Mahal Kong Binangonan

  • Home
  • Mahal Kong Binangonan
Call Directions

Mahal Kong Binangonan The official page of the Municipality of Binangonan under the leadership of Mayor Rhea Ynares.

TINGNAN | PATULOY NA PAMAMAHAGI NG NOTICES AT PAGLILINIS SA BINANGONAN PUBLIC MARKET 🏪🔍Patuloy ang mga operasyon sa Bina...
23/10/2026

TINGNAN | PATULOY NA PAMAMAHAGI NG NOTICES AT PAGLILINIS SA BINANGONAN PUBLIC MARKET 🏪🔍

Patuloy ang mga operasyon sa Binangonan Public Market upang matiyak ang pagsunod sa mga umiiral na ordinansa at mapanatili ang kaayusan sa loob at paligid ng pamilihan.

Muling nagsagawa ng distribution of notices ang BPLO upang beripikahin ang mga business permit at kaukulang dokumento ng mga establisimyentong patuloy na nag-ooperate sa palengke.

🪧 Kasabay ng mga hakbang na ito, patuloy rin ang paglalagay ng mga signage sa paligid ng palengke upang gabayan ang publiko sa tamang paradahan at makatulong sa pagpapanatili ng maayos na daloy ng trapiko.

‼️ Mahigpit na ipinapaalala na ang itinakdang parking area para sa mga sasakyan ay nasa Phase 6. Mayroon ding nakatalagang lugar sa harap ng Phase 1 para sa mga motorsiklo, na dapat sundin upang maiwasan ang pagsisikip at hindi maayos na pagpaparada.

Nakipagpulong din ang TMG sa mga TODA na nakapuwesto sa harap ng Phase 1 upang maisaayos ang pila ng mga tricycle. Binigyang-diin din ang kahalagahan ng maayos na pagparada at pagkakaroon ng sariling basurahan upang mapanatiling malinis at organisado ang kanilang lugar.

Ang mga hakbang na ito ay bahagi ng patuloy na pagsisikap ng Pamahalaang Bayan na magkaroon ng pamilihang maayos, malinis, ligtas, at komportable para sa lahat.


💙

🚦 TRAFFIC ADVISORY | UCCP BINANGONAN FUN RUN (OCTOBER 24, 2026)Inaabisuhan ang publiko na maaaring magkaroon ng pansaman...
23/10/2026

🚦 TRAFFIC ADVISORY | UCCP BINANGONAN FUN RUN (OCTOBER 24, 2026)

Inaabisuhan ang publiko na maaaring magkaroon ng pansamantalang pagsisikip ng trapiko sa mga lugar na madaraanan ng aktibidad sa ganap na ika-6:00 hanggang ika-9:00 ng umaga.

📍Ruta:
Binangonan Plaza ➝ Sta. Ursula ➝ Batingan ➝ National Highway ➝ New Covered Court ng Barangay Calumpang

Hinihiling ang pang-unawa at pakikiisa ng publiko upang mapanatili ang kaayusan at kaligtasan ng daloy ng trapiko habang isinasagawa ang fun run.

Maraming salamat po sa inyong pang-unawa at pakikiisa.


💙

TINGNAN | SPAGHETTI WIRES CLEARING SA LAYUNAN ⚠️Nagsagawa noong October 17 ang spaghetti wires clearing operation sa J. ...
23/10/2026

TINGNAN | SPAGHETTI WIRES CLEARING SA LAYUNAN ⚠️

Nagsagawa noong October 17 ang spaghetti wires clearing operation sa J. Luna St., Brgy. Layunan sa pangunguna ng Pamahalaang Bayan, katuwang ang mga telco providers at Engineering Office.

Layunin ng operasyong ito na tanggalin ang mga nakalaylay na kable, gayundin ang pagrereorganisa ng mga linya ng kuryente at komunikasyon sa lugar. Sa pamamagitan nito, nababawasan ang panganib ng aksidente lalo na sa mga motorista, malalaking truck, mga pedestrian, at residente.

Kapag hindi ito regular na inaayos ang spaghetti wires, maaari itong magdulot ng signal interference, power interruptions, at mas mataas na risk ng electrical hazards tulad ng short circuit at sunog. Kaya mahalaga ang regular na line clearing at coordination ng utilities upang masigurong stable at safe ang serbisyo.

