05/10/2026
ایبٹ آباد ٹریفک پولیس
ایس ایس پی ٹریفک محمد سلمان خان نے آج ٹریفک کمانڈ اینڈ کنٹرول روم اور پہچان آفس کا تفصیلی دورہ کیا۔
دورے کے دوران ایس ایس پی ٹریفک نے کمانڈ اینڈ کنٹرول روم میں تعینات افسران و اہلکاروں سے ملاقات کی اور ٹریفک مانیٹرنگ کے مختلف امور کا جائزہ لیا۔
انہوں نے شہر میں نصب سی سی ٹی وی کیمروں، ہیلپ لائن 1915، ٹریفک وائرلیس سسٹم اور ٹریفک کنٹرول کے حوالے سے تفصیلی معلومات حاصل کیں، جبکہ ٹریفک کی روانی، نگرانی اور عوام کو بروقت سہولیات کی فراہمی کے لیے جاری اقدامات کا بھی جائزہ لیا۔
اس موقع پر ایس ایس پی ٹریفک نے متعلقہ افسران و اہلکاروں کو ہدایات جاری کرتے ہوئے کہا کہ ٹریفک مینجمنٹ، مانیٹرنگ اور عوامی شکایات کے ازالے میں مزید بہتری لائی جائے اور فرائض کو ذمہ داری اور پیشہ ورانہ انداز میں سرانجام دیا جائے۔
بعد ازاں ایس ایس پی ٹریفک نے پہچان آفس کا دورہ کیا، جہاں انہوں نے پہچان ایپ اور QR کوڈ ویریفکیشن سسٹم کے حوالے سے تفصیلی بریفنگ حاصل کی۔
انہوں نے سسٹم کی کارکردگی کا جائزہ لیتے ہوئے متعلقہ عملے کو ہدایت کی کہ شہریوں کو محفوظ اور جدید ٹیکنالوجی پر مبنی سہولیات کی فراہمی کو مزید مؤثر بنایا جائے۔
