C&C BWP

20/09/2023

انتہائی افسوس کے ساتھ اطلاع دی جاتی ہے کہ سابق وفاقی سیکریٹری و امیدوار قومی اسمبلی پیپلزپارٹی بہاولپور جناب حسین احمد مدنی اور معروف ڈاکٹر عزیر احمد قریشی کے بھائی صہیب احمد قریشی بقضائے الہی وفات پا گئے ہیں, انکی نمازِ جنازہ کل مورخہ 21 ستمبر صبح 7:30 بجے مرکزی جنازہ گاہ نزد چوک فوارہ پر ادا کی جائے گی
انا للّٰہ وانا الیہ راجعون

02/02/2022

حافظ حسین احمد مدنی صاحب کے ہمراہ میاں سہیل احمد جبلہ کے نمازِ جنازہ میں شرکت. . اللہ مرحوم کی مغفرت فرمائے. آمین

20/01/2022

لاہور دھماکہ پاکستان کے استحکام کیخلاف سازش ہے۔ ہم اس میں شہید ہونے والے بے گناہ افراد کے ورثاء سے اظہارