Vice Mayor Lemuel Kalem Surtida

03/09/2026

Sarong onra para sako na magin parte kan SPTA Induction and Inauguration Ceremonies asin Ball kan Taytay Elementary School kaso Agosto 28, 2026, asin makisumaro sa pagselebrar kan mga bagong lideres asin kan saindang dedikasyon sa satuyang mga estudyante asin sa eskwelahan.

Congratulations sa gabos na bagong nagsumpa na opisyales kan SPTA!

03/09/2026

An 35th Regular Session kan Sangguniang Bayan nin Virac kaso Martes, Setyembre 1, 2026, nagdara nin mga importanteng kaganapan sa duwang bagay na harani sa sakong puso, an satuyang mga kaakian asin an pagprotehir sa satuyang yamang-dagat.

Kaiba sa mga pighuronan sa sesyon an satong proposed resolution na nagtutuyo na isulong an professionalization of Early Childhood Care and Development (ECCD) workers sa Virac, kasabay kan Republic Act No. 12199, o an “ECCD System Act.” Dakulang parte an piga gibo kan satuyang mga ECCD workers sa paghulma kan kinabukasan nin satuyang mga aki, asin an pagsuporta sa saindang professional development sarong paagi sa pag-invest para sa satuyang mga aki.

Samantala, nakakua kita nin marhay na bareta hale sa Sangguniang Panlalawigan nagtao sinda nin approval on review manunggod sa isunulong niato na ordinansa na “reclassifying the marine areas within the shallow reef platform or “Sapaw” as marine reserve sa mga Barangay nin Magnesia del Norte, Magnesia del Sur, Batag, asin Marilima.

Saro ining marhay na development para sa satuyang mga coastal communities asin sarong pag uswag tanganing mas maprotehiran an likas na yamang-dagat kan Virac.

Padagos kita sa pagtrabaho para sa satuyang mga aki, satuyang komunidad, asin para sa mas marhay na Virac.

01/09/2026

Pinun'an ta an bulan kan Setyembre sa paagi kan pagserbi sa ika-35 Regular Session kan Sangguniang bayan nin Virac! 💙

29/08/2026

Kan Miyerkules, Agosto 26, nakisumaro kita sa hearing kan Committee on Peace and Public Safety, kun sain pinag huronan otro an isyu isinang-at niato manunggod sa paggamit nin parte kan tinampo sa palibot kan Catanduanes State University (CatSU) bilang parking area.

Sa pagpapadagos kan diskusyon, nagpartisipar an mga representante hale sa CatSU, Land Transportation Office (LTO), Virac Municipal Police Station (MPS), Municipal Engineering Office (MEO), asin Municipal Local Government Operations Office (MLGOO) kan Virac, kasunod kan pag-atendir kan representante hale sa Department of Works and Public Works (DPH) kaso nakaaging hearing.

Katuyohan kaini an masiguro an kaligtasan kan gabos na mga road users, partikularmente an mga nagbibiyahe sa national asin provincial roads, asin mamantenir an marahay na dalagan kan trapiko sa palibot kan CatSU. Pigkokonsiderar man an kaligtasan asin seguridad kan mga sasakyan na napipiritan magpark sa luwas kan eskwelahan, siring man an kapakanan asin kaligtasan kan mga estudyante sa saindang aroaldaw na pagbiyahe pasiring asin hale sa eskwelahan.

Katakod kaini, nakisumaro kita sa suhestyon ni konsehal Molina na pag gibo nin Centralized Command and Coordination Center sa paagi kan MDRRMO para sa mas marhay na pagresponde sa kalamidad asin emergency sa satuyang banwa.

Padagos niatong sinusulong an mga lakdang magpapakusog kan kaligtasan, preparasyon, asin tamang pagresponde sa mga pangangaipo kan satong mga kahimanwa, sa tinampo man, sa eskwelahan, o sa panahon nin kalamidad asin emergency.

26/08/2026

Sarong produktibong aldaw sa ika-34 Regular Session kan Sangguniang Bayan nin Virac kaso aga, Agosto 25, 2026.

Kabale sa mga importanteng bagay na pinag huronan an Certification hale sa Sangguniang Panlalawigan manungod sa Municipal Ordinance No. 2025-26, na sakop an “rezoning of the 100-meter strip along the national road toward Sinibaan Bridge”, na ngonian pigkonsiderar na “approved by operation of law”.

