Livestock Department South Punjab

18/07/2026

18/07/2026

وزیراعلیٰ پنجاب محترمہ مریم نواز شریف کا احسن اقدام
جنوبی پنجاب کی بیوہ اور مطلقہ خواتین کو معاشی طور پر خودمختار بنانے کے لیے مفت گائے اور بھینسوں کی تقسیم کا نیا مرحلہ شروع کر دیا گیا۔
3 ارب روپے کی لاگت سے جاری اس منصوبے کے تحت مستحق خواتین کو مفت مویشی فراہم کیے جا رہے ہیں تاکہ وہ دودھ کی پیداوار، مویشی پالنے اور دیگر وابستہ سرگرمیوں کے ذریعے باعزت روزگار حاصل کر سکیں۔
یہ منصوبہ نہ صرف خواتین کی معاشی حالت بہتر بنانے میں معاون ثابت ہوگا بلکہ لائیو سٹاک کے شعبے کی ترقی، دیہی معیشت کے استحکام اور پائیدار روزگار کے فروغ میں بھی اہم کردار ادا کرے گا۔
📢 درخواستوں کا آغاز 15 جولائی سے ہو چکا ہے۔
رجسٹریشن کے لیے اپنے قریبی سرکاری شفاخانۂ حیوانات میں قائم وزیراعلیٰ سہولت ڈیسک سے رجوع کریں یا آن لائن پورٹل پر درخواست جمع کروائیں۔
آن لائن رجسٹریشن @
https://attrw.punjab.gov.pk/

Govt of Punjab Maryam Nawaz Sharif Syed Ashiq Hussain Kirmani Additional Chief Secretary South Punjab Official

10/07/2026

شدید ہیٹ ویو: ڈیرہ غازی خان میں محکمہ لائیو سٹاک ہائی الرٹ، اضطراری اقدامات شروع

پنجاب بھر میں جاری شدید گرمی اور ہیٹ ویو کے پیشِ نظر صوبائی وزیر لائیو سٹاک و زراعت سید عاشق حسین کرمانی کی خصوصی ہدایات اور سیکرٹری لائیو سٹاک کی رہنمائی میں محکمہ لائیو سٹاک اینڈ ڈیری ڈویلپمنٹ، ڈیرہ غازی خان نے ڈپٹی کمشنر کے تعاون سے جانوروں کو شدید گرمی کے مضر اثرات سے محفوظ رکھنے کے لیے ہنگامی اقدامات کا آغاز کر دیا ہے۔
محکمہ لائیو سٹاک نے ضلع بھر میں فوری ریلیف کی فراہمی کے لیے 4 ہیٹ ویو ریسکیو کیمپس قائم کر دیے ہیں، جبکہ ضلع کے تمام ویٹرنری ہسپتالوں کو ہیٹ ویو ریلیف سینٹرز قرار دے دیا گیا ہے۔ مزید برآں، شدید متاثرہ علاقوں میں فوری طبی سہولیات کی فراہمی کے لیے موبائل ویٹرنری ڈسپنسریز/ایمبولینسز بھی روانہ کر دی گئی ہیں۔ کوالیفائیڈ ویٹرنری ڈاکٹروں کی زیرِ نگرانی یہ ٹیمیں جانوروں کو مفت ادویات، ہنگامی طبی امداد اور علاج معالجہ فراہم کر رہی ہیں۔
محکمے کی جانب سے مویشی پال حضرات کے لیے ایک جامع ایڈوائزری بھی جاری کی گئی ہے، جس میں درج ذیل احتیاطی تدابیر پر سختی سے عمل کرنے کی اپیل کی گئی ہے:

جانوروں کو چوبیس گھنٹے صاف، تازہ اور ٹھنڈا پانی مہیا کریں۔
جانوروں کو باقاعدگی سے نہلائیں، انہیں براہِ راست دھوپ سے محفوظ رکھیں اور باڑوں میں ہوا کی مناسب آمد و رفت (وینٹیلیشن) کو یقینی بنائیں۔
سبز چارہ صرف صبح سویرے یا شام کے ٹھنڈے اوقات میں فراہم کریں، جبکہ خوراک میں الیکٹرولائٹس اور وٹامنز کا مناسب استعمال شامل کریں۔
شدید گرمی کے اوقات میں جانوروں کی غیر ضروری نقل و حرکت اور طویل سفر سے مکمل اجتناب کریں۔

کسی بھی ہنگامی صورتحال، رہنمائی یا فوری امداد کے لیے محکمے کی 24/7 ہیلپ لائن 9211-08000 چوبیس گھنٹے فعال ہے جہاں سے کسان مفت مدد حاصل کر سکتے ہیں
Govt of Punjab Maryam Nawaz Sharif Syed Ashiq Hussain Kirmani Livestock and Dairy Development Department Punjab Additional Chief Secretary South Punjab Official

09/07/2026

جنوبی پنجاب میں ہیٹ ویو الرٹ — مویشیوں کا خصوصی خیال رکھیں

آپ کی بروقت احتیاط، آپ کے مویشیوں کی صحت اور پیداوار کی ضمانت ہے۔

📞 مزید رہنمائی اور مفت مشورے کے لیے لائیو سٹاک ہیلپ لائن: 08000-9211 پر رابطہ کریں۔

محکمہ لائیو سٹاک اینڈ ڈیری ڈویلپمنٹ، حکومتِ پنجاب
ہیٹ ویو سے بچاؤ، صحت مند مویشی، خوشحال کسان #️⃣