What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

https://www.facebook.com/106361161440812/

LGU Victoria, Oriental Mindoro

Home
Philippines
Victoria
LGU Victoria, Oriental Mindoro

𝐎𝐩𝐢𝐬𝐲𝐚𝐥 𝐧𝐚 𝐩𝐚𝐠𝐞 𝐧𝐠 𝐋𝐆𝐔 𝐕𝐢𝐜𝐭𝐨𝐫𝐢𝐚 𝐎𝐫𝐢𝐞𝐧𝐭𝐚𝐥 𝐌𝐢𝐧𝐝𝐨𝐫𝐨 𝐩𝐚𝐫𝐚 𝐬𝐚 𝐭𝐚𝐩𝐚𝐭, 𝐧𝐚𝐩𝐚𝐩𝐚𝐧𝐚𝐡𝐨𝐧 𝐚𝐭 𝐦𝐚𝐤𝐚𝐛𝐮𝐥𝐮𝐡𝐚𝐧𝐠 𝐢𝐦𝐩𝐨𝐫𝐦𝐚𝐬𝐲𝐨𝐧 𝐩𝐚𝐫𝐚 𝐬𝐚 𝐕𝐢𝐜𝐭𝐨𝐫𝐞ñ𝐨.

01/06/2026

𝗙𝗶𝘀𝗵𝗲𝗿𝗳𝗼𝗹𝗸𝘀 𝗠𝗲𝗲𝘁𝗶𝗻𝗴, 𝗜𝘀𝗶𝗻𝗮𝗴𝗮𝘄𝗮 𝘀𝗮 𝗧𝗮𝗻𝗴𝗴𝗮𝗽𝗮𝗻 𝗻𝗴 𝗠𝘂𝗻𝗶𝗰𝗶𝗽𝗮𝗹 𝗔𝗴𝗿𝗶𝗰𝘂𝗹𝘁𝘂𝗿𝗲 𝗢𝗳𝗳𝗶𝗰𝗲

Nagtipon ang mga kinatawan ng iba't ibang samahan ng mga mangingisda sa isinagawang 𝗙𝗶𝘀𝗵𝗲𝗿𝗳𝗼𝗹𝗸𝘀 𝗠𝗲𝗲𝘁𝗶𝗻𝗴 𝘀𝗮 𝗧𝗮𝗻𝗴𝗴𝗮𝗽𝗮𝗻 𝗻𝗴 𝗠𝘂𝗻𝗶𝗰𝗶𝗽𝗮𝗹 𝗔𝗴𝗿𝗶𝗰𝘂𝗹𝘁𝘂𝗿𝗲 𝗢𝗳𝗳𝗶𝗰𝗲 upang talakayin ang mahahalagang usapin na may kaugnayan sa kapakanan, organisasyon, at patuloy na pag-unlad ng sektor ng pangisdaan sa bayan.

Ang pagpupulong ay isinagawa sa buong suporta ng ating butihing 𝗣𝘂𝗻𝗼𝗻𝗴 𝗕𝗮𝘆𝗮𝗻, 𝗛𝗼𝗻. 𝗥𝗶𝗰𝗵𝗮𝗿𝗱 𝗩. 𝗜𝗻𝗰𝗶𝗼𝗻𝗴, katuwang ang 𝗠𝘂𝗻𝗶𝗰𝗶𝗽𝗮𝗹 𝗔𝗴𝗿𝗶𝗰𝘂𝗹𝘁𝘂𝗿𝗲 𝗢𝗳𝗳𝗶𝗰𝗲 sa pangunguna ni 𝗠𝗮'𝗮𝗺 𝗗𝗲𝗹𝗻𝗼𝗿𝗮 𝗣𝗮𝘀𝗰𝘂𝗮𝗹, 𝗢𝗜𝗖-𝗠𝗔𝗢, kasama si 𝗦𝗶𝗿 𝗝𝗲𝗿𝗿𝘆 𝗖𝗮𝘀𝗮𝗯𝗮𝗿, 𝗙𝗶𝘀𝗵𝗲𝗿𝗳𝗼𝗹𝗸𝘀 𝗖𝗼𝗼𝗿𝗱𝗶𝗻𝗮𝘁𝗼𝗿. Layunin ng pagtitipon na mapalakas ang ugnayan ng mga samahan ng mangingisda at mapagkaisahan ang mga hakbang tungo sa mas maayos at mas epektibong paghahatid ng mga programa at serbisyo para sa sektor.