Lubos na pasasalamat sa ating mga telco partners na patuloy na kaisa ng LGU sa ganitong mga hakbang. Magpapatuloy po ang clearing operations sa iba’t ibang barangay para sa mas ligtas at maayos na 💙

Nagtipon sa tanggapan ng ating Alkalde ang mga opisyal ng Autism Society of the Philippines Binangonan Chapter para sa k...
23/10/2026

Nagtipon sa tanggapan ng ating Alkalde ang mga opisyal ng Autism Society of the Philippines Binangonan Chapter para sa kanilang oath-taking.

Nangako sila na gagampanan nang buong husay at katapatan ang kanilang mga tungkulin, itataguyod ang layunin ng kanilang asosasyon, at susunod sa mga umiiral na batas at alituntunin. Sa seremonyang ito, pinagtibay nila ang kanilang paninindigan na maglingkod nang may integridad at malasakit sa kanilang komunidad.

Patuloy na nakikiisa ang Pamahalaang Bayan sa mga homeowners na nagsisikap bumuo ng isang komunidad na sama-samang umuunlad, nakikinig, at nagmamalasakit.


💙

And with this vow, forever has now begun 🎵♾️Narito po ang ilang mga sandali mula sa mini mass wedding sa 5th Floor ng Ne...
23/10/2026

And with this vow, forever has now begun 🎵♾️

Narito po ang ilang mga sandali mula sa mini mass wedding sa 5th Floor ng New Municipal Building. Sa mga “oo” na labis ang tamis, opisyal na naging isa ang mga puso ng mga magkasintahan sa harap ng batas at ng kanilang mga mahal sa buhay.

Sa tulong ng Pamahalaang Bayan, tiniyak ang maayos at makabuluhang pagdadaraos nito upang iparamdam sa mga magkasintahan na ang kanilang pagmamahalan ay pinahahalagahan at buong pusong sinusuportahan ng kanilang bayan.

Mainit na pagbati sa bagong kasal! Nawa’y pagyamanin ng pagmamahal, tiwala, at pag-unawa ang inyong pagsasama. ✨


💙

Isang mainit at taos-pusong pagbati ng maligayang kaarawan kay Kagawad Normita San Diego ng Barangay Tagpos.Nawa’y patul...
22/10/2026

Isang mainit at taos-pusong pagbati ng maligayang kaarawan kay Kagawad Normita San Diego ng Barangay Tagpos.

Nawa’y patuloy kayong patatagin ng kalusugan, gabayan sa bawat desisyon, at bigyan ng sigla sa inyong paglilingkod sa ating mga kababayan.

Mabuhay po kayo, Kagawad!


💙

Kasunod ng refresher course at meeting noong Lunes (October 19), agad nang nagsagawa noong Martes (October 20) ang Clear...
22/10/2026

Kasunod ng refresher course at meeting noong Lunes (October 19), agad nang nagsagawa noong Martes (October 20) ang Clearing Operation Team, kasama ang Land Transportation Office (LTO), ng clearing operations sa Bayan. Layunin nitong paigtingin ang pagsunod sa mga batas trapiko at tiyaking ligtas ang mga kalsada para sa mga motorista, pasahero, at pedestrian.

Sa isinagawang operasyon, may mga nahuling lumalabag sa mga patakaran sa kalsada, kabilang ang:

❌ Walang helmet
❌ Walang lisensya
❌ Paggamit ng lisensyang hindi angkop sa minamanehong sasakyan
❌ Hindi pagsusuot ng seatbelt
❌ Paggamit ng headlight na may hindi pinahihintulutang kulay
❌ Pagbiyahe ng mga colorum o pampasaherong sasakyang walang kaukulang prangkisa
❌ Overloading o pagsasakay ng pasahero na lampas sa pinapayagang bilang

Bawat isa sa mga paglabag na ito ay may katumbas na panganib. Kaya paalala sa lahat ng motorista: bago bumiyahe, siguraduhing kumpleto ang inyong mga dokumento, magsuot ng helmet, gumamit ng seatbelt, at huwag kalilimutang dalhin ang inyong lisensya.

📌 Maaari ring ipakita ang lisensya sa pamamagitan ng mismong LTMS Online Portal, basta’t kaya itong ma-access at maipakita nang direkta para sa beripikasyon. Hindi sapat ang screenshot lamang.

Higit sa lahat, kung may clearing operation, huwag biglang tumakbo o umiwas upang makatakas sa mga awtoridad. Ang biglaang pagliko, pagpapabilis, o pagmamaniobra para umiwas sa inspeksyon ay maaaring humantong sa banggaan at makapahamak hindi lamang sa driver, kundi pati sa mga pasahero at mga taong nasa paligid. Kung pinatitigil, makipagtulungan at sumunod sa maayos na paraan.

