TESD BARMM Rlsi-Zclo

22/09/2026

𝐑𝐋𝐒𝐈, 𝐍𝐚𝐠𝐭𝐚𝐥𝐚 𝐧𝐠 𝟒.𝟖𝟓 𝐑𝐚𝐭𝐢𝐧𝐠 𝐬𝐚 𝟐𝟎𝟐𝟔 𝐌𝐢𝐝-𝐘𝐞𝐚𝐫 𝐏𝐞𝐫𝐟𝐨𝐫𝐦𝐚𝐧𝐜𝐞 𝐀𝐬𝐬𝐞𝐬𝐬𝐦𝐞𝐧𝐭 (𝐌𝐘𝐏𝐀)

Kasalukuyang isinasagawa ng Ministry of Basic, Higher and Technical Education – Technical Education and Skills Development (MBHTE–TESD) ang 2026 Mid-Year Performance Assessment (MYPA) para sa iba’t ibang tanggapan ng Bangsamoro Autonomous Region in Muslim Mindanao (BARMM). Ang assessment ay ginaganap sa Dahilayan Forest Park, Bukidnon, at nakatakdang magpatuloy hanggang September 25, 2026.

Nakamit ng Regional Language Skills Institute (RLSI) ang 4.85 rating sa isinagawang assessment noong September 22, 2026, na nagpapakita ng mahusay na pagganap at patuloy na pagsisikap sa mga gawain ng tanggapan.

Ang mataas na rating ay patunay ng mahusay na pamumuno ni Mr. Abdulhakim T. Sauti Jr., OIC-Center Administrator, na patuloy na gumagabay sa RLSI tungo sa mas mahusay na pagpapatupad ng mga programa at serbisyo, kasama ang dedikasyon at pagsisikap ng buong RLSI team.

Patuloy na pinagtitibay ng RLSI ang kalidad ng mga programa at serbisyo lalo na para sa mga Bangsamoro learners.

18/09/2026

𝐑𝐋𝐒𝐈–𝐙𝐂𝐋𝐎 𝐓𝐫𝐚𝐢𝐧𝐞𝐫𝐬, 𝐌𝐚𝐭𝐚𝐠𝐮𝐦𝐩𝐚𝐲 𝐧𝐚 𝐍𝐚𝐭𝐚𝐩𝐨𝐬 𝐚𝐧𝐠 𝐂𝐁𝐓𝐌 𝐋𝐞𝐯𝐞𝐥 𝐈

𝗦𝗘𝗣𝗧𝗘𝗠𝗕𝗘𝗥 18, 2026 | 𝗥𝗟𝗦𝝞 𝗟𝗮𝗯𝝾𝗿𝗮𝘁𝝾𝗿𝘆,
Zamboanga City — Matagumpay na natapos ng mga trainers ng MBHTE TESD Regional Language Skills Institute–Zamboanga City Liaison Office (RLSI–ZCLO) ang Community-Based Trainers Methodology (CBTM) Level I noong September 18, 2026, sa pangunguna ni Mr. Ferdinand De Roma bilang trainer.

Pinangunahan at sinuportahan ni Mr. Abdulhakim T. Sauti Jr., OIC-Center Administrator ang pagpapatupad ng training para sa mga RLSI trainers bilang bahagi ng pagpapalakas ng kanilang kahandaan sa pagsasagawa ng Community-Based Training (CBT).

Bilang output, bumuo ang mga kalahok ng Portfolio for CBTM Level I batay sa kani-kanilang language qualifications bilang training reference para sa pagsasagawa ng community-based training at paghahatid ng de-kalidad na language training sa mga komunidad, lalo na sa mga Bangsamoro learners.

Patuloy na isinusulong ng RLSI–ZCLO ang pagpapalakas ng kakayahan ng mga trainers upang maging handa sa community-based training at mas mapalawak ang access sa language training sa mga komunidad.