Sa naging talakayan, tinalakay ang mga mahahalagang usaping may kinalaman sa organisasyon ng mga samahan, pamamahagi ng mga programa at benepisyo, pagpapatibay ng mga lokal na polisiya, at pagpapalawak ng representasyon ng mga mangingisda sa iba't ibang bahagi ng bayan. Napag-usapan din ang ilang mga isyung kinakaharap ng mga samahan at ang mga posibleng solusyon upang mapanatili ang pagkakaisa at maayos na koordinasyon sa hanay ng mga miyembro.

Sa kabuoan, naging matagumpay ang pagpupulong bilang isang mahalagang hakbang upang higit pang mapalakas ang samahan ng mga mangingisda, mapabuti ang koordinasyon ng mga kinauukulang ahensya, at maisulong ang mga programang makatutulong sa patuloy na pag-unlad ng kabuhayan ng mga mamamayang umaasa sa yamang pangisdaan.

01/06/2026

𝗛𝗔𝗣𝗣𝗬 𝗣𝗥𝗜𝗗𝗘 𝗠𝗢𝗡𝗧𝗛 𝗠𝗨𝗟𝗔 𝗦𝗔 𝗣𝗔𝗠𝗔𝗛𝗔𝗟𝗔𝗔𝗡𝗚 𝗕𝗔𝗬𝗔𝗡 𝗡𝗚 𝗩𝗜𝗖𝗧𝗢𝗥𝗜𝗔! 🏳️‍🌈

Ngayong Pride Month, kinikilala at ipinagdiriwang ng Pamahalaang Bayan ng Victoria ang pagkakaiba-iba, dignidad, at karapatan ng bawat isa sa ating komunidad.

Naninindigan tayo para sa isang lipunang may paggalang, pagkakapantay-pantay, at inklusyon—kung saan ang bawat tao, anuman ang kanilang kasarian, pagkakakilanlan, o pagmamahal, ay may pagkakataong mamuhay nang malaya, ligtas, at may dignidad.

Nawa’y magsilbing paalala ang buwang ito na ang tunay na lakas ng ating bayan ay nagmumula sa pagkakaisa sa gitna ng ating mga pagkakaiba. Sama-sama nating itaguyod ang isang komunidad na bukas, mapagkalinga, at may malasakit para sa lahat.

Maligayang Pride Month!

01/06/2026

𝗧𝗮𝗼𝘀-𝗽𝘂𝘀𝗼𝗻𝗴 𝗣𝗮𝗴𝗯𝗮𝘁𝗶 𝗮𝘁 𝗣𝗮𝘀𝗮𝘀𝗮𝗹𝗮𝗺𝗮𝘁 𝗽𝗮𝗿𝗮 𝗸𝗮𝘆 𝗣𝘂𝗻𝗼𝗻𝗴 𝗕𝗮𝘆𝗮𝗻, 𝗛𝗼𝗻. 𝗥𝗶𝗰𝗵𝗮𝗿𝗱 𝗩. 𝗜𝗻𝗰𝗶𝗼𝗻𝗴!

