Sangguniang Panlalawigan - Province of Cagayan

Sangguniang Panlalawigan - Province of Cagayan Contact information, map and directions, contact form, opening hours, services, ratings, photos, videos and announcements from Sangguniang Panlalawigan - Province of Cagayan, Public & Government Service, Capitol Complex, Cagayan, Tuguegarao City.

ANO NGA BA ANG QUORUM AT MAJORITY SA MGA SESYON NG SANGGUNIANG PANLALAWIGAN?Alamin mamaya sa Ugnayang Sanggunian ang mah...
08/07/2026

ANO NGA BA ANG QUORUM AT MAJORITY SA MGA SESYON NG SANGGUNIANG PANLALAWIGAN?

Alamin mamaya sa Ugnayang Sanggunian ang mahahalagang konsepto ng quorum at majority kasama si Assistant Secretary to the Sanggunian, Mr. Lysander G. Sibal, J.D.

Pag-uusapan natin kung kailan nagkakaroon ng quorum, bakit ito mahalaga sa pagsasagawa ng sesyon, at kung paano ginagamit ang majority sa pag-apruba ng mga panukala at iba pang aksyon ng Sangguniang Panlalawigan.

Mamaya | 11:00 AM – 12:00 NN

06/07/2026

47th Regular Session of the 12th Sangguniang Panlalawigan ng Cagayan
July 06, 2026

PAMILYA, MGA MAHAHALAGANG PANUKALA AT PAGKILALA SA MGA NATATANGING CAGAYANO, NANGUNA SA 47TH SP REGULAR SESSIONIlang mah...
06/07/2026

PAMILYA, MGA MAHAHALAGANG PANUKALA AT PAGKILALA SA MGA NATATANGING CAGAYANO, NANGUNA SA 47TH SP REGULAR SESSION

Ilang mahahalagang panukala, programa, at resolusyon ang tinalakay ng Sangguniang Panlalawigan ng Cagayan sa ginanap na ika-47 Regular Session nitong Hulyo 6. Kabilang sa mga pangunahing agenda ang panukalang Cagayan Family Development Program, mga karagdagang plano at badyet ng lalawigan, at mga resolusyong nagbibigay-pugay sa mga natatanging Cagayano at institusyon.

Nanguna sa mga panukalang tinalakay ang ordinansang mag-iinstitutionalize sa Cagayan Family Development Program, na pangunahing isinulong ni Vice Governor Manuel Mamba. Layunin nitong likhain ang Provincial Child and Family Development Council, bumuo ng isang komprehensibong programa para sa pagpapatatag ng pamilya at paghubog sa kabataan, at maglaan ng kaukulang pondo para sa pagpapatupad nito.

Isinusulong ng panukala ang mga programang nakatuon sa responsableng pagiging magulang, pagpapalakas ng kultura ng pagbabasa, paghubog ng tamang asal at pagpapahalaga, at responsableng paggamit ng digital technology. Kabilang dito ang Parent Education Program, One-Hour Family Time Program, One-Hour Study Habit, Responsible Digital Citizenship and Digital Wellness Program, Volunteerism and Youth Leadership Program, Family Counseling, at Referral and Support Services. Matapos maipasa sa Unang Pagbasa, ini-refer ang panukala sa Committee on Women, Children, and Family para sa masusing pagtalakay at kaukulang rekomendasyon.

Kasabay nito, isinailalim din sa konsiderasyon ng Sanggunian ang mga dokumentong isinumite ng Provincial Development Council-Executive Committee (PDC-EXCOM), kabilang ang Supplemental Provincial Development Investment Program (SPDIP) No. 02 para sa planning period 2026–2031 at ang Supplemental Annual Investment Program (SAIP) No. 02 para sa CY 2026. Matapos maiprisinta sa plenaryo, kapwa ini-refer ang SPDIP at SAIP sa Committee on Finance and Appropriations para sa masusing pagtalakay at pagbuo ng kaukulang rekomendasyon. Inendorso rin ng Gobernador ang CY 2026 Supplemental Budget No. 01 ng Lalawigan ng Cagayan na nagkakahalaga ng ₱783,512,514.79, na ini-refer din sa naturang komite para sa pag-aaral at deliberasyon.

