16/03/2025
پیپلز پارٹی ہزارہ ڈویژن اور ضلع ایبٹ آباد کے خلاف نوجوانوں نے بغاوت کا علم بلند کردیا۔ضلعی تنظیموں میں اختلاف کے بعد پیپلز یوتھ آرگنائزیشن ہزارہ تحصیل ایبٹ آباد اور مانسہرہ نے بھی ڈویژنل تنظیم اور ڈسٹرک تنظیم کی پالیسیوں پر عدم اعتماد کااظہار کرتے ہوئے اپنے عہدوں سے مستعفی ہوکر اجتماعی استعفے صوبائی صدر کو ارسال کردیئے۔زرائع کے مطابق پیپلز یوتھ آرگنائزیشن ہزارہ کے صدر ڈاکٹر قاضی عبداللہ کی زیر صدارت ایک اہم اجلاس ہوا جس میں پیپلز یوتھ آرگنائزیشن ہزارہ ،پیپلز یوتھ آرگنائزیشن مانسہرہ پیپلز یوتھ آرگنائزیشن ایبٹ آباد کے عہدیداران شریک ہوئے ۔اجلاس میں ڈویژنل اور ضلعی تنظیموں کی طرف سے نوجوانوں کو نذر انداز کرنے پر تشویش کا اظہار کیا گیا ۔ڈویژنل صدر پی وائے او ڈاکٹر قاضی عبداللہ کا کہناتھا برائے نام عہدے رکھنے کا کوئی فائدہ نہیں ہے۔نوجوانوں کو عہدے دیکر کام نہیں کرنے دیاجا رہا ہے۔یوتھ کے نام پر پروگرام کرتے ہیں لیکن اس میں پیپلز یوتھ آرگنائزیشن کو شامل نہیں کیا جاتا۔اجلاس میں پیپلز پارٹی ہزارہ اور ضلع ایبٹ آباد کے صدر کی پالیسیوں کے خلاف احتجاج کا علم بلند کرتے ہوئے مشترکہ طور پیپلز یوتھ آرگنائزیشن ہزارہ اور تحصیل ایبٹ آباد اور مانسہرہ کے عہدیداران نے مشترکہ طور پر اجتماعی استعفے صوبائی صدر ملک امجد عزیز ملک کو ارسال کر دیئے ہیں اور پارٹی کے لئے بطور کارکن کام جاری رکھنے کا اعلان کیا ہے۔
