa aktuwal na pagpapatupad ng checkpoint operation.

Dahil dito, inaatasan ang rehistradong may-ari at ang drayber ng naturang sasakyan na humarap sa tanggapan ng Intelligence and Investigation Division (IID) sa itinakdang pagdinig at magsumite ng kanilang sinumpaang salaysay, kalakip ang mga kaukulang orihinal na dokumento, upang ipaliwanag kung bakit hindi dapat maharap ang drayber sa kasong Reckless Driving at kung bakit hindi siya dapat ideklarang Improper Person to Operate a Motor Vehicle, na maaaring magresulta sa pagsuspindi o pagbawi ng kanyang driver's license.

"Ang driver's license ay hindi lamang pahintulot na makapagmaneho, kundi patunay na ang isang tao ay may disiplina at paggalang sa batas at regulasyon ng ahensya. Kapag ang resulta ng pagmamaneho ay pinsala sa isang tauhang nasa aktuwal na pagpapatupad ng batas, obligasyon ng LTO na suriin kung nananatili siyang karapat-dapat maghawak ng lisensya," pahayag ni Asec. Lacanilao.

Kasunod nito, inatasan ang drayber na agad na isuko ang kanyang driver's license sa tanggapan ng IID, na isasailalim sa 90-araw na preventive suspension habang nagpapatuloy ang imbestigasyon. Pansamantala ring inilagay sa alarm status ang naturang sasakyan.

Muling iginiit ng LTO na ang driver's license ay hindi lamang pahintulot upang makapagmaneho, kundi isang pribilehiyong ipinagkakaloob sa mga may kakayahang sumunod sa batas, gumalang sa kapwa, at unahin ang kaligtasan sa lansangan. Binigyang-diin ng ahensya na ang bawat may hawak ng lisensya ay inaasahang patuloy na patunayan, sa bawat paglalakbay, na karapat-dapat siyang pagkatiwalaan sa pamamagitan ng responsableng pagmamaneho at mahigpit na pagsunod sa mga umiiral na batas at regulasyon.

28/07/2026

π‹π“πŽ, πˆππˆπ’π˜π”π‡π€π 𝐍𝐆 π’π‚πŽ 𝐀𝐍𝐆 πƒπ‘π€π˜ππ„π‘ 𝐍𝐆 π“π‘π”π‚πŠ 𝐍𝐀 π’π€ππ†πŠπŽπ“ 𝐒𝐀 πŠπ€π‘π€πŒππŽπ‹π€ 𝐒𝐀 𝐁𝐔𝐋𝐀𝐂𝐀𝐍 𝐍𝐀 πˆπŠπˆππ€π’π€π–πˆ 𝐍𝐆 πˆπ’π€ππ† π‘πˆπƒπ„π‘; π‹πˆπ’π„ππ’π˜π€ π’πˆππ”π’ππˆππƒπ„, π“π‘π”π‚πŠ πˆππˆπ‹π€π†π€π˜ 𝐒𝐀 π€π‹π€π‘πŒ

Inatasan ng Land Transportation Office (LTO) na magpaliwanag ang drayber ng isang truck na sangkot sa nakamamatay na sunod-sunod na banggaan sa Cagayan Valley Road, Brgy. Sapang Putol, San Ildefonso, Bulacan noong Hulyo 21.

Sa direktiba ni LTO Chief, Assistant Secretary Markus V. Lacanilao, inisyuhan ng Show Cause Order (SCO) ang drayber upang ipaliwanag ang kanyang pananagutan sa insidente na ikinamatay ng isang motorista.

Batay sa paunang imbestigasyon ng LTO, nangyari ang insidente bandang alas-tres ng hapon noong Hulyo 21 sa Cagayan Valley Road. Makikita sa CCTV footage na bumangga ang truck sa hulihan ng isang sasakyan na nagtulak sa naturang sasakyan upang bumangga sa isa pang sasakyan. Dahil sa lakas ng banggaan, pumasok ang isa sa mga sasakyan sa national road at nabangga ang isang motorsiklo, dahilan upang matumba ang rider nito at masagasaan ng truck. Nadamay rin sa insidente ang isa pang sasakyan na nakaparada sa gilid ng kalsada habang nagsasakay ng mga pasahero.