Inaprubahan rin ng Sangguniang Panlalawigan ang mga committee report na nagrerekomenda sa pag-apruba ng tatlong ordinansa ng Bayan ng Buguey na nagpapatibay sa pagpapatupad ng Children's Emergency Relief and Protection Act, Anti-Child Marriage Law, at ng Local Comprehensive Program for Children in Conflict with the Law (CICL) at Children at Risk (CAR), bilang bahagi ng patuloy na pagpapaigting ng mga hakbang para sa proteksyon at kapakanan ng mga bata.

Naging bahagi rin ng sesyon ang pagpapatibay ng mga resolusyon na nagbibigay-pugay sa mga indibidwal at institusyong nagbigay ng karangalan sa lalawigan at nagpakita ng natatanging paglilingkod sa kani-kanilang larangan. Kabilang sa mga kinilala si Rina Andrea Delos Santos ng Ballesteros sa kanyang makasaysayang pagkakahirang bilang Miss Philippines Earth 2026. Binati rin ng Sanggunian ang lahat ng local government units sa Cagayan at ang Lungsod ng Tuguegarao matapos makamit ang 100% passing rate sa Good Financial Housekeeping Seal para sa CY 2025. Pinagtibay rin ang isang resolusyon bilang pagkilala kay Governor Edgar B. Aglipay sa kanyang pagkakapili bilang Top 2 Performing Governor sa Region II batay sa Boses ng Bayan Governance Assessment ng RPMD Foundation Inc.

Nagpatibay rin ang Sanggunian ng mga resolusyon bilang pagkilala sa mga natatanging Cagayano sa larangan ng edukasyon, agrikultura, at palakasan. Kabilang sa mga pinarangalan sina Dr. Djovi R. Durante ng Enrile sa kanyang muling pagkakahirang bilang Pangulo ng Batanes State College para sa ikalawang termino (2026–2030), Dr. Emmanuel James P. Pattaguan sa kanyang pagkakahalal bilang ikaanim na Pangulo ng Apayao State College, at Jalan Neil C. Moralit ng Solana matapos tanghaling Most Outstanding Fisherfolk (Aquaculture) sa 2026 National Gawad Saka Awards. Kinilala rin sina Nael Raphael Simmone V. Aquino at Asha Ysabelle S. Villacorta ng Baggao South Central School para sa kanilang natatanging pagganap sa Dance Sports Competition ng Palarong Pambansa 2026, bilang pagkilala sa kanilang husay at pagbibigay ng karangalan sa lalawigan ng Cagayan.

Nakatakdang idaos ang susunod na Regular Session ng Sangguniang Panlalawigan sa Biyernes, Hulyo 17, kung saan inaasahang ipagpapatuloy ang pagtalakay sa mga nakabinbing panukala, programa, at iba pang mahahalagang usapin ng lalawigan.

-JT

ATTY. MABEL MAMBA, TINALAKAY ANG MGA PROGRAMANG PANGKABABAIHAN AT PANGKOMUNIDAD SA CAGAYANNaging makabuluhan at puno ng ...
01/07/2026

ATTY. MABEL MAMBA, TINALAKAY ANG MGA PROGRAMANG PANGKABABAIHAN AT PANGKOMUNIDAD SA CAGAYAN

Naging makabuluhan at puno ng kaalaman ang naging talakayan sa katatapos lamang na episode ng Ugnayang Sanggunian tampok si Atty. Mabel Villarica-Mamba, National President ng Rural Improvement Club (RIC), kung saan tinalakay ang iba’t ibang programang nakatuon sa women empowerment, community development, at pagpapalakas ng kabuhayan ng mga komunidad sa Cagayan.

Ibinahagi ni Atty. Mabel Mamba ang kahalagahan ng aktibong partisipasyon ng kababaihan sa pagsusulong ng mga programang pangkaunlaran, kabilang ang mga livelihood initiatives, community-based activities, at suporta sa mga samahang pangkababaihan upang higit na mapabuti ang kalidad ng buhay ng bawat pamilyang Cagayano.

Natalakay rin sa programa ang mga inisyatibang naglalayong mapatatag ang pagkakaisa sa mga komunidad at mahikayat ang mamamayan na makibahagi sa mga proyektong may direktang epekto sa pag-unlad ng mga kababaihan sa lalawigan.

Sa pamamagitan ng nasabing programa, muling naipakita ang mahalagang papel ng kababaihan at ng komunidad bilang katuwang sa pagtataguyod ng isang mas maunlad at mas matatag na Cagayan.