Inaprobaran sa irarom kan urgent resolution an kahagadan sa Department of Public Works and Highways (DPWH) na padalion an pagkumpleto kan Multi-Purpose Training and Instructional Facility and Meeting Incentives Conference for Education and Sports Building (MICES) sa Barangay Cavinitan. An MICES Building piglalaoman na maserbing pangenot na lugar para sa mga conferences, training, sports and cultural activities, functions kan gobyerno, asin iba pang darakulang pagtiripon, sarong proyekto sa imprastraktura na pwedeng makatabang sa padagos na pag-uswag kan Virac asin Catanduanes.

Komitido kita sa pagsulong kan mga inisyatibo na igwang marinaw na mga katuyuhan: mas marhay na imprastraktura, serbisyo publiko, asin mas dakulang oportunidad para sa satong banwaan.

Padagos kitang nagsisirbe sa Virac na igwang integridad, responsibilidad, asin katuyuhan.

25/08/2026

Happy Tuesday! Nakisumaro kita sa ika-34 Regular Session kan Sangguniang Bayan nin Virac ngonian na aldaw, Agosto 25, 2026.

24/08/2026

Sarong mahalaga asin makabuluhan na oportunidad na makamatid, makipagtabangan, asin mas pakusugon an satong promesa sa responsableng lokal na pamamahala sa paagi kan Seminar-Workshop on Updating and Harmonizing Municipal Revenue na ginibo kan Agosto 18–19, 2026 sa Capitol Dome, Virac, Catanduanes.

Kaibahan niato an mga kapwa Sangguniang Bayan Members kan Virac, an satong OIC Municipal Treasurer, asin iba pang department heads kan LGU Virac sa duwang aldaw na aktibidad na ini na pig-organisar kan Vice Mayors’ League of the Philippines – Catanduanes Chapter, sa pakikipagtabangan kan Municipal Treasurers’ League.

An seminar-workshop na ini nagtao nin mahalagang mga pananaw sa pagpapakusog kan satuyang local revenue administration asin pagpapauswag kan fiscal responsibility, marhay na pamamahala, asin marinas na serbisyo publiko para sa satuyang mga konstituwente.

24/08/2026

Nakisumaro kita kan nakaaging Agosto 21, 2026, bilang Inducting Officer sa SPTA Induction Ceremony and Ball kan Virac Pilot Elementary School (VPES).

Mabalos, Virac Pilot Elementary School, sa pag-imbitar sako na maging parte kan saindong espesyal na okasyon.

Padagos kita sa pagiribahan, pagtarabangan, asin pagserbi para sa mas marhay na edukasyon asin mas mauswag na kinabukasan kan satuyang mga kaakian!

18/08/2026

Bilang pagpadagos sa lakdang pagimplementar kan satong ordinansa na naipasa kan Hunyo 23, 2026 na nagrereclassify sa mga kadagatan nin Barangay Magnesia del Norte, Magnesia del Sur, pati an partikular na mga parte sa Barangay Batag asin Marilima, siring man ang “sapaw,” bilang marine reserve, isinagibo an Information, Education and Communication (IEC) kan nakaaging Agosto 15, 2026 sa Marilima Elementary School.

Naimbitaran ta man an mga representante kan Virac Municipal Police Station (MPS), an mga Punong Barangay, Barangay Councils asin mga residents kung sain sinda imbwelto, tanganing mapalawig an pag-sabot kan mga komunidad sa mga probisyon kan ordinansa, an kahalagahan kan pagprotehar sa satong yamang-dagat, asin an responsableng paggamit sa mga iminuknang lugar. An ordinansang ini nagtataong giya para satuya na maprotektahan asin mapreserbar an satong mga kadagatan kung sain pigtawan nin respeto an tradisyonal na paagi nin panila o pamanwit asin kabuhayan kan satong mga parasira. Sa paagi kan koordinasyon, pag-intindi, asin kooperasyon kan gabos, mas mapapadagos ta an pagproteher sa satong likás na yaman dagat para sa presente asin sa mga masunod na henerasyon.

Dios Mabalos sa gabos na nakidumamay asin nakipagkoordinar sa IEC na ini. Padagos kita sa pagprotehar kan satong yamang-dagat!

17/08/2026