Lumabas din sa imbestigasyon na bago ang insidente ay nakasagi umano ang truck ng isa pang sasakyan sa Brgy. Matimbubong ngunit hindi ito huminto. Habang hinahabol ng nasabing motorista ang truck, nasaksihan nito ang sunod-sunod na banggaan.

Dahil sa mga nakitang paglabag, inaatasan ang drayber ng truck na humarap sa tanggapan ng Intelligence and Investigation Division (IID) sa itinakdang pagdinig upang ipaliwanag kung bakit hindi siya dapat maharap sa kasong Reckless Driving, at kung bakit hindi dapat ipataw sa kanya ang kaukulang parusa gaya ng pagsuspinde o pagbawi ng lisensya, o diskwalipikasyon sa pagkuha ng lisensya sa pagmamaneho dahil sa pagiging Improper Person to Operate a Motor Vehicle sa ilalim ng Republic Act No. 4136.

Inatasan din ang operator ng naturang sasakyan na magpaliwanag kung bakit hindi siya dapat managot sa kasong Employing a Reckless Driver.

Kasabay nito, ang sangkot na drayber ay kinakailangang agad na isuko ang kanyang driver’s license sa LTO. Ang kanyang lisensya ay sasailalim sa 90-araw na preventive suspension habang nagpapatuloy ang imbestigasyon. Inilagay rin sa alarm ang naturang truck.

Samantala, inimbitahan din ng LTO ang rehistradong may-ari at drayber ng isa sa mga sasakyang sangkot sa insidente na humarap sa tanggapan ng IID sa itinakdang clarificatory hearing upang magsumite ng sinumpaang salaysay, at iba pang mga dokumentong maaaring makatulong sa isinasagawang imbestigasyon.

"Isang buhay ang nawala sa insidenteng ito, kaya hindi maaaring maging mababaw ang pagtingin natin dito. Ang bawat detalye ay dapat masuri at ang bawat may pananagutan ay dapat managot. Iyan ang pananagutang hindi kailanman tatalikuran ng LTO," saad ni Asec. Lacanilao.

Binigyang-diin ng LTO na ang bawat trahedyang nagaganap sa kalsada ay nagsisilbing paalala sa kahalagahan ng responsableng pagmamaneho at mahigpit na pagsunod sa batas-trapiko. Sa pamamagitan ng maagap na pag-aksyon at masusing imbestigasyon sa bawat insidente, layunin ng ahensya na mapanagot ang mga lumalabag, mapanatili ang disiplina sa kalsada at maprotektahan ang kaligtasan ng publiko.

28/07/2026

π‘πˆπƒπ„π‘ 𝐍𝐀 π‡π”πŒπˆππ“πŽ 𝐒𝐀 π†πˆπ“ππ€ 𝐍𝐆 πˆππ“π„π‘π’π„π‚π“πˆπŽπ 𝐀𝐓 ππ€π†ππ€πŠπˆπ“π€ 𝐍𝐆 π€π†π‘π„π’πˆππŽππ† 𝐏𝐀𝐆-π”π”π†π€π‹πˆ 𝐒𝐀 πŠπ€ππ–π€ πŒπŽπ“πŽπ‘πˆπ’π“π€, ππˆππ€πƒπ€π‹π‡π€π 𝐍𝐆 π‹π“πŽ 𝐍𝐆 π’π‡πŽπ– 𝐂𝐀𝐔𝐒𝐄 πŽπ‘πƒπ„π‘; π‹πˆπ’π„ππ’π˜π€ π’π”π’ππ„ππƒπˆπƒπŽ, πŒπŽπ“πŽπ‘π’πˆπŠπ‹πŽ πˆππ€π‹π€π‘πŒπ€

Isang viral na insidente sa kalsada ang agad na tinugunan ng Land Transportation Office (LTO), sa direktiba ni LTO Chief, Assistant Secretary Markus V. Lacanilao, sa pamamagitan ng paglalabas ng Show Cause Order (SCO) laban sa rehistradong may-ari at rider ng isang motorsiklo.

