LGU Villanueva

28/08/2026

26/08/2026

LGU VILLANUEVA NAGPAHIGAYON OG JOINT INSPECTION SA KEIM HING STEEL CORP.

Isip kabahin sa padayong paningkamot sa LGU Villanueva sa paghatag og maayong serbisyo ug pagpalig-on sa good governance, transparency, ug accountability, gipahigayon ang Joint Inspection and Assessment Team (JIAT) sa Keim Hing Steel Corp. nga nahimutang sa Sitio Kirahon, Barangay San Martin, Villanueva, Misamis Oriental.

Ubos sa maayong pagpangulo ni Mayor Julio T. Uy, ang JIAT gitukod pinaagi sa Executive Order aron masiguro ang husto nga pag-inspeksyon, assessment, ug pag-monitor sa mga establisemento sulod sa lungsod, ilabi na sa pagsunod sa mga balaod, ordinansa, ug mga regulatory requirements.

Ang JIAT gipangulohan ni Acting Mayor/Vice Mayor Jeric G. Emano, kauban si Special Assistant to the Mayor Mr. Israel Permi, Municipal Administrator Engr. Roy Bordo, ug ang nagkalain-laing miyembro sa inspection team.

Tumong sa maong inspection ang pag-assess sa compliance, pagsiguro sa kaluwasan ug kahapsay sa operasyon, pagpanalipod sa interes sa katawhan, ug pagpalig-on sa transparency ug accountability sa lokal nga panggobyerno.

Malampuson nga nahuman ang maong inspection ug assessment, ug walay nakitang irregularidad sa maong inspeksyon. Ang tibuok proseso gikumentaryo ug gidokumento alang sa transparency, uban ang atong mga media friends nga mitambong aron masiguro nga ang publiko mahatagan og tukma ug klarong impormasyon.

Human sa inspection, gipahigayon usab ang press conference aron matubag ang mga pangutana ug mapatin-aw sa publiko ang mga nahitabo ug resulta sa maong kalihokan.

Kini usa pa ka ehemplo sa commitment sa LGU Villanueva nga magpadayon sa matinud-anon, transparent, responsable, ug maayong pagdumala alang sa kaayohan sa tanang katawhan sa lungsod sa Villanueva.

Read the article on the website here: https://villanuevamisor.gov.ph/lgu-villanueva-conducts-joint-inspection-at-keim-hing-steel-corp-transparency-and-accountability-in-action/

25/08/2026

PERMITTING ON WHEELS: NAGHATAG OG MAS DUOL NGA SERBISYO SA MGA TAGA VILLANUEVA

Nagmalampuson ang unang adlaw sa DENR-10 “Permitting on Wheels” Program – Online Applications Assistance Caravan for Environmental Permits/Clearances, nga gipahigayon sa pakigtambayayong sa LGU Villanueva sa Bongloy Hall, New Municipal Hall, Villanueva, Misamis Oriental.

Daghang mga residente ang nakadawat og assistance ug nakatransact alang sa ilang environmental permits ug clearances. Pinaagi niini, mas napaduol ug napadali ang access sa serbisyo sa DENR ngadto sa mga katawhan.

Ang maong duha ka adlaw nga activity nagpadayon ug nagpakita sa lig-on nga panag-uban sa DENR-10 ug LGU Villanueva alang sa mas episyente ug people-centered nga serbisyo.

Dako usab ang suporta sa Provincial Government of Misamis Oriental ubos sa pagpangulo ni Governor Juliette T. Uy sa maong inisyatiba, isip kabahin sa paningkamot nga mas mapaduol ang mga serbisyo sa gobyerno ngadto sa mga katawhan.

Gisuportahan usab kini ni Mayor Julio T. Uy, uban ni Vice Mayor Jeric G. Emano ug sa mga miyembro sa Sangguniang Bayan, isip kabahin sa padayong paningkamot nga mapalambo ang serbisyo publiko para sa mga katawhan sa Villanueva.

Read the article on the website here: https://villanuevamisor.gov.ph/denr-10-brings-permitting-on-wheels-to-villanueva-environmental-services-made-more-accessible/

25/08/2026

JOINT MEETING SA 3RD QUARTER SA MUNICIPAL PEACE AND ORDER UG MUNICIPAL ANTI-DRUG COUNCIL SA VILLANUEVA NAGMALAMPUSON

Malampusong gipahigayon karong adlawa sa LGU Villanueva ang Joint Meeting sa 3rd Quarter sa Municipal Peace and Order Council (MPOC) ug Municipal Anti-Drug Abuse Council (MADAC).