Bilang bahagi ng patuloy na pagdiriwang ng kaarawan ng ating 𝗯𝘂𝘁𝗶𝗵𝗶𝗻𝗴 𝗣𝘂𝗻𝗼𝗻𝗴 𝗕𝗮𝘆𝗮𝗻, 𝗛𝗼𝗻. 𝗥𝗶𝗰𝗵𝗮𝗿𝗱 𝗩. 𝗜𝗻𝗰𝗶𝗼𝗻𝗴, nagpaabot din ng kanilang taos-pusong pagbati ang 𝗺𝗴𝗮 𝗣𝗮𝗻𝗴𝘂𝗹𝗼 𝗮𝘁 𝗺𝗴𝗮 𝗸𝗮𝘀𝗮𝗽𝗶 𝗻𝗴 𝗹𝗮𝗵𝗮𝘁 𝗻𝗴 𝗙𝗮𝗿𝗺𝗲𝗿𝘀 𝗔𝘀𝘀𝗼𝗰𝗶𝗮𝘁𝗶𝗼𝗻 𝘀𝗮 𝗯𝗮𝘆𝗮𝗻 𝗻𝗴 𝗩𝗶𝗰𝘁𝗼𝗿𝗶𝗮. Ganoon din ang mainit na pagbati mula sa 𝗚𝗲𝗿𝘃𝗶'𝘀 𝗕𝗮𝗸𝗲𝗿𝘆.

Kinilala rin ng mga magsasaka ang mahalagang papel ni Mayor Inciong sa pagsusulong ng mga proyekto at inisyatibong nagbibigay ng oportunidad at tulong sa kanilang hanapbuhay. Dahil dito, mas lalong tumitibay ang ugnayan ng lokal na pamahalaan at ng sektor ng agrikultura tungo sa sama-samang pag-unlad ng komunidad.

Sa espesyal na okasyong ito, muling ipinapaabot ng lahat ng Farmers Association sa Victoria ang kanilang pinakamainit na pagbati kay Mayor Richard V. Inciong. Nawa’y patuloy siyang pagpalain ng mabuting kalusugan, lakas, at karunungan upang maipagpatuloy ang kanyang tapat at mahusay na paglilingkod para sa ikauunlad ng buong bayan.

Maligayang Kaarawan, Mayor Richard V. Inciong! Maraming salamat sa inyong dedikasyon, malasakit, at walang humpay na serbisyo para sa mga mamamayan ng Victoria.

01/06/2026

𝗜𝗦𝗔𝗡𝗚 𝗠𝗔𝗧𝗜𝗕𝗔𝗬 𝗡𝗔 𝗣𝗔𝗡𝗨𝗡𝗨𝗠𝗣𝗔 𝗣𝗔𝗥𝗔 𝗦𝗔 𝗞𝗜𝗡𝗔𝗕𝗨𝗞𝗔𝗦𝗔𝗡: 𝗦𝗜𝗚𝗡𝗔𝗧𝗨𝗥𝗘 𝗢𝗙 𝗖𝗢𝗠𝗠𝗜𝗧𝗠𝗘𝗡𝗧, 𝗠𝗔𝗧𝗔𝗚𝗨𝗠𝗣𝗔𝗬 𝗡𝗔 𝗜𝗦𝗜𝗡𝗔𝗚𝗔𝗪𝗔 𝗦𝗔 𝗣𝗔𝗞𝗬𝗔𝗦 𝗘𝗟𝗘𝗠𝗘𝗡𝗧𝗔𝗥𝗬 𝗦𝗖𝗛𝗢𝗢𝗟

Isang makasaysayang hakbang patungo sa patuloy na pag-unlad ng sektor ng edukasyon ang nasaksihan ngayong araw sa Pakyas Elementary School, sa pamamagitan ng opisyal na paglagda sa Signature of Commitment.

Ang aktibidad na ito ay patunay ng nagkakaisang layunin ng pamahalaan at ng komunidad na itaguyod ang de-kalidad na edukasyon at ligtas na pasilidad para sa ating mga mag-aaral. Ang bawat lagda ay sumisimbolo sa hindi matitinag na pananagutan at pagmamahal sa paghubog ng susunod na henerasyon.