17/09/2026

𝐑𝐋𝐒𝐈–𝐙𝐂𝐋𝐎, 𝐌𝐈𝐋𝐅 𝐍𝐚𝐠𝐩𝐚𝐥𝐚𝐰𝐚𝐤 𝐧𝐠 𝐏𝐚𝐠𝐭𝐮𝐭𝐮𝐥𝐮𝐧𝐠𝐚𝐧 𝐩𝐚𝐫𝐚 𝐬𝐚 𝐌𝐠𝐚 𝐊𝐨𝐦𝐮𝐧𝐢𝐝𝐚𝐝

𝗦𝗘𝗣𝗧𝗘𝗠𝗕𝗘𝗥 17, 2026 | 𝗧𝗘𝗦𝗗𝝖 𝝛𝗮𝗺𝗯𝝾𝗮𝗻𝗴𝗮 𝗦𝗶𝗯𝘂𝗴𝗮𝘆 𝗣𝗿𝝾𝘃𝗶𝗻𝗰𝗶𝗮𝗹 𝝤𝗳𝗳𝗶𝗰𝗲

Isinagawa noong Setyembre 17, 2026 ang courtesy visit ng Regional Language Skills Institute–Zamboanga City Liaison Office (RLSI–ZCLO), kasama si Mr. Abdulhakim T. Sauti Jr., OIC-Center Administrator ng RLSI–ZCLO, at si Mr. Saylola Abdulmin, Administrator ng Moro Islamic Liberation Front (M**F), sa TESDA Zamboanga Sibugay Provincial Office upang talakayin ang mga posibleng larangan ng pagtutulungan para sa mga komunidad.

Sinalubong ang grupo nina Acting Provincial Director Ms. Gladys A. Tiongco at Engr. Hermil B. Contravida, Acting Administrator, para sa talakayan hinggil sa mga oportunidad para sa koordinasyon at mga programang maaaring isulong para sa mga benepisyaryo sa komunidad.

Binigyang-diin sa pag-uusap ang pagtutulungan ng mga institusyon at stakeholders upang matukoy ang mga pangangailangan ng mga komunidad at makapaglatag ng mga angkop na programa at inisyatiba, partikular sa technical-vocational education and training at language skills development.

Layunin ng nasabing pakikipag-ugnayan na mapalakas ang ugnayan ng mga tanggapan at organisasyon at makapagbukas ng mas maraming oportunidad para sa mga Bangsamoro learners at iba pang community beneficiaries.

16/09/2026

𝟏𝟎𝟎 𝐌𝐈𝐋𝐅 𝐁𝐞𝐧𝐞𝐟𝐢𝐜𝐢𝐚𝐫𝐢𝐞𝐬, 𝐒𝐮𝐦𝐚𝐛𝐚𝐤 𝐬𝐚 𝐁𝐒𝐏𝐓𝐕𝐄𝐓 𝐓𝐫𝐚𝐢𝐧𝐢𝐧𝐠 𝐈𝐧𝐝𝐮𝐜𝐭𝐢𝐨𝐧 𝐏𝐫𝐨𝐠𝐫𝐚𝐦

ZAMBOANGA SIBUGAY — Matagumpay na isinagawa ng Regional Language Skills Institute–Zamboanga City Liaison Office (RLSI–ZCLO) ang Training Induction Program (TIP) para sa 100 bagong Bangsamoro Scholarship Program for Technical Vocational Education and Training (BSPTVET) Scholars mula sa mga benepisyaryo ng Moro Islamic Liberation Front (M**F), na sasailalim sa Community-Based Training (CBT), noong Setyembre 16, 2026 sa Camp Salman, Tungawan, Zamboanga Sibugay.

Pinangunahan ni OIC-Center Administrator Abdulhakim T. Sauti Jr. ang TIP, na naglalayong ihanda ang mga bagong iskolar sa kanilang training at bigyan sila ng mahahalagang impormasyon hinggil sa mga alituntunin ng scholarship program, mga responsibilidad bilang iskolar, at iba pang detalye ng kanilang pagsasanay.

Dumalo rin sa programa si Saylola Abdulmin, Administrator ng M**F, bilang katuwang sa aktibidad para sa mga benepisyaryo ng M**F. Ang 100 BSPTVET Scholars ay nakatakdang magsimula sa kanilang Arabic Language A1 Level training sa Setyembre 21, 2026.

Sa naturang pagsasanay, magkakaroon ang mga iskolar ng pagkakataong malinang ang kanilang pangunahing kasanayan sa wikang Arabic sa pamamagitan ng programang inilalapit sa kanilang komunidad.

Patuloy namang isinusulong ng RLSI–ZCLO ang layunin ng “No Bangsamoro Learner Left Behind” sa pamamagitan ng pagbibigay ng mga oportunidad sa training na mas naaabot ng mga Bangsamoro learners at tumutugon sa pangangailangan ng mga komunidad.