𝐇𝐚𝐩𝐩𝐲 𝐁𝐢𝐫𝐭𝐡𝐝𝐚𝐲 𝐭𝐨 𝐨𝐮𝐫 𝐰𝐨𝐧𝐝𝐞𝐫𝐟𝐮𝐥 𝐉𝐮𝐥𝐲 𝐂𝐞𝐥𝐞𝐛𝐫𝐚𝐭𝐨𝐫𝐬!To all the dedicated officials and employees of the Sangguniang Panlala...
01/07/2026

𝐇𝐚𝐩𝐩𝐲 𝐁𝐢𝐫𝐭𝐡𝐝𝐚𝐲 𝐭𝐨 𝐨𝐮𝐫 𝐰𝐨𝐧𝐝𝐞𝐫𝐟𝐮𝐥 𝐉𝐮𝐥𝐲 𝐂𝐞𝐥𝐞𝐛𝐫𝐚𝐭𝐨𝐫𝐬!

To all the dedicated officials and employees of the Sangguniang Panlalawigan and the Vice Governor's Office celebrating their birthdays this July, we extend our warmest greetings! Your hard work, commitment, and passion for public service are truly appreciated, and your contributions make a meaningful impact on our workplace and community.

On your special day, may you be surrounded by gratitude, joy, and the love of those who appreciate you. Today, we not only celebrate your birthdays but also the dedication and inspiration you bring to the Legislative Department.

Wishing you a year filled with success, happiness, and the fulfillment of your dreams. Thank you for being an incredible part of our journey.

Ano nga ba ang mga programang isinusulong upang higit na mapalakas ang kababaihan at mga komunidad sa lalawigan, at paan...
30/06/2026

Ano nga ba ang mga programang isinusulong upang higit na mapalakas ang kababaihan at mga komunidad sa lalawigan, at paano ito naipapadama sa bawat pamilyang Cagayano?

Abangan sa Ugnayang Sanggunian ang isang makabuluhang talakayan kasama si Atty. Mabel Villarica-Mamba, National President ng Rural Improvement Club, hinggil sa mga programang nakatuon sa women empowerment, community development, livelihood opportunities, at pagpapalakas ng partisipasyon ng mamamayan sa mga gawaing pangkaunlaran.

Tatalakayin din sa programa ang iba’t ibang inisyatiba para sa pagpapabuti ng kabuhayan, pagpapaigting ng pagkakaisa sa komunidad, pagsuporta sa mga samahang pangkababaihan, at mga proyektong naglalayong higit na mapaunlad ang kalidad ng buhay ng mga Cagayano.

Makibahagi sa isang makabuluhang usapan tungkol sa mahalagang papel ng kababaihan at komunidad sa pagsusulong ng mas maunlad at mas matatag na Cagayan.

Abangan bukas ang Ugnayang Sanggunian!

Miyerkules, July 1, 2026
11:00 AM- 12:00 NN

BANAL NA MISA, NAGING SENTRO NG PAGGUNITA SA IKA-443 AGGAO NAC CAGAYANIsang banal na misa ang idinaos ngayong Lunes, Hun...
29/06/2026

BANAL NA MISA, NAGING SENTRO NG PAGGUNITA SA IKA-443 AGGAO NAC CAGAYAN

Isang banal na misa ang idinaos ngayong Lunes, Hunyo 29, 2026, sa Saint Peter Metropolitan Cathedral bilang pangunahing bahagi ng paggunita sa ika-443 anibersaryo ng pagkakatatag ng gobyernong sibil ng Cagayan o mas kilala bilang “Aggao Nac Cagayan.”

Pinangunahan ni Tuguegarao Archbishop Ricardo Baccay kasama ang mga pari mula sa iba’t ibang parokya sa lalawigan ang misa ng pasasalamat bilang panalangin para sa patuloy na paggabay, pagkakaisa, kapayapaan, at kaunlaran ng lalawigan ng Cagayan.

Dumalo sa nasabing okasyon sina Governor Edgar Aglipay at Vice Governor Manuel Mamba kasama ang iba pang opisyal ng Pamahalaang Panlalawigan ng Cagayan kabilang sina Unang Ginang ng Cagayan Marinette Yan-Aglipay, Ikalawang Ginang at PGC Events Chairperson Atty. Mabel Villarica-Mamba, Provincial Administrator Atty. Maria Rosario Mamba-Villaflor, mga alkalde, miyembro ng Sangguniang Panlalawigan, department heads, at mga kawani ng pamahalaang panlalawigan.