Lubos ang pasasalamat ng buong pamunuan ng paaralan sa pamumuno ng kanilang Principal na si 𝗠𝗮'𝗮𝗺 𝗛𝗶𝗲𝗱𝗲 𝗟. 𝗛𝗲𝗿𝗻𝗮𝗻𝗱𝗲𝘇, pati na rin ng mga magulang, sa walang-sawang pagsuporta ng ating Lokal na Pamahalaan. Ang programang ito ay naging mas matagumpay sa pangunguna ng ating masipag at butihing Ama ng Bayan, 𝗛𝗼𝗻. 𝗠𝗮𝘆𝗼𝗿 𝗥𝗶𝗰𝗵𝗮𝗿𝗱 𝗩. 𝗜𝗻𝗰𝗶𝗼𝗻𝗴, kasama ang ating katuwang sa serbisyo, 𝗛𝗼𝗻. 𝗩𝗶𝗰𝗲 𝗠𝗮𝘆𝗼𝗿 𝗟𝗶𝘁𝗼 𝗠𝗮𝗹𝗮𝗯𝗮𝗻𝗮𝗻, at sa mahalagang pagdalo at suporta ni 𝗛𝗼𝗻. 𝗖𝗵𝗲𝘀𝘁𝗲𝗿 𝗧. 𝗗𝘂𝗺𝗮𝘀 ng 𝗦𝗮𝗻𝗴𝗴𝘂𝗻𝗶𝗮𝗻𝗴 𝗕𝗮𝘆𝗮𝗻.

Ang kanilang personal na paggabay at dedikasyon ay muling nagpapatunay na ang edukasyon ng kabataang Victoreño ang isa sa mga pangunahing haligi ng ating administrasyon.

Sama-sama nating isulong ang isang mas maliwanag at mas maunlad na bukas para sa mga mag-aaral ng Pakyas Elementary School!

01/06/2026

Sa patuloy na pagdiriwang ng kaarawan ng ating butihing 𝗯𝘂𝘁𝗶𝗵𝗶𝗻𝗴 𝗣𝘂𝗻𝗼𝗻𝗴 𝗕𝗮𝘆𝗮𝗻, 𝗛𝗼𝗻. 𝗥𝗶𝗰𝗵𝗮𝗿𝗱 𝗩. 𝗜𝗻𝗰𝗶𝗼𝗻𝗴, patuloy ring umaapaw ang mga pagpapakita ng pagmamahal, pagkilala, at suporta mula sa iba't ibang sektor ng ating pamayanan. Isa sa mga natatanging handog na nagbigay ng kasiyahan sa okasyong ito ay ang taos-pusong sorpresa na inihanda ng mga Liga ng mga Barangay sa bayan ng Victoria sa pangunguna ni 𝗛𝗼𝗻. 𝗚𝗲𝗺𝗮𝗿 𝗩. 𝗗𝘂𝗺𝗮𝘀, Pangulo ng Association of Barangay Captains (ABC).

Ang simpleng ngunit makabuluhang pagpapakitang ito ng pagkakaisa at pagpapahalaga ay sumasalamin sa matibay na samahan ng lokal na pamahalaan at ng mga barangay sa patuloy na pagsusulong ng mga programang naglalayong mapaunlad ang buhay ng bawat mamamayan. Higit pa sa isang pagdiriwang ng kaarawan, ito ay isang pagkakataon upang ipakita ang pagkilala sa pamumunong may malasakit, dedikasyon, at tunay na paglilingkod sa bayan.

Lubos ang pasasalamat ni Mayor Richard V. Inciong sa lahat ng mga Punong Barangay na naglaan ng oras, pagod, at taos-pusong suporta upang maging espesyal ang pagdiriwang na ito. Ang kanilang pagkakaisa at pakikiisa ay patunay ng matatag na ugnayan at iisang adhikain para sa ikabubuti ng buong bayan ng Victoria.

Muli, taos-pusong pasasalamat sa lahat ng mga Punong Barangay ng ating bayan, mga sektor at indibidwal, para sa inyong natatanging sorpresa at walang sawang suporta. Nawa’y magpatuloy ang ating pagkakaisa at sama-samang pagsisikap tungo sa mas maunlad, mas maayos, at mas progresibong Victoria para sa lahat.