Ang hakbang na ito ay kasunod ng isinagawang imbestigasyon ng LTO sa video na nakarating sa ahensya, kung saan makikitang huminto ang rider sa gitna ng intersection, bumaba sa kanyang motorsiklo upang paabantehin ang ibang motorista sa kabila ng pulang traffic light, at nagpakita ng hindi angkop na asal at pananalita sa kapwa motorista matapos hindi ito sumunod sa kanyang nais na pag-usad.

Ang rider ay maaaring maharap sa paglabag na Disregarding Traffic Signs at kailangang ipaliwanang bakit hindi dapat ideklarang Improper Person to Operate a Motor Vehicle, na maaaring magresulta sa pagsuspindi o pagbawi ng kanyang driver's license.

Dahil sa mga namataang paglabag, inaatasan ang rehistradong may-ari at ang rider na humarap sa tanggapan ng Intelligence and Investigation Division (IID) sa itinakdang pagdinig at magsumite ng kanilang sinumpaang salaysay, upang ipaliwanag kung bakit hindi siya dapat mapatawan ng kaukulang administratibong parusa kaugnay ng mga paglabag na natukoy sa isinagawang imbestigasyon ng LTO.

Ang rider ay isasailalim sa 90-araw na preventive suspension habang nagpapatuloy ang imbestigasyon at inaatasan na agad isuko ang kanyang driver's license sa tanggapan ng IID. Pansamantala ring inilagay sa alarm ang naturang motorsiklo.

"Hindi katanggap-tanggap na may isang motorista na manghikayat sa kapwa nito na balewalain ang pulang traffic light, lalo na kung may mga sumusunod naman sa batas-trapiko. Ang bawat traffic signal ay mahalaga upang mapanatili ang kaayusan sa kalsada at maiwasan ang aksidente, kaya nararapat lamang na kumilos ang LTO laban sa sinumang sadyang lumalabag at nag-uudyok sa iba na gawin din ito," pahayag ni Asec. Lacanilao.

Bilang bahagi ng patuloy na pagsusulong ng ligtas at disiplinadong pagmamaneho, hinihikayat ng LTO ang lahat ng motorista na maging responsable at disiplinado sa kalsada sa pamamagitan ng pagsunod sa mga batas trapiko at paggalang sa mga itinakdang traffic signal. Ang bawat desisyon ng isang motorista ay may epekto sa kaligtasan ng iba, kaya mahalaga ang pagkakaroon ng tamang asal sa pagmamaneho upang maiwasan ang mga insidente at makabuo ng mas ligtas na kapaligiran para sa lahat ng gumagamit ng kalsada.

🚨 π’π‡πŽπ– 𝐂𝐀𝐔𝐒𝐄 πŽπ‘πƒπ„π‘ 𝐔𝐏𝐃𝐀𝐓𝐄 🚨Ipinasya ng Land Transportation Office (LTO) na permanenteng bawiin ang driver’s license ng d...
28/07/2026

🚨 π’π‡πŽπ– 𝐂𝐀𝐔𝐒𝐄 πŽπ‘πƒπ„π‘ 𝐔𝐏𝐃𝐀𝐓𝐄 🚨

Ipinasya ng Land Transportation Office (LTO) na permanenteng bawiin ang driver’s license ng drayber ng isang SUV na naunang inisyuhan ng Show Cause Order (SCO) kaugnay ng hit-and-run incident sa Ortigas Avenue, Mandaluyong City.

Kasunod ng isinagawang pagdinig ng Intelligence and Investigation Division (IID), napatunayang may pananagutan ang naturang drayber sa paglabag sa Reckless Driving. Idineklara rin siyang Improper Person to Operate a Motor Vehicle, na naging batayan ng permanenteng pagbawi ng kanyang driver’s license. Matatandaang ang naturang sasakyan ay may sticker ng House of Representatives (HOR) na nakatakip sa conduction sticker nito, habang natatakpan naman ng diyaryo ang plaka nito sa insidenteng ito. Mananatili rin sa alarm status ang naturang sasakyan alinsunod sa inilabas na resolusyon.