Kasabay ring ipinagdiwang ng Saint Peter Metropolitan Cathedral ang “Aggao Nac Catedral” bilang paggunita sa ika-443 anibersaryo ng pagkakatatag ng simbahan na kinikilalang isa sa mga pangunahing sentro ng pananampalatayang Katoliko sa lalawigan.

Sa kanyang homily, tinalakay ni Archbishop Baccay ang buhay at misyon nina San Pedro at San Pablo at ang mahalagang papel ng pananampalataya, pagkakaisa, at paglilingkod sa buhay Kristiyano at sa lipunan.

Binigyang-diin din ng Arsobispo na sa kabila ng payak na pagdiriwang ngayong taon dahil sa umiiral na mga hamon at krisis, nananatiling makahulugan ang selebrasyon sapagkat ito ay naging pagkakataon upang magkaisa ang mamamayan sa pananalangin at pasasalamat para sa patuloy na biyaya at kapayapaang tinatamasa ng lalawigan.

Ang Aggao Nac Cagayan ay taunang pagdiriwang bilang pag-alala sa makasaysayang pagkakatatag ng lalawigan at bilang pagkilala sa mayamang kultura, kasaysayan, at pagkakakilanlan ng mga Cagayano.

-AH

12TH SP CAGAYAN, NAGSAGAWA NG AWARDING CEREMONY PARA SA MGA NATATANGING, ATLETA, MAG-AARAL AT G**ONagsagawa ng Awarding ...
25/06/2026

12TH SP CAGAYAN, NAGSAGAWA NG AWARDING CEREMONY PARA SA MGA NATATANGING, ATLETA, MAG-AARAL AT G**O

Nagsagawa ng Awarding Ceremony ang 12th Sangguniang Panlalawigan ng Cagayan bilang bahagi ng ika-46 na Regular Session upang parangalan ang mga natatanging mag-aaral at g**o na nagbigay ng karangalan sa lalawigan sa iba’t ibang larangan. Pinangunahan ito ni Vice Governor at Presiding Officer Manuel Mamba.

Nagkaloob ng Resolution at Plaque of Commendation kay Ms. Iris Cynthia C. Pobre matapos niyang makasungkit ng Bronze Medal sa larangan ng Karate-Do sa Palarong Pambansa. Ang naturang pagkilala ay inisponsoran ni Board Member Jean Alphonse Ponce.

Pinarangalan din sina Ms. Kyla Dale Purification, Mr. Gian Christopher Tomas, Ms. Xian Lei Talamayan, Ms. Samantha Nicole Bartolome, at Mr. Jayrus Carl Balonzo matapos magtamo ng mga pagkilala sa National Schools Press Conference na ginanap sa Ormoc City, Leyte. Kasabay ding kinilala ang Don Mariano Marcos National High School sa pamamagitan ng resolusyong inisponsoran ni Board Member Rowena G. Retoma.

Samantala, ginawaran din ng pagkilala sina Mr. Ryne Franzjnric J. Fariñas, Ms. Pearl Shannel Dela Rosa, Mr. Galileo Marphy J. Agustin, Ms. Franches A. Lacerona, at Ms. Dezireij Loraine C. Tan kasama ang kanilang coach na si Unnis Aguilor matapos nilang magbigay ng karangalan sa bansa sa International Creativity and Innovation Awards (ICIA) Global Round 2026 na ginanap sa Phnom Penh, Cambodia. Pinarangalan din ang Calaoagan Dackel National High School sa pamamagitan ng resolusyong inisponsoran ni Vice Governor Manuel Mamba.

Ipinakikita ng naturang awarding ceremony ang patuloy na suporta ng 12th Sangguniang Panlalawigan sa edukasyon at pagpapaunlad ng kakayahan ng mga kabataang Cagayano bilang mahalagang puhunan sa kinabukasan ng lalawigan.

-AH

PINAGTIBAY NG SP CAGAYAN ANG MGA RESOLUSYON PARA SA KALIGTASAN NG MGA MAG-AARAL, PDL REINTEGRATION AT HEALTH SERVICESPin...
25/06/2026

PINAGTIBAY NG SP CAGAYAN ANG MGA RESOLUSYON PARA SA KALIGTASAN NG MGA MAG-AARAL, PDL REINTEGRATION AT HEALTH SERVICES

Pinagtibay sa ika-46 na Regular Session ng Sangguniang Panlalawigan ng Cagayan, sa pangunguna ni Vice Governor at Presiding Officer Manuel Mamba, ang isang resolusyon na mariing naghihikayat sa pagsasagawa ng school-based symposia at awareness programs hinggil sa violence prevention, anti-bullying, mental health awareness, conflict resolution, responsible digital citizenship, at iba pang kaugnay na usapin sa lahat ng pampubliko at pribadong paaralan sa lalawigan.