01/06/2026

𝗣𝗮𝗴𝗸𝗮𝗸𝗮𝗶𝘀𝗮 𝗮𝘁 𝗣𝗮𝘀𝗮𝘀𝗮𝗹𝗮𝗺𝗮𝘁 𝘀𝗮 𝗣𝗮𝗴𝘀𝗮𝗹𝘂𝗯𝗼𝗻𝗴 𝗻𝗴 𝗕𝘂𝘄𝗮𝗻 𝗻𝗴 𝗛𝘂𝗻𝘆𝗼

Sa pagbubukas ng panibagong buwan ng Hunyo, muling nagtipon at nagkaisa ang mga kawani at miyembro ng mga national agencies katuwang ng Pamahalaang Bayan, sa pangunguna ng butihing 𝗣𝘂𝗻𝗼𝗻𝗴 𝗕𝗮𝘆𝗮𝗻, 𝗛𝗼𝗻. 𝗥𝗶𝗰𝗵𝗮𝗿𝗱 𝗩. 𝗜𝗻𝗰𝗶𝗼𝗻𝗴 para sa nakagawiang Traditional Monday Morning Activities. Ang gawaing ito ay nagsilbing pagkakataon upang simulan ang linggo at bagong buwan nang may pananampalataya, disiplina, at pagkakaisa sa paglilingkod sa mamamayan.

Pinangunahan ni Pastor mula sa 𝗩𝗶𝗣𝗔𝗠𝗶𝗻 ang panalangin, na nagbigay-inspirasyon at espirituwal na gabay sa lahat ng dumalo. Sinundan ito ng taimtim na pag-awit ng Pambansang Awit bilang pagpapakita ng paggalang at pagmamahal sa bayan, at bilang paalala ng sama-samang tungkulin sa pagtataguyod ng mabuting pamamahala at serbisyo publiko.

Matapos ang mga gawaing ito, naging mas makahulugan ang pagtitipon sa pamamagitan ng isang espesyal na sandali ng pagbibigay-pugay at pagbati kay Mayor Richard V. Inciong sa pagdiriwang ng kaniyang kaarawan. Buong puso at taos-pusong ipinaabot ng Pamahalaang Bayan, pangunguna ng mga Department Head ang kanilang pagbati at pasasalamat sa kaniyang patuloy na pamumuno at dedikasyon sa paglilingkod sa komunidad.

Lalo pang naging makabuluhan ang okasyon sa inihandang sorpresa para sa alkalde. Tampok dito ang isang madamdaming tula na handog ng kaniyang maybahay, si 𝗠𝗮𝘆𝗼𝗿𝗮 𝗡𝗶𝗹𝗮𝗶𝗺𝗲 𝗧. 𝗜𝗻𝗰𝗶𝗼𝗻𝗴, bilang pagpapahayag ng pagmamahal, suporta, at pagpapahalaga sa kaniyang asawa — ang Punong Bayan.

Sa kabuuan, ang pagtitipon ay hindi lamang naging pagkakataon upang simulan ang buwan nang may positibong pananaw, kundi nagsilbi ring paalala ng kahalagahan ng pagkakaisa, pananampalataya, at pagpapahalaga sa mga taong patuloy na nagsisilbi para sa kapakanan ng bayan. Sa pagpasok ng buwan ng Hunyo, nananatiling matatag ang adhikain ng Pamahalaang Bayan na maghatid ng mahusay at makataong serbisyo para sa lahat.

29/05/2026

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗮𝗿𝗮𝘄𝗮𝗻 𝗽𝗼, 𝗛𝗼𝗻. 𝗠𝗲𝗿𝗰𝗲𝗱𝗶𝘁𝗮 𝗗𝗶𝗺𝗮𝗮𝗻𝗼 𝗗𝘂𝗺𝗮𝘀! 💛✨

Nawa’y patuloy po kayong pagkalooban ng mabuting kalusugan, lakas, at kasiyahan sa bawat araw. Maraming salamat po sa inyong tapat na paglilingkod, malasakit, at dedikasyon para sa ating bayan at mga mamamayan. Tunay po kayong inspirasyon sa inyong pagiging mabuting lingkod-bayan.

Hangad namin ang mas marami pang biyaya, tagumpay, at masasayang alaala kasama ang inyong pamilya at mga mahal sa buhay. Nawa’y manatili po kayong gabay at inspirasyon sa inyong nasasakupan.