Nagkalain-laing importanteng programa, kalihokan, ug mga report ang gihisgutan atol sa maong meeting, ilabina ang mga lakang alang sa pagmintinar sa kalinaw, kahapsay, ug pagpalig-on sa kampanya batok ilegal nga droga sa atong lungsod.

Nahimo usab kining malampuson pinaagi sa aktibong partisipasyon ug kooperasyon sa mga miyembro sa konseho ug mga concerned offices.

Ang maong kalihokan kabahin sa padayon nga pagserbisyo sa katawhan ubos sa liderato ni Mayor Julio T. Uy, uban ni Vice Mayor Jeric G. Emano ug sa mga Sangguniang Bayan Members, alang sa mas luwas, malinawon, ug hapsay nga Villanueva.

Kanunay ang LGU Villanueva sa pagserbisyo ug pagpanalipod sa kaayuhan sa matag katawhan sa lungsod.

24/08/2026

LGU VILLANUEVA
Flag Raising Ceremony
August 24, 2026

Gipahigayon na usab karong adlawa sa LGU Villanueva, ubos sa pagpangulo ni Mayor Julio T. Uy, ang regular nga Weekly Flag-Raising Ceremony, isip sinugdanan sa unang adlaw sa trabaho matag semana.

Gitambongan kini sa mga local officials, municipal employees, ug mga representante gikan sa nagkalain-laing government sectors dinhi sa Villanueva, Misamis Oriental.

Usa kini ka pahinumdom sa panaghiusa ug kanunay nga dedikasyon sa pag-alagad alang sa katawhan.

20/08/2026

SAVE WATER, VILLANUEVA! EVERY DROP COUNTS!

Ubos sa pagpanguna ni Mayor Julio T. Uy, ang LGU Villanueva nag-awhag sa tanang katawhan sa lungsod nga magtinabangay sa pagkonserba sa atong suplay sa tubig, ilabina karon nga atong gibati ang epekto sa El Niño.

- Isira/Isara ang gripo kung dili gamiton.
- Ayuha dayon ang mga nagtagas nga gripo, toilet, ug tubo.
- Gamita lamang ang gikinahanglan nga tubig.
- Gamita pag-usab ang tubig alang sa mga non-potable nga panginahanglan.
- Likayi ang dili kinahanglan nga paghugas sa sakyanan ug sobra nga paggamit sa tubig.
- I-report dayon ang mga water leaks ngadto sa Waterworks Office.

SAVE WATER. SAVE LIVES. SAVE VILLANUEVA.

Atong ampingan ang tubig karon aron adunay igong supply alang sa tanan.

Usa kini ka pahinumdom gikan sa Villanueva Waterworks

20/08/2026

LGU VILLANUEVA NAGPALIG-ON SA LAND USE PLANNING UG ZONING CAPACITY PINAAGI SA DHSUD TRAINING

Ang Local Government Unit (LGU) sa Villanueva, ubos sa pagpangulo ni Municipal Mayor Atty. Julio T. Uy, uban sa suporta sa Sangguniang Bayan nga gipangulohan ni Vice Mayor Jeric Emano, padayon nga nagpalig-on sa kapasidad sa lokal nga panggobyerno aron mas mapaayo ang pagdumala ug pagplano alang sa hapsay, malungtarong, ug organisadong kalamboan sa atong lungsod.

Isip kabahin niini nga paningkamot, nagpahigayon ang LGU og duha ka adlaw nga capacity-building activity bahin sa Land Use Planning, Zoning, ug mga gidevolve nga buluhaton sa DHSUD, nga gitambongan sa mga key offices sa LGU, sa Sangguniang Bayan Committee Chair on Land Use and Zoning, ug mga opisyal ug representante gikan sa 11 ka barangay sa Villanueva.

Gihisgutan atol sa kalihokan ang mga importanteng aspeto sa land use planning ug zoning, locational clearance ug development compliance, subdivision ug housing standards, land reclassification, ug pag-monitor sa mga real estate developments.

Labaw sa tanan, kini nga kalihokan usa sa mga preparatory steps alang sa umaabot nga pag-update sa Comprehensive Land Use Plan (CLUP) sa Munisipyo. Pinaagi niini, gitinguha nga mas maangay ug magkauyon ang pagsabot ug koordinasyon sa mga concerned offices sa LGU ug sa 11 ka barangay sa paggiya sa umaabot nga paggamit sa yuta ug pagpalambo sa Villanueva.