13/09/2026

𝟕𝟒 𝐁𝐒𝐏𝐓𝐕𝐄𝐓 𝐒𝐜𝐡𝐨𝐥𝐚𝐫𝐬, 𝐍𝐚𝐠𝐝𝐢𝐰𝐚𝐧𝐠 𝐧𝐠 𝐌𝐚𝐭𝐚𝐠𝐮𝐦𝐩𝐚𝐲 𝐧𝐚 𝐏𝐚𝐠𝐭𝐚𝐭𝐚𝐩𝐨𝐬 𝐯𝐢𝐚 𝐙𝐨𝐨𝐦

Isang makabuluhang pagtatapos ang isinagawa sa Culmination Program ng Regional Language Skills Institute–Zamboanga City Liaison Office (RLSI–ZCLO) para sa pitumpu’t apat (74) na nagsipagtapos ng English Language, Spanish Language, at Bahasa Melayu sa ilalim ng BSPTVET Scholars Program noong September 9, 2026, sa pamamagitan ng Zoom platform.

Kabilang sa mga nagsipagtapos ang sumusunod:

English Language A2 Level – 25 graduates
Spanish Language A1 Level – 25 graduates
Bahasa Melayu A1 Level – 24 graduates

Pinangunahan ni OIC-Center Administrator Abdulhakim T. Sauti Jr. ang nasabing programa, kung saan kinilala niya ang tagumpay at pagsisikap ng mga graduates sa matagumpay na pagkumpleto ng kanilang language training.

Sa pamamagitan ng online training, nabigyan ang mga scholars ng pagkakataong matuto at mapaunlad ang kanilang kasanayan sa iba’t ibang wika sa kabila ng mga hamon ng distance learning. Ang kanilang pagtatapos ay nagsisilbing mahalagang hakbang tungo sa higit na pagpapalawak ng kanilang kaalaman, pagpapalakas ng kanilang confidence sa paggamit ng bagong wika, at paghahanda para sa mga oportunidad sa edukasyon at trabaho sa local at international.

Patuloy namang isinusulong ng RLSI–ZCLO ang pagbibigay ng accessible, relevant, at learner-focused na language training programs para sa mga Bangsamoro learners. Sa pamamagitan ng mga ganitong programa, patuloy na nabubuksan ang mas maraming oportunidad na mapaunlad ang kanilang language skills at maging mas handa sa mga hamon at oportunidad sa hinaharap.

09/09/2026

𝟓𝟎 𝐁𝐒𝐏𝐓𝐕𝐄𝐓 𝐒𝐜𝐡𝐨𝐥𝐚𝐫𝐬, 𝐌𝐚𝐭𝐚𝐠𝐮𝐦𝐩𝐚𝐲 𝐧𝐚 𝐍𝐚𝐤𝐮𝐦𝐩𝐥𝐞𝐭𝐨 𝐚𝐧𝐠 𝐄𝐧𝐠𝐥𝐢𝐬𝐡 𝐚𝐭 𝐀𝐫𝐚𝐛𝐢𝐜 𝐋𝐚𝐧𝐠𝐮𝐚𝐠𝐞 𝐓𝐫𝐚𝐢𝐧𝐢𝐧𝐠

Matagumpay na ipinagdiwang ng Regional Language Skills Institute–Zamboanga City Liaison Office (RLSI–ZCLO) ang Culmination Program para sa limampung (50) BSPTVET Scholars noong September 9, 2026, na binubuo ng dalawampu’t limang (25) graduates ng English Language A1 Level Batch 15 sa LHB II Building, Veterans Avenue, Zamboanga City, at dalawampu’t limang (25) graduates ng Arabic Language A1 Level sa Sampaloc Drive, Talon-Talon, Zamboanga City, na isinagawa sa ilalim ng Community-Based Training.

Ang English Language A1 Level training ay pinangunahan ni Trainer Aldnadz M. Asbi, habang si Trainer Saida U. Urie naman ang nanguna sa Arabic Language A1 Level training. Ang Arabic language training ay isinagawa sa pakikipagtulungan ng Markaz Qira’at Al-Qur’an Wal-Luga at Masjid Al-Ghanim, bilang bahagi ng Community-Based Training na naglalayong mailapit ang language learning opportunities sa mga komunidad.

Sa pamamagitan ng dalawang language training programs, nalinang ng mga trainees ang kanilang pangunahing kaalaman at kasanayan sa wikang Ingles at Arabic. Ang kanilang matagumpay na pagkumpleto sa training ay nagsisilbing mahalagang hakbang sa patuloy na pagkatuto at pag-unlad ng kanilang communication skills.

