Municipal Agriculture Office-Lgu Tukuran

11/08/2026

📢 REGISTRATION PARA SA “BENTENG BIGAS MERON NA!” SA TUKURAN

Maayong adlaw, Tukuranon! 🌾🍚

Ang Municipal Agriculture Office – Tukuran nagpahibalo nga abli na ang REGISTRATION alang sa mga mahimong benepisyaryo sa “Benteng Bigas Meron Na!” nga programa.

Kung sakop ka sa mga kwalipikadong sektor, gi-awhag ka nga magpa-register aron maapil sa validation ug mahimong benepisyaryo sa programa.

👥 KINSA ANG MAHIMONG MAGPA-REGISTER?

✅ Senior Citizens
✅ Solo Parents
✅ Persons with Disabilities (PWDs)
✅ Indigent Households, apil ang 4Ps beneficiaries
✅ Fisherfolk
✅ Jeepney Drivers
✅ Tricycle Drivers
✅ Minimum Wage Earners
✅ DepEd Teaching ug Non-Teaching Personnel

📍 ASA MAGPA-REGISTER?

Municipal Agriculture Office (MAO) – Tukuran

🕘 Oras: 9:00 AM – 3:00 PM
📅 Adlaw: Lunes hangtod Biyernes

📌 AYAW KALIMOT PAGDALA SA INYONG VALID ID kung aha ka nga sektor sakop.

Para sa dugang nga kasayuran, bisitaha ang Municipal Agriculture Office – Tukuran o mag-message sa among official page “Municipal Agriculture Office-LGU Tukuran.

🌾 Magparehistro na ug ayaw pasagdi ang higayon nga mahimong kabahin sa programa para sa mas baratong bugas!

07/08/2026

‎ |📍 𝐁𝐚𝐫𝐚𝐧𝐠𝐚𝐲 𝐌𝐚𝐧𝐥𝐚𝐲𝐚𝐠, 𝐓𝐮𝐤𝐮𝐫𝐚𝐧, 𝐙𝐚𝐦𝐛𝐨𝐚𝐧𝐠𝐚 𝐝𝐞𝐥 𝐒𝐮𝐫
‎
‎Successful atong Anti-Vaccination and Deworming para sa mga small and large ruminants sa Brgy. Manlayag, Tukuran, Zamboanga del Sur karong August 7, 2026.
‎
‎Dako kaayo’g tabang ang regular vaccination ug deworming para maprotektahan ang atong mga hayop gikan sa mga sakit ug parasites. Salamat sa mga livestock raisers nga ni-cooperate ug nagpabakuna ug nagpa-deworm sa ilang mga animals. 💉🐐🐄
‎Padayon ta sa pag-atiman sa atong mga hayop para mas healthy, productive, ug mas maayo ang kita sa atong mga mag-uuma. 🌱🤝
‎
‎

07/08/2026

PAHIBALO!!
Wala pay available nga P20 NFA nga bugas.

06/08/2026

MAFC MEETING | Agosto 6, 2026

Gipahigayon ang Municipal Agricultural and Fishery Council (MAFC) Meeting niadtong Agosto 6, 2026 sa Municipal Gymnasium, Tukuran, uban ang partisipasyon sa mga president gikan sa matag brgy sa lungsod aron hisgutan ang mga prayoridad nga programa ug kalihokan sa sektor sa agrikultura ug pangisda.

Lakip sa mga nahisgutan ang:
✅ P20 Benteng Bigas Program Updates
✅ Rice Program Updates
✅ Corn Program Updates
✅ Fisheries Program Updates
✅ Agricultural Damage Reports
✅ Uban pang mga isyu ug kalihokan nga may kalabutan sa pagpalambo sa sektor sa agrikultura sa lungsod.

Ang maong panagtigom nagtumong sa paglig-on sa koordinasyon ug kolaborasyon tali sa lokal nga panggamhanan ug sa mga miyembro sa MAFC aron masiguro ang epektibo nga pagpatuman sa mga programa ug serbisyo alang sa kaayohan sa atong mga mag-uuma ug mangingisda.

Padayon ang Municipal Agriculture Office sa paghatag og transparent, ug kalidad nga serbisyo alang sa usa ka lig-on ug mauswagon nga sektor sa agrikultura sa Tukuran. 🌱

03/08/2026

01/08/2026

UNSAON PAGPALIT SA BENTENG BIGAS MERON NA! PROGRAM?

1. MAGPAREHISTRO
Adto Opisina sa Agriculture sa Municipyo.
Dad-a ang balido nga ID ug dokumento nga nagpamatuod nga kwalipikado ka.
Magparehistro ug ipa-verify ang imong impormasyon.
Makadawat ka ug QR Code o Appointment Slip nga kinahanglan ipakita sa pagpalit.