Para sa kaugnay na ulat, narito ang unang inilabas na Press Release: https://www.facebook.com/share/p/1BWJTJyNiY/?mibextid=wwXIfr

23/07/2026

πŒπŽπ“πŽ π•π‹πŽπ†π†π„π‘, 𝐀𝐆𝐀𝐃 πˆππˆπ’π˜π”π‡π€π 𝐍𝐆 π‹π“πŽ 𝐍𝐆 π’π‚πŽ πŒπ€π“π€ππŽπ’ πŒπ€πŠπˆπ“π€ 𝐒𝐀 π•πˆπƒπ„πŽ 𝐍𝐀 ππ€π†πŒπ€πŒπ€ππ„π‡πŽ 𝐍𝐀𝐍𝐆 𝐖𝐀𝐋𝐀𝐍𝐆 π‡π„π‹πŒπ„π“; π‹πˆπ’π„ππ’π˜π€ π’π”π’ππ„ππƒπˆπƒπŽ, πŒπŽπ“πŽπ‘π’πˆπŠπ‹πŽ πˆππ€π‹π€π‘πŒπ€

Agad na umaksyon ang Land Transportation Office (LTO), sa direktiba ni LTO Chief, Assistant Secretary Markus V. Lacanilao, sa pamamagitan ng paglalabas ng Show Cause Order (SCO) laban sa isang babaeng moto vlogger kaugnay ng mga paglabag sa batas-trapiko na nakita sa isa sa kanyang mga vlog.

Sa naturang video, makikita ang babaeng moto vlogger na nagmamaneho ng motorsiklo sa pampublikong kalsada nang walang suot na standard protective helmet. Batay sa isinagawang beripikasyon ng ahensya, natukoy ang pagkakakilanlan ng rehistradong may-ari ng naturang motorsiklo.

Dahil dito, inaatasan ang rehistradong may-ari at ang itinalagang rider na humarap sa tanggapan ng Intelligence and Investigation Division (IID) sa itinakdang pagdinig at magsumite ng kanyang sinumpaang salaysay upang ipaliwanag kung bakit hindi dapat managot sa paglabag sa Failure to Wear the Standard Motorcycle Helmet.

Inaatasan din ang rider na ipaliwanag kung bakit hindi siya dapat ideklarang Improper Person to Operate a Motor Vehicle, na maaaring magresulta sa suspensyon, pagbawi, o diskwalipikasyon sa pagkuha ng driver’s license.

Kasabay nito, isinailalim sa 90-araw na preventive suspension ang driver’s license ng itinalagang rider at inatasang agad itong isuko sa tanggapan ng IID. Inilagay rin sa alarm status ang naturang motorsiklo habang isinasagawa ang kaukulang imbestigasyon.

β€œHindi dahilan ang kasikatan o pagiging content creator para balewalain ang batas. Ang pagsusuot ng standard protective helmet ay hindi opsyon kundi obligasyon ng bawat rider. Kung ikaw mismo ang may impluwensya sa publiko, mas malaki ang pananagutan mong maging huwaran sa responsableng pagmamaneho. Hindi namin tinitingnan kung sino ka o gaano karami ang iyong tagasubaybay. Ang tinitingnan namin ay kung sumusunod ka sa batas. Sa LTO, pantay ang pagpapatupad ng batas sa lahat,” pahayag ni Asec. Lacanilao.

Binigyang-diin ng LTO na hindi nito kukunsintihin ang pagpapalaganap ng mga content na nagpapakita o naghihikayat ng paglabag sa batas-trapiko. Paalala ng ahensya na ang bawat motorista, lalo na ang may malawak na impluwensya sa publiko, ay inaasahang maging huwaran sa responsableng pagmamaneho. Patuloy na paiigtingin ng LTO ang pagbabantay at agarang pag-aksyon laban sa sinumang mapatutunayang lumalabag sa umiiral na mga batas at regulasyon sa lansangan.

Address

San Gabriel
Tuguegarao City
3500

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm

Website

Alerts

Be the first to know and let us send you an email when Tuguegarao Licensing Center posts news and promotions. Your email address will not be used for any other purpose, and you can unsubscribe at any time.

Shortcuts

Share

Category