Mapasalamaton ang LGU Villanueva sa Department of Human Settlements and Urban Development (DHSUD) Region X alang sa ilang teknikal nga kahibalo, giya, ug suporta nga ilang gipaambit atol sa maong kalihokan.

Nagpasalamat usab ang LGU sa SPI Power sa ilang kanunay nga pagsuporta pinaagi sa pag-sponsor sa paggamit sa PRISTInE Hall isip venue alang sa training. Ang padayon nga pakigtambayayong ug suporta sa pribadong sektor dakong tabang sa paningkamot sa LGU nga mapalig-on ang lokal nga pagplano ug maayong pagdumala.

Pinaagi sa mas lig-on nga kahibalo, koordinasyon, ug panaghiusa sa tumong, padayon nga nagpadayon ang Villanueva sa mga makahuluganon nga lakang padulong sa usa ka hapsay nga naplano, malungtarong, ug lig-on nga lungsod.

Padayon kita sa pagplano karon alang sa mas maayong Villanueva sa umaabot!

Read the article on the website here: https://villanuevamisor.gov.ph/lgu-villanueva-strengthens-planning-and-zoning-capacity-through-dhsud-training/

18/08/2026

LGU VILLANUEVA, GIPASIDUNGGAN SA BFP 10 SA KANUNAY NGA SUPORTA SA FIRE SAFETY

Gihatagan og Plaque of Recognition ang Local Government Unit of Villanueva, Misamis Oriental ubos sa maayong pagpangulo ni Mayor Julio T. Uy, isip pag-ila sa ehemplaryong pagdumala ug makanunayon nga suporta alang sa public safety ug fire protection.

Ang maong pasidungog gidawat ni Hon. SB Member Lou Jade Janao, representante sa LGU Villanueva, atol sa 35th Anniversary Celebration sa Bureau of Fire Protection (BFP) nga gipahigayon kagahapon sa Pearlmont Hotel.

Gipasalamatan sa BFP ang LGU Villanueva alang sa mga nagkalain-laing suporta sa Villanueva Fire Station, lakip ang pagpalig-on sa fire safety programs, emergency response capabilities, ug community resilience.

Kini nga pag-ila nagpakita sa lig-on nga panag-uban sa LGU Villanueva ug Bureau of Fire Protection sa pagpanalipod sa kinabuhi, kabtangan, ug kaluwasan sa katawhan.

Kanunay ang LGU Villanueva sa pagserbisyo ug pagpalig-on sa kaluwasan sa matag katawhan sa lungsod.

17/08/2026

IMPORTANTENG PAHIBALO

Tungod sa padayon nga grabeng kainit ug taas nga Heat Index, mipagawas si Hon. Mayor Julio T. Uy sa usa ka Executive Order No. 078, Series of 2026 aron mapanalipdan ang kahimsog ug kaluwasan sa mga estudyante, empleyado, outdoor workers ug tanang katawhan.

Ang EO naglatid og mga protective measures sama sa pag-monitor sa heat index, igo nga tubig ug pahulay, pag-adjust o pag-postpone sa strenuous outdoor activities, ug angay nga safety measures sa mga eskwelahan, government offices ug workplaces.

33–41°C – Extreme Caution/High Heat
42–51°C – Danger
52°C pataas – Extreme Danger

Palihog magmatngon, mag-hydrate ug likayi ang dugay nga exposure sa direktang adlaw.

Basaha ang nasukip nga Executive Order No. 078, S. 2026 alang sa kompleto nga mga probisyon ug safety measures.

Kaluwasan ug kaayohan sa katawhan prayoridad sa LGU Villanueva.

17/08/2026

HALF-DAY CLASS SUSPENSION
AUGUST 17, 2026

Pahibalo sa tanang estudyante ug ginikanan!

Ubos sa maayong pagpangulo ni Mayor Julio T. Uy, ang LGU Villanueva nagpahibalo sa HALF-DAY CLASS SUSPENSION karong Lunes, Agosto 17, 2026, tungod sa dangerous heat index nga gipaabot sa DOST-PAGASA.

Gilangkuban ang Class Suspension hangtod Senior High School lamang, sa tanang public ug private schools.

Gihangyo ang tanang estudyante ug ginikanan nga mag-amping batok sa sobra nga kainit, magpabiling hydrated, ug likayan ang dugay nga exposure sa adlaw.

Ang kaluwasan ug kahimsog sa atong mga kabataan mao ang prayoridad sa LGU Villanueva.