23/02/2024
جمعیت علماء اسلام آواران کے زیر اہتمام تحفظ عقیدہ ختم نبوت کے سلسلے میں آج بعد نماز جمعہ آواران بازار میں ریلی اور مظاہروں کا انعقاد کیا گیا مظاہرے سے علماء کرام نے خطاب کرتے ہوئے کہا کہ عقیدہ ختم نبوت ہمارے ایمان کا لازمی جز اور حصہ ہے اسکے بغیر ہمارا ایمان مکمل نہیں ہوسکتا اپنے عقیدے کی دفاع ہر مسلمان کے لئے لازم اور ضروری ہے مقررین نے اپنے خطاب میں کہا کہ جو ملک اسلام کے نام پر ہم نے حاصل کیا ہے اس میں قرآن وسنت کے مطابق قانون سازی ہوگی قرآن و سنت کے خلاف کوئی قانون سازی نہیں ہوسکتی جو کہ سن 1973, کے آئین کا حصہ ہے انہوں نے کہا کہ پاکستان کے آئین میں ختم نبوت کے منکرین قادیانیوں کو اپنے مذہب کی اشاعت اور پرچار کی اجازت نہیں ہے لیکن چیف جسٹس آف پاکستان فائز عیسیٰ قادیانیوں کو ریلیف فراہم کرنے اور انکے معاملے میں تخفیف لانے کی کوشش کررہا ہے جسے ہم بحیثیت مسلمان قطعاً قبول اور برداشت نہیں کرسکتے انہوں نے کہا کہ ہم آج کے عظیم الشان مظاہرے کی توسط سے چیف جسٹس آف پاکستان کو پیغام دینا چاہتے ہیں کہ وہ اپنی اس کوشش سے باز آئے اور فوری طور اپنے عہدے سے استعفیٰ دے بصورت دیگر ہم اپنے عقیدے کی دفاع کی خاطر کسی قسم کی قربانی سے دریغ نہیں کریں گے۔
