Vice Mayor Lemuel Kalem Surtida

Vice Mayor Lemuel Kalem Surtida Vice Mayor of Virac

Puno nin dedikasyon sa pagserbi an satong pinaka-enot na Regular Session nin bulan ngonian na aldaw, Hunyo 2, 2026, sa S...
02/06/2026

Puno nin dedikasyon sa pagserbi an satong pinaka-enot na Regular Session nin bulan ngonian na aldaw, Hunyo 2, 2026, sa SB Session Hall.

Sa ginibong sesyon, manlaen-laen na mga komunikasyon, suhestiyong resolusyon asin ordinansa ang pinaghuronan kan bilog na konseho para sa ikarahay kan banwaan. Kabali uya an inaprubahan na ordinansa ni Konsehal Lyle Benson R. Cabrera na nagtatao nin komprehensibong guidelines para sa Grant-Based Thesis Support Program kan satuyang Lokal na Pamahalaan.

Inaprubahan man kan konseho an pag-grant asin pag-renew kan Motorized Tricycle Operator’s Permit (MTOP) para sa magkapilang mga aplikante. An nasabing panukala iyo an inakda ninda Konsehal Joseph Mendoza, Konsehal Anthony Arcilla, asin Konsehal Danilo Romero.

Padagos kita sa pagsuporta asin pagpapatibay kan mga programang makakatabang sa pag-uswag kan satong banwaan.

02/06/2026

Padagos kita sa pagserbi ngonian na Hunyo 2, 2026, sa ika-22 Regular Session kan Sangguniang Bayan nin Virac.

Happy Monday po sa gabos!Bida an mga kaakian nin Barangay Sto. Cristo kasu Mayo 28, 2026 sa saindang Summer Youth Camp n...
01/06/2026

Happy Monday po sa gabos!

Bida an mga kaakian nin Barangay Sto. Cristo kasu Mayo 28, 2026 sa saindang Summer Youth Camp na ikinondukta sa Sto. Cristo Elementary School Multipurpose Hall!

Sa okasyon na ini, nagkaigwa man kita nin oportunidad na makisumaro asin magpaabot nin satong mensaheng nagbibigay inspirasyon sa mga partisipante. Dakula man an satong pag-apresyar sa saindang aktibong inisyatiba sa mga programang nagpapakusog kan saindang abilidad bilang kaakian.

Pasasalamat man sa Sangguniang Kabataan nin Brgy. Sto. Cristo sa saindang dedikasyon sa pag-organisa kan Summer Youth Camp na ini. Siring man, Dios Mabalos man po sa pag-imbitar!

Nag-atender kita nin Commission on Audit (COA) Exit Conference para sa audit kasu calendar year 2025 kasu udma, Mayo 28,...
29/05/2026

Nag-atender kita nin Commission on Audit (COA) Exit Conference para sa audit kasu calendar year 2025 kasu udma, Mayo 28, 2026, sa Mayor’s Office Conference Room.

Kaiba an satong mga kapwa serbidor nin publiko, pinaghurunan ta uya an mga resulta kan isinagibong audit asin an mga rekomendasyon tanganing mas lalo pang maparahay an paghatod nin serbisyo para sa banwaan.

Ngonian na aldaw, Mayo 28, 2026, nag-atender kita sa mga Committee Meeting kan manlaen-laen na komitiba kan Sangguniang ...
28/05/2026

Ngonian na aldaw, Mayo 28, 2026, nag-atender kita sa mga Committee Meeting kan manlaen-laen na komitiba kan Sangguniang Bayan nin Virac na ikinondukta sa SB Session Hall.

Sa pagpupulong kan Committee on Public Utility and Transportation, nakapagtao man kita nin mga pagilumdom asin suhestiyon para sa satong mga dati asin panibagong Motorized Tricycle Operator's Permit (MTOP) holders, lalo na sa satong mga tricycle drivers, manungod sa mga kaipuhang sundon asin gibuhon tanganing mapanatili an kaligtasan asin kaayusan sa satong mga kalsada.

Padagos kita sa pagsuporta sa satong mga tricycle drivers!

An saro sa mga paagi tanganing mas masabutan ta an sarong kultura iyo an paglasa asin pag-apresyar kan saindang mga pagk...
28/05/2026

An saro sa mga paagi tanganing mas masabutan ta an sarong kultura iyo an paglasa asin pag-apresyar kan saindang mga pagkaon. Kaya man, kasu Mayo 26, 2026, nakisumaro kita sa ikaduwang yugto kan SIRAM: Pagkaon Bikolnon na ginibo sa Midtown Beach Resort.