Ang naturang resolusyon ay inisponsoran ni Board Member Rowena G. Retoma bilang tugon sa mga naitatalang insidente ng school-related violence sa bansa. Ayon kay BM Retoma, “prevention is better than cure,” kaya mahalagang mapalakas ang kamalayan at paggabay sa mga kabataan upang maiwasan ang karahasan at mapanatili ang ligtas na kapaligiran sa mga paaralan.

Aprubado rin sa sesyon ang Memorandum of Agreement (MOA) sa pagitan ng Pamahalaang Panlalawigan ng Cagayan at TESDA para sa implementasyon ng “Skills Development and Reintegration of Persons Deprived of Liberty (PDL) Program” para sa mga kwalipikadong PDL sa Cagayan Provincial Jail.

Kasabay nito, inaprubahan din ang MOA ng iba’t ibang medical specialists at consultants na magseserbisyo sa mga district hospitals ng lalawigan upang higit pang mapalakas ang serbisyong pangkalusugan para sa mga Cagayano.

Nagkaloob din ng Resolution of Commendation ang Sanggunian sa mga atletang Cagayan Pride na bahagi ng Gilas Youth Under-18 Team matapos nilang masungkit ang gintong medalya sa FIBA Asia Cup SEABA Under-18 Qualifiers 2026. Kabilang sa mga pinarangalan sina Jan Bennett Cagurangan, Patrick Pasinos, at Prince Cariño.

Sa pamamagitan ng mga aprubadong hakbang at programa, inaasahang higit pang mapapalakas ang edukasyon, rehabilitasyon, at serbisyong pangkalusugan sa lalawigan para sa kapakinabangan ng bawat Cagayano.

-AH

CAGAYAN YOUTH DAY AT MGA PROGRAMANG PANGKABATAAN, TINALAKAY SA UGNAYANG SANGGUNIANTinalakay sa programang Ugnayang Sangg...
24/06/2026

CAGAYAN YOUTH DAY AT MGA PROGRAMANG PANGKABATAAN, TINALAKAY SA UGNAYANG SANGGUNIAN

Tinalakay sa programang Ugnayang Sanggunian ang Provincial Ordinance No. 04-2012 na nagdedeklara sa Hunyo 28 ng bawat taon bilang Cagayan Youth Day. Layunin ng ordinansa na kilalanin ang mahalagang papel ng kabataan sa nation-building, marinig ang kanilang mga saloobin, at mabigyan sila ng mas malawak na pagkakataong makilahok sa mga programang pangkaunlaran ng lalawigan.

Kaugnay nito, binigyang-diin sa talakayan na patuloy na isinasakatuparan ng Pamahalaang Panlalawigan ng Cagayan ang mga layunin ng ordinansa sa pamamagitan ng iba't ibang programang pangkabataan. Kabilang dito ang Daluyong 2026 Student Leaders' Camp na naglalayong hubugin ang kakayahan sa pamumuno at aktibong pakikilahok ng mga kabataan sa kanilang mga komunidad.

Tinalakay rin ang Agkakaysa Scholarship Program na nagbibigay ng suportang pinansyal sa mga mag-aaral upang matulungan silang makapagpatuloy at makatapos ng kanilang pag-aaral. Ayon sa programa, ang edukasyon at youth development ay kabilang sa mga pangunahing prayoridad ng administrasyon nina Governor Edgar "Egay" Aglipay at Vice Governor Manuel Mamba para sa kapakanan ng kabataang Cagayano.

Sa pamamagitan ng mga programang ito, patuloy na pinalalakas ng pamahalaang panlalawigan ang boses, kakayahan, at oportunidad ng kabataan bilang mahalagang katuwang sa paghubog ng mas maunlad na kinabukasan para sa Cagayan.

-JT

Address

Capitol Complex, Cagayan
Tuguegarao City
3500

Website

Alerts

Be the first to know and let us send you an email when Sangguniang Panlalawigan - Province of Cagayan posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Sangguniang Panlalawigan - Province of Cagayan:

Shortcuts

Share

Category