Patuloy na nagbibigay ang RLSI–ZCLO ng accessible at relevant na language training programs para sa mga bangsamoro learners, na naglalayong mapaunlad ang kanilang kaalaman at kasanayan bilang paghahanda sa kanilang personal, educational, at career development.

05/09/2026

𝟓𝟎 𝐁𝐒𝐏𝐓𝐕𝐄𝐓 𝐒𝐜𝐡𝐨𝐥𝐚𝐫𝐬, 𝐌𝐚𝐭𝐚𝐠𝐮𝐦𝐩𝐚𝐲 𝐧𝐚 𝐍𝐚𝐠𝐭𝐚𝐩𝐨𝐬 𝐬𝐚 𝐂𝐨𝐦𝐦𝐮𝐧𝐢𝐭𝐲-𝐁𝐚𝐬𝐞𝐝 𝐋𝐚𝐧𝐠𝐮𝐚𝐠𝐞 𝐓𝐫𝐚𝐢𝐧𝐢𝐧𝐠 𝐬𝐚 𝐓𝐚𝐰𝐢-𝐓𝐚𝐰𝐢

Matagumpay na isinagawa ng Regional Language Skills Institute–Zamboanga City Liaison Office (RLSI-ZCLO) ang Culmination Program para sa limampung (50) BSPTVET Scholars ng Arabic A1 Level at English Language A2 Level sa ilalim ng Community-Based Training (CBT) noong Setyembre 4, 2026, sa Holy Rosary Parish Formation Hall, Badjaw Village, Pag-asa, Bongao, Tawi-Tawi.

Pinangunahan nina Abdulhakim T. Sauti Jr., OIC-Center Administrator ng RLSI, at Ranisa J. Ejinnajar, Commissioner, Bangsamoro Women Commission (BWC) Tawi-Tawi, ang programa, kasama ang mga panauhing sina Dr. Maryam S. Nuruddin, Provincial Director, TESD Tawi-Tawi Provincial Training Center (PTC), at Elmin H. Arsad, Center Administrator, TESD Tawi-Tawi PTC, na kinatawan ni Ms. Kimberly Tanjilul, TESD Specialist.

Sa pakikipagtulungan ng RLSI-ZCLO at BWC Tawi-Tawi, nabigyan ang mga benepisyaryo ng pagkakataong mapaunlad ang kanilang kasanayan sa Arabic at English, na maaaring magsilbing karagdagang puhunan para sa kanilang edukasyon, trabaho, at iba pang oportunidad.

Naging bahagi ng matagumpay na pagsasanay ang mga trainers na sina Nur-Aina L. Lara, Arabic Trainer, at Rhodora Angela Tee, English Trainer, na gumabay sa mga scholars sa kanilang learning journey.

Ang culmination program ay nagsilbing pagkilala sa pagsisikap at tagumpay ng mga scholars at patunay sa patuloy na pagsusulong ng accessible, inclusive, at community-based language training para sa mga Bangsamoro learners.

Sa pamamagitan ng mga programang tulad nito, patuloy na isinusulong ng RLSI-ZCLO ang layuning mapaunlad ang kakayahan ng mga learners at mabigyan sila ng mas maraming pagkakataong matuto, umunlad, at makapaghanda para sa mas maraming oportunidad sa hinaharap.

01/09/2026

𝐎𝐮𝐫 𝐢𝐧𝐝𝐮𝐬𝐭𝐫𝐲 𝐩𝐚𝐫𝐭𝐧𝐞𝐫 𝐢𝐬 𝐡𝐢𝐫𝐢𝐧𝐠!

𝐂𝐡𝐞𝐜𝐤 𝐨𝐮𝐭 𝐭𝐡𝐞 𝐨𝐩𝐩𝐨𝐫𝐭𝐮𝐧𝐢𝐭𝐲 𝐚𝐧𝐝 𝐚𝐩𝐩𝐥𝐲 𝐧𝐨𝐰!

📣 𝐘𝐎𝐔𝐑 𝐍𝐄𝐗𝐓 𝐂𝐀𝐑𝐄𝐄𝐑 𝐒𝐓𝐀𝐑𝐓𝐒 𝐇𝐄𝐑𝐄.

Are you fluent in both Spanish and English? Do you have experience supporting leasing operations and enjoy coordinating processes with accuracy and professionalism?

If so, we'd love to welcome you to the Upstaff team!

