18/08/2026
August 18,2026||
Successful Dog and Cat Vaccination Activity 🐶🐱💉
Barangay La Fortuna nagpasalamaton sa Department of Agriculture, nga gipangulohan ni Sir Darwin Balonda, kauban ang iyang mga personnel, sa malampusong pagpahigayon sa dog vaccination activity, apil usab ang mga iring, sa matag Purok dinhi sa Barangay La Fortuna.
Dako kaayong pasalamat sa liderato sa atong Municipal Mayor Salimar T. Mondejar sa padayon nga paghatag og mga programa ug serbisyo alang sa kaayuhan ug kahimsog sa atong mga iro ug iring.
Salamat usab sa tanang responsable nga pet owners nga mitugot ug nagpabakuna sa ilang mga binuhi. Atong hinumdoman nga ang pagbuhi og iro ug iring usa ka responsibilidad—atimanon sila ug dili pasagdan nga maglatagaw sa kadalanan aron malikayan ang mga disgrasya, kagat, ug uban pang peligro sa komunidad.
Dako usab nga pasalamat sa atong Barangay Technician nga si Sir Lito Diane, sa mga supportive nga Barangay Agricultural Workers (BAWs), Barangay Kagawad, ug Barangay Tanod nga mitabang aron mahimong hapsay ug malampuson ang maong kalihokan.
Daghang salamat sa tanan nga nakigtambayayong! 🤝❤️
Padayon kita sa pag-atiman sa atong mga binuhi ug sa pagpanalipod sa kahimsog ug kaluwasan sa atong komunidad.