Sa paagi kan inisyatiba kan satong tourism office, nataw’an naman an lokal na pamahalaan nin dakulang oportunidad tanganing lalo pang mapakusog asin maipromotar an mga lokal na pagkaon ta uya sa Virac. Dakula an importansya kan mga aktibidad na arog kaini sa pagpreserbar kan satong kultura bilang mga tunay na Viracnon.

Kaiba an satong mga kapwa opisyal, partners, asin stakeholders, ipinapahiling ta na an satong pagkaon dai sana parte kan satong pang-adlaw-adlaw na pamumuhay, kundi simbolo man kan satong identidad asin pagkakabisto bilang banwaan.

Dios Mabalos po sa gabos na naging kabali asin nagsuporta sa aktibidad na ini!

Marhay na hapon! Naging produktibo po kita sa ika-21 Regular Session kan Sangguniang Bayan ngonian na aldaw, Mayo 26, 20...
26/05/2026

Marhay na hapon! Naging produktibo po kita sa ika-21 Regular Session kan Sangguniang Bayan ngonian na aldaw, Mayo 26, 2026, na ikinondukta sa SB Session Hall.

Bilang proponent, inendorso ta sa primerong pagbasa an satong suhestiyong ordinansa manungod sa pagregulate kan paggamit nin mga face-concealing gear sa mga pampublikong lugar. Katuyohan kaini na mapreventar an krimen, mapadari an pag-identify nin mga posibleng suspek, asin mapromotar an mas matibay na public safety sa satong banwaan.

An inisyatibang ini iyo an satong simbag sa opisyal na komunikasyon hale sa Virac Municipal Chief of Police, na nagrerekomendar na mag-pasar an Sangguniang Bayan nin lokal na ordinansa na magtatao nin suporta sa crime prevention asin suspect identification efforts kan satong kapulisan.

Nahihiling ta man na kinakaipuhan an pagkakaigwa nin malinaw na polisiya na magbabalanse sa seguridad nin publiko asin sa pagrespeto sa personal na karapatan kan lambang saro. Sa paagi kaini, padagos kitang nagtatao nin prayoridad sa kapayapaan, kaayusan, asin seguridad kan gabos na taga-Virac.

Padagos po an satong pagserbisyo para sa mas seguro, organisado, asin progresibong banwaan.

26/05/2026

Ngonian na aldaw, nakisumaro kita sa ika-21 Regular Session nin Sangguniang Bayan nin Virac. 👨‍⚖️

Marhay na hapon!Nagkaigwa kita nin importanteng meeting ngonian na aldaw, Mayo 21, 2026, kaiba an bilog na Vice Mayors’ ...
21/05/2026

Marhay na hapon!

Nagkaigwa kita nin importanteng meeting ngonian na aldaw, Mayo 21, 2026, kaiba an bilog na Vice Mayors’ League of the Philippines (VMLP) – Catanduanes Chapter tanganing mapaghurunan asin mapag-adalan ta nin marinas an mga kaipuhan amendyahan sa Local Revenue Code kan lambang munisipyo.

Siring man, magkakaigwa pa kita nin saro pang pagtiripon kaiba an manlaen-laen na departamento kan kada munisipyo tanganing maseguro na gabos magkakaigwa nin partisipasyon asin representasyon sa pagbuo kan panibag-ong mga Revenue Code.

Napagdesisyunan ta man na ipadagos an satong marhay na partnership kaiba an mga Municipal Treasurers para maseguro man na an pagbag-o kan satong Local Revenue Code maging mas epektibo, makatugon sa mga pangangaipo, asin tunay na mabenepisyo sa gabos.

Nakisumaro kita sa Committee Meeting nin manlaen-laen na mga kometiba nin Sangguniang Bayan ngonian na aldaw, Mayo 20, 2...
20/05/2026

Nakisumaro kita sa Committee Meeting nin manlaen-laen na mga kometiba nin Sangguniang Bayan ngonian na aldaw, Mayo 20, 2026, sa SB Session Hall.

Sa satong pag-atender, aktibo kita na nakibali sa diskusyon asin nagtao nin mga rekomendasyon sa mga suhestiyong ordinansa asin resolusyon kan satong konseho. Ini ginibo ta tanganing mas mapagayon an kalidad kan mga proposed measures, para sa ikarahay kan satong bayan.

An mga nagtipon uya an Committee on Finance, Budget and Appropriations; Committee on Good Government; Committee on Women, Health and Sanitation; Committee on Trade, Cooperative, Commerce and Industry; Committee on Ways and Means; Committee on Tourism, Sisterhood and Town Twinning; Committee on Games and Amusement; asin Commmittee on Public Utility and Transportation.

Address

Virac
4800

Website

Alerts

Be the first to know and let us send you an email when Vice Mayor Lemuel Kalem Surtida posts news and promotions. Your email address will not be used for any other purpose, and you can unsubscribe at any time.

Shortcuts

Share

Category