💼 𝐍𝐨𝐰 𝐇𝐢𝐫𝐢𝐧𝐠:
Leasing Coordinator (Spanish-Speaking)

📄 Apply here:
https://forms.gle/5Cxw8BRtBqvabj3h8

🌟 𝐖𝐡𝐚𝐭 𝐌𝐚𝐤𝐞𝐬 𝐘𝐨𝐮 𝐀 𝐆𝐫𝐞𝐚𝐭 𝐅𝐢𝐭?

✔️ Fluent in Spanish (Hispanic) and English with excellent verbal and written communication skills

✔️ Previous experience as a Leasing Coordinator, Property Management Assistant, Leasing Administrator, or in a similar customer service or administrative role is highly preferred

✔️ Strong understanding of leasing processes, tenant application processing, and move-in coordination

✔️ Excellent organisational skills with strong attention to detail and the ability to manage multiple leasing applications simultaneously

✔️ Able to communicate professionally with tenants, applicants, property managers, and internal stakeholders

✔️ Comfortable working US West Coast business hours

🌟 𝐖𝐡𝐲 𝐉𝐨𝐢𝐧 𝐔𝐩𝐬𝐭𝐚𝐟𝐟?

✨ Be part of a collaborative team supporting US-based property management operations

✨ Develop your career in a professional and growth-oriented environment

✨ Work alongside experienced professionals while delivering an exceptional leasing experience

🎁 𝐄𝐦𝐩𝐥𝐨𝐲𝐞𝐞 𝐁𝐞𝐧𝐞𝐟𝐢𝐭𝐬

☑️ Self Insurance
☑️ Government Statutory Benefits
☑️ Monthly Transportation Allowance

If you're a bilingual professional with strong coordination skills and a passion for delivering an outstanding customer experience, we'd love to hear from you.

📌 Get in touch with us:

🌐 Facebook: https://www.facebook.com/upstaffzamboanga
📧 [email protected]

🚀 𝐇𝐞𝐥𝐩 𝐏𝐞𝐨𝐩𝐥𝐞 𝐅𝐢𝐧𝐝 𝐓𝐡𝐞𝐢𝐫 𝐍𝐞𝐱𝐭 𝐇𝐨𝐦𝐞. 𝐁𝐮𝐢𝐥𝐝 𝐘𝐨𝐮𝐫 𝐂𝐚𝐫𝐞𝐞𝐫 𝐖𝐢𝐭𝐡 𝐔𝐩𝐬𝐭𝐚𝐟𝐟.

30/08/2026

25/08/2026

𝐖𝐨𝐫𝐥𝐝 𝐂𝐚𝐟é 𝐨𝐟 𝐎𝐩𝐩𝐨𝐫𝐭𝐮𝐧𝐢𝐭𝐢𝐞𝐬: 𝐀𝐧𝐠 𝐔𝐧𝐚𝐧𝐠 𝐀𝐫𝐚𝐰

Matagumpay na Isinagawa ng Regional Language Skills Institute–Zamboanga City Liaison Office ang World Café of Opportunities sa unang araw, bilang bahagi ng pagbibigay ng mas malawak na oportunidad sa paghahanap ng trabaho at pakikipag-ugnayan sa mga industriya.

Dinaluhan ito ng mga RLSI graduates at iba pang job seekers, na nagkaroon ng pagkakataong makipag-ugnayan at mag-apply sa mga partner industry. Kabilang sa mga lumahok na kumpanya ang UPSTAFF Outsourcing, Royale Vows, AK Global Connect, at Vintazk Outsourcing, na nagbahagi ng iba't ibang oportunidad para sa mga aplikante.

Sa unang araw ng aktibidad, isang aplikante ang agad na na-Hired on the Spot (HOTS) ng Royale Vows, na isa sa mga positibong resulta ng direktang pag-uugnay ng mga job seekers sa mga partner employers.

Sa pamamagitan ng aktibidad na ito, patuloy na nagsisilbing tulay ang RLSI sa pagitan ng mga graduates, job seekers, at mga industriya upang mapalawak ang kanilang access sa mga oportunidad para sa employment at career development.

Magpapatuloy ang World Café of Opportunities sa Agosto 26, 2026, simula 8:00 AM para sa ikalawang araw ng aktibidad. Muling inaanyayahan ang mga naghahanap ng trabaho na samantalahin ang pagkakataong makipag-ugnayan sa ating partner employers at tuklasin ang iba't ibang oportunidad na maaaring maging daan sa kanilang susunod na career journey.