03/09/2026
APPROVED SA BARANGAY PUBLIC HEARING
Aprobado na sa ating Barangay Public Hearing ang panukalang financial assistance para sa ating mga kabarangay na nakagat ng hayop.
Mula noong tayo ay maupo hanggang sa kasalukuyan, patuloy nating sinisikap na makatulong sa mga kabarangay nating nangangailangan, lalo na sa mga nakagat ng hayop na kailangang magpagamot at magpa-anti-rabies.
Hindi man natin kayang sagutin ang buong gastusin, ang mahalaga ay may maiaabot tayong tulong at kahit paano ay makapagpagaan sa kanilang gastusin at pinagdadaanan.
Kaya naman, kasama si Kagawad Gregorio Marcos, Head ng Committee on Health, ang buong Sangguniang Barangay, at sa pangunguna ni Kapitan Mario B. San Andres, ay binuo natin ang Ordinance No. 05, Series of 2026, na naglalayong maitatag at maipagpatuloy ang financial assistance program para sa mga kwalipikadong biktima ng animal bites sa ating barangay.
Kasabay ng pagdinig tungkol sa animal bite assistance, ngayong araw ay inilatag din natin ang Ordinance No. 07, Series of 2026 β isang panukalang financial assistance para sa mga kwalipikadong cancer at dialysis patients ng Barangay Canumay West.
Dalawang panukala, iisa ang layunin β makapagbigay ng dagdag na tulong sa ating mga kabarangay na dumaranas ng mabibigat na gastusin sa pagpapagamot.
Hindi pa po dito nagtatapos ang laban. Ang mga ordinansa ay kailangan pa nating maipasa sa Sangguniang Barangay at maisumite sa Sangguniang Panlungsod para sa kaukulang pagsusuri at pag-apruba.
Umaasa tayo na sa tamang proseso at sa suporta ng ating mga kinauukulan, maisakatuparan natin ang mga programang ito at maging ganap na tulong para sa ating mga kabarangay na nangangailangan.
Patuloy tayong kikilos. Patuloy tayong tutulong. Para sa kalusugan at kapakanan ng bawat Canumay West. β€οΈ