Ang mga clearing operation ay mahalaga upang maitama ang mga nakasanayang maling gawain at mapaalalahanan ang bawat isa na ang kaligtasan sa kalsada ay responsibilidad ng lahat. Maraming salamat po.


💙

REST IN PARADISE, PRES. BOY 🕊️Kaisa ang Pamahalaang Bayan sa pagdadalamhati sa pagpanaw ni Danilo C. Senga, Pangulo ng F...
22/10/2026

REST IN PARADISE, PRES. BOY 🕊️

Kaisa ang Pamahalaang Bayan sa pagdadalamhati sa pagpanaw ni Danilo C. Senga, Pangulo ng Federation of Binangonan TODA, na pumanaw noong Oktubre 16 sa edad na 68.

Bilang pinuno ng pederasyon, naging bahagi siya ng pagsusulong ng kapakanan ng mga kasapi ng TODA at ng sektor ng transportasyon sa ating bayan. Ang kanyang panahon, pagsisikap, at dedikasyon sa paglilingkod ay mananatiling bahagi ng mga alaala ng mga taong kanyang nakasama at napaglingkuran.

Taos-pusong pakikiramay ang ipinapaabot sa naiwang pamilya, mga kaibigan, at mga kasamahan sa pederasyon. Nawa’y pagkalooban sila ng lakas at kapanatagan sa gitna ng panahong ito.

Ang huling misa para sa kanya ay gaganapin bukas sa ganap na alas-2 ng hapon sa Sta. Ursula Parish.

Dumating sa tanggapan ng ating Alkalde ang mga opisyal ng Camella Meadows Homeowners’ Association, Inc. para sa kanilang...
22/10/2026

Dumating sa tanggapan ng ating Alkalde ang mga opisyal ng Camella Meadows Homeowners’ Association, Inc. para sa kanilang oath-taking ceremony.

Nangako sila na gagampanan nang may buong katapatan ang mga responsibilidad na iniatang sa kanila na kaakibat ang pagiging handa sa pakikinig at pag-alalay sa bawat pamilyang kabilang sa kanilang komunidad.

Patuloy na nakikiisa ang Pamahalaang Bayan sa mga pangkat ng homeowners na nagsisikap itaguyod ang isang komunidad na sama-samang umuunlad, sama-samang nakikinig, at sama-samang nagmamalasakit.


💙

Nagsagawa ng free and confidential community-based screening and testing ang ating Municipal Health Office (MHO) sa Bina...
22/10/2026

Nagsagawa ng free and confidential community-based screening and testing ang ating Municipal Health Office (MHO) sa Binangonan Plaza noong October 16.

Layunin nitong mapanatili ang kalusugan ng ating mga kababayan sa pamamagitan ng early detection o maagang pagsusuri at pagkakaroon ng tamang impormasyon ukol sa mga karamdaman na ito.

ℹ️ Ano ang AIDS?

🔷 AIDS ang huling yugto ng impeksyon ng HIV kung saan sobrang hina na ng immune system. Kung ‘di magagamot, ang HIV ay maaaring mauwi sa AIDS. Sa yugtong ito, madaling kapitan ng mga impeksyon ang katawan.
🔷 Mga sintomas ng AIDS: matinding pagbaba ng timbang, lagnat, pagkapagod, paulit-ulit na impeksyon, pamamaga ng lymph nodes, pagdudumi.
🔷 HIV ay virus na unti-unting pumipinsala sa immune system. Maaaring walang sintomas ang tao sa maagang yugto ng HIV, kaya mahalagang magpa-test.
🔷 Maagang sintomas ng HIV ay parang trangkaso: lagnat, pananakit ng katawan, namamagang lalamunan, pagod, pagpapantal.
🔷 Maagang pagpapatingin at tamang gamutan ang pinakamabisang paraan para kontrolin ang HIV/AIDS.

Patuloy na nagsisikap ang ating Pamahalaang Bayan maghatid ng mga serbisyong pangkalusugan para sa isang malusog at ligtas na komunidad.


💙

Address

Manila East Road

1940

Telephone

+639560785183

Website

Alerts

Be the first to know and let us send you an email when Mahal Kong Binangonan posts news and promotions. Your email address will not be used for any other purpose, and you can unsubscribe at any time.

Shortcuts

  • Want your organization to be the top-listed government service?

Share