𝗠𝘂𝗹𝗶, 𝗺𝗮𝗹𝗶𝗴𝗮𝘆𝗮𝗻𝗴-𝗺𝗮𝗹𝗶𝗴𝗮𝘆𝗮𝗻𝗴 𝗸𝗮𝗮𝗿𝗮𝘄𝗮𝗻 𝗽𝗼, 𝗞𝗼𝗻𝘀𝗲𝗵𝗮𝗹𝗮 𝗠𝗲𝗿𝗰𝗲𝗱𝗶𝘁𝗮 𝗗𝗶𝗺𝗮𝗮𝗻𝗼 𝗗𝘂𝗺𝗮𝘀! 🎉

From: 𝗟𝗚𝗨 𝗙𝗮𝗺𝗶𝗹𝘆

28/05/2026

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗮𝗿𝗮𝘄𝗮𝗻 𝗽𝗼 𝘀𝗮 𝗮𝘁𝗶𝗻𝗴 𝗯𝘂𝘁𝗶𝗵𝗶𝗻𝗴 𝗣𝘂𝗻𝗼𝗻𝗴 𝗕𝗮𝘆𝗮𝗻, 𝗛𝗼𝗻. 𝗥𝗶𝗰𝗵𝗮𝗿𝗱 𝗩. 𝗜𝗻𝗰𝗶𝗼𝗻𝗴!

Sa espesyal na araw na ito, taos-puso po naming ipinapaabot ang aming pagbati at pasasalamat sa inyong tapat na paglilingkod, malasakit, at dedikasyon para sa ating bayan at mamamayan. Nawa’y patuloy kayong pagpalain ng mabuting kalusugan, lakas, karunungan, at higit pang tagumpay sa inyong pamumuno.

Maraming salamat po sa pagiging inspirasyon at huwarang lingkod-bayan. Hangad namin ang mas marami pang masasayang alaala, biyaya, at tagumpay para sa inyo at sa inyong pamilya.

𝗠𝘂𝗹𝗶, 𝗺𝗮𝗹𝗶𝗴𝗮𝘆𝗮𝗻𝗴 𝗸𝗮𝗮𝗿𝗮𝘄𝗮𝗻 𝗽𝗼, 𝗠𝗮𝘆𝗼𝗿 𝗥𝗶𝗰𝗵𝗮𝗿𝗱 𝗩. 𝗜𝗻𝗰𝗶𝗼𝗻𝗴! 𝗠𝗮𝗯𝘂𝗵𝗮𝘆 𝗽𝗼 𝗸𝗮𝘆𝗼 𝗮𝘁 𝗽𝗮𝗴𝗽𝗮𝗹𝗮𝗶𝗻 𝗽𝗮 𝗻𝗴 𝗣𝗼𝗼𝗻𝗴 𝗠𝗮𝘆𝗸𝗮𝗽𝗮𝗹.

From: LGU Family 💛

28/05/2026

𝗕𝘂𝗲𝗻𝗮𝘃𝗶𝘀𝘁𝗮 𝗟𝗮𝗸𝗲 𝗙𝗮𝗿𝗺𝗲𝗿𝘀/𝗙𝗶𝘀𝗵𝗲𝗿𝗳𝗼𝗹𝗸𝘀 𝗔𝘀𝘀𝗼𝗰𝗶𝗮𝘁𝗶𝗼𝗻, 𝗡𝗮𝗴𝘀𝗮𝗴𝗮𝘄𝗮 𝗻𝗴 𝗙𝗶𝘀𝗵-𝗥 𝗥𝗲𝗴𝗶𝘀𝘁𝗿𝗮𝘁𝗶𝗼𝗻 𝗮𝘁 𝗣𝗮𝗴𝗽𝘂𝗽𝘂𝗹𝗼𝗻𝗴 𝘀𝗮 𝗕𝗮𝗿𝗮𝗻𝗴𝗮𝘆 𝗟𝗼𝘆𝗮𝗹