2. PALIT
₱20 kada kilo
Ang gidaghanon sa imong mapalit magdepende sa imong kategorya o sektor.

3. SA MATAG PAGPALIT
Dad-a ug ipakita ang imong:
Balido nga ID
QR Code o Appointment Slip

KINSAY MAHIMONG MAKAPALIT?
Senior Citizens
Solo Parents
Persons with Disabilities (PWDs)
4Ps Beneficiaries
Public Utility Drivers
Mag-uuma sa Humay (Rice Farmers)
Mangingisda (Fisherfolk)

PAHINUMDOM
❗ Walay online selling o online ordering sa Benteng Bigas. Personal nga pag-adto lamang sa Opisina sa Agriculture o aha ang site sa distribution sa Lungsud.

01/08/2026

Thank you NFA Zamboanga del Sur Branch Office naabot najud sa among lungsod ang barato nga bugas❤️❤️

31/07/2026

Unsa ang P20 BENTENG BIGAS, MERON NA! Program? Kinsay maka benepesyo ani? Aha ni mapalit?

Unsa ang P20 BENTENG BIGAS, MERON NA! Program?

Ang P20 Benteng Bigas, Meron Na! usa ka programa sa gobyerno nga gipangulohan sa Department of Agriculture (DA), kauban ang National Food Authority (NFA) ug Food Terminal Inc. (FTI), aron makapalit ang mga kwalipikadong benepisyaryo og NFA rice sa ₱20 kada kilo. Tumong niini nga mapagaan ang gasto sa pagkaon sa mga pamilyang nanginahanglan samtang gisuportahan usab ang atong lokal nga mga mag-uuma.

Kinsay mahimong benepisyaryo?

•Senior Citizens
•Persons with Disabilities (PWDs)
•Solo Parents
•Pantawid Pamilyang Pilipino Program (4Ps) beneficiaries
•Indigent o low-income households
•Mga mag-uuma ug mangingisda
•Minimum wage earners
•Transport workers (Payong2 ug Jeepney Driver)
•Teaching and non-teaching personnel

Ngano nga sa LGU Tukuran ra mapalit ug dili sa normal nga tindahan?

Tungod kay ang programa gipatuman pinaagi sa koordinasyon sa Department of Agriculture (DA) ug sa Local Government Unit (LGU). Ang LGU maoy nag-andam sa listahan, nagdumala sa distribusyon, ug nagsiguro nga ang subsidized nga bugas mahatag lamang sa mga takos nga makadawat aron malikayan ang pag-abuso sa programa. Ang implementasyon ug mga kwalipikadong sektor mahimong magkalahi depende sa giya ug partisipasyon sa matag LGU.

Busa, ang P20 Benteng Bigas, Meron Na! dili mapalit sa ordinaryong mga tindahan o palengke, kondili sa opisyal nga distribution point nga gitakda sa LGU Tukuran ug alang lamang sa mga kwalipikadong benepisyaryo nga na-validate ug narehistro sa programa.

Kun aduna pa kamoy pangutan bisitaha ang Opisina sa Agriculture 🙂

📸 sonny boy

29/07/2026

P20 PROGRAM | Benteng Bigas, Meron Na! Moabot na sa Tukuran! 🌾

Maayong balita sa tanang katawhan sa Tukuran!

Karong Hulyo 31, 2026, opisyal nga ipahigayon ang Launching of the "P20 Benteng Bigas, Meron Na!" Program sa Municipal Gymnasium, Curvada, Tukuran.

200 ka sako sa NFA rice ang ipagawas aron mapahimuslan sa 1,000 ka kwalipikadong benepisyaryo, isip kabahin sa paningkamot sa gobyerno sa paghatag og abot-kayang bugas sa kantidad nga ₱20 matag kilo.

Ang Municipal Agriculture Office of Tukuran, ubos sa pagpanguna ni Municipal Agriculturist Mr. Virgilio O. Pilar, nagpasalamat pag-ayo sa Provincial Government of Zamboanga del Sur sa ilang walay hunong nga suporta ug pagpanguna aron madala ang maong programa sa atong lungsod. Dako usab ang among pagpasalamat sa mga kaabag nga national agencies—DA-AMAD, FTI, ug NFA—nga mitabang aron mahimong malampuson ang implementasyon sa programa.

Atong hatagan usab og dakong pag-ila ang atong Hon. Mayor Macario "Dodong Ores" Tingson, nga maoy nanguna sa mga inisyatiba ug koordinasyon aron mahatod ang "P20 Benteng Bigas, Meron Na!" Program sa Municipality of Tukuran. Kini usa ka lig-on nga pamatuod sa iyang padayon nga pagpaningkamot sa paghatag og mas barato ug dekalidad nga bugas alang sa katawhan.

📍 July 31, 2026🕗 Municipal Gymnasium, Curvada, Tukuran

Magkita-kita ta! Padayon ang pag-alagad alang sa kaayohan sa katawhan ug sa mas lig-on nga sektor sa agrikultura. 🌾🇵🇭

27/07/2026

Please visit the original post and cast your vote by reacting there. Don't forget to share.🥰