Matagumpay na isinagawa ng 𝗕𝘂𝗲𝗻𝗮𝘃𝗶𝘀𝘁𝗮 𝗟𝗮𝗸𝗲 𝗙𝗮𝗿𝗺𝗲𝗿𝘀/𝗙𝗶𝘀𝗵𝗲𝗿𝗳𝗼𝗹𝗸𝘀 𝗔𝘀𝘀𝗼𝗰𝗶𝗮𝘁𝗶𝗼𝗻 𝗮𝗻𝗴 𝗙𝗶𝘀𝗵-𝗥 𝗥𝗲𝗴𝗶𝘀𝘁𝗿𝗮𝘁𝗶𝗼𝗻 𝗮𝗻𝗱 𝗠𝗲𝗲𝘁𝗶𝗻𝗴 𝘀𝗮 𝗕𝗮𝗿𝗮𝗻𝗴𝗮𝘆 𝗟𝗼𝘆𝗮𝗹 bilang bahagi ng patuloy na pagsisikap na mapalakas ang sektor ng pangisdaan at matiyak ang maayos na pagpaparehistro ng mga mangingisda sa komunidad.

Dinaluhan ng mga miyembro ng samahan, lokal na mangingisda, at mga kinatawan mula sa pamahalaang barangay ang naturang aktibidad kung saan tinalakay ang kahalagahan ng Fish-R o Fisherfolk Registration System. Layunin nitong magkaroon ng maayos na talaan ng mga mangingisda upang higit silang makinabang sa mga programa, ayuda, at iba pang serbisyong inilaan para sa sektor ng pangisdaan.

Sa isinagawang pagpupulong, tinalakay rin ang iba’t ibang usapin kaugnay sa pangangalaga ng yamang tubig, pagpapalakas ng kabuhayan ng mga mangingisda, at pagpapatupad ng mga programang makatutulong sa kanilang hanapbuhay. Nagkaroon din ng pagbibigay-linaw hinggil sa mga benepisyo ng pagiging rehistradong mangingisda at ang kahalagahan ng pagkakaisa ng samahan para sa mas maunlad na komunidad.

Buong suporta naman ang ipinahayag ng 𝗯𝘂𝘁𝗶𝗵𝗶𝗻𝗴 𝗣𝘂𝗻𝗼𝗻𝗴 𝗕𝗮𝘆𝗮𝗻, 𝗛𝗼𝗻. 𝗥𝗶𝗰𝗵𝗮𝗿𝗱 𝗩. 𝗜𝗻𝗰𝗶𝗼𝗻𝗴, sa mga programang nakatuon sa kapakanan ng mga magsasaka at mangingisda. Ang lokal na pamahalaan, ay patuloy sa pagsusulong ng mga proyekto at serbisyong magbibigay ng mas maayos na kabuhayan at oportunidad para sa mamamayan.

Patunay ang nasabing aktibidad sa patuloy na pagtutulungan ng pamahalaan at ng mga samahan upang maisulong ang kaunlaran at mapanatili ang maayos at masiglang sektor ng pangisdaan sa komunidad.

28/05/2026

𝗥𝗦𝗕𝗦𝗔 𝗥𝗲𝗴𝗶𝘀𝘁𝗿𝗮𝘁𝗶𝗼𝗻 𝗽𝗮𝗿𝗮 𝘀𝗮 𝗺𝗴𝗮 𝗞𝗮𝘁𝘂𝘁𝘂𝗯𝗼𝗻𝗴 𝗣𝗮𝗺𝗮𝘆𝗮𝗻𝗮𝗻 𝘀𝗮 𝗩𝗶𝗹𝗹𝗮 𝗖𝗲𝗿𝘃𝗲𝘇𝗮, 𝗠𝗮𝘁𝗮𝗴𝘂𝗺𝗽𝗮𝘆 𝗻𝗮 𝗜𝘀𝗶𝗻𝗮𝗴𝗮𝘄𝗮

Nagsagawa ng malawakang pagpaparehistro para sa 𝗥𝗲𝗴𝗶𝘀𝘁𝗿𝘆 𝗦𝘆𝘀𝘁𝗲𝗺 𝗳𝗼𝗿 𝗕𝗮𝘀𝗶𝗰 𝗦𝗲𝗰𝘁𝗼𝗿𝘀 𝗶𝗻 𝗔𝗴𝗿𝗶𝗰𝘂𝗹𝘁𝘂𝗿𝗲 (𝗥𝗦𝗕𝗦𝗔) ang mga kawani ng 𝗗𝗲𝗽𝗮𝗿𝘁𝗺𝗲𝗻𝘁 𝗼𝗳 𝗔𝗴𝗿𝗶𝗰𝘂𝗹𝘁𝘂𝗿𝗲 (𝗗𝗔) 𝗥𝗲𝗴𝗶𝗼𝗻 at 𝗠𝘂𝗻𝗶𝗰𝗶𝗽𝗮𝗹 𝗔𝗴𝗿𝗶𝗰𝘂𝗹𝘁𝘂𝗿𝗲 𝗢𝗳𝗳𝗶𝗰𝗲 (𝗠𝗔𝗢), na may buong suporta mula sa ating 𝗯𝘂𝘁𝗶𝗵𝗶𝗻𝗴 𝗣𝘂𝗻𝗼𝗻𝗴 𝗕𝗮𝘆𝗮𝗻, 𝗛𝗼𝗻. 𝗥𝗶𝗰𝗵𝗮𝗿𝗱 𝗩. 𝗜𝗻𝗰𝗶𝗼𝗻𝗴, para sa mga 𝗜𝗻𝗱𝗶𝗴𝗲𝗻𝗼𝘂𝘀 𝗣𝗲𝗼𝗽𝗹𝗲𝘀 (𝗜𝗣’𝘀) sa 𝗩𝗶𝗹𝗹𝗮 𝗖𝗲𝗿𝘃𝗲𝘇𝗮, ngayong araw, ika-28 ng Mayo.

Layunin ng naturang aktibidad na matiyak na maisasama sa opisyal na talaan ng pamahalaan ang mga magsasaka at katutubong mamamayan upang higit silang makinabang sa mga programa, ayuda, at serbisyong inilaan ng pamahalaan para sa sektor ng agrikultura. Kabilang dito ang akses sa mga subsidiya, binhi, kagamitan, pagsasanay, at iba pang suportang pangkabuhayan na makatutulong sa pagpapalago ng kanilang produksyon at kabuhayan.

Pinangunahan ng mga kinatawan mula sa 𝗗𝗔 𝗥𝗲𝗴𝗶𝗼𝗻 at 𝗠𝗔𝗢 ang isinagawang registration process, kung saan masusing tinulungan ang mga benepisyaryo sa pagproseso ng kanilang mga dokumento at wastong paglalagay ng kinakailangang impormasyon sa RSBSA database. Naging maayos at organisado ang daloy ng aktibidad sa tulong ng koordinasyon ng lokal na pamahalaan at mga opisyal ng barangay.

Patuloy namang hinihikayat ng lokal na pamahalaan ang mga kwalipikadong magsasaka at miyembro ng mga katutubong pamayanan na magparehistro sa RSBSA upang lubos nilang mapakinabangan ang mga programa at serbisyong hatid ng pamahalaan para sa sektor ng agrikultura.

Address

Victoria, Oriental Mindoro
Victoria
5205

Opening Hours

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm

Telephone

+639279537268

Website

facebook.com

Alerts

Be the first to know and let us send you an email when LGU Victoria, Oriental Mindoro posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to LGU Victoria, Oriental Mindoro:

Shortcuts

Address
Telephone
Opening Hours
Alerts
Contact The Organization
Claim ownership or report listing

Want your organization to be the top-listed Government Service in Victoria?

LGU Victoria, Oriental Mindoro

01/06/2026

01/06/2026

01/06/2026

01/06/2026

01/06/2026

01/06/2026

29/05/2026

28/05/2026

28/05/2026

28/05/2026

Address

Opening Hours

Telephone

Website

Alerts

Contact The Organization

Shortcuts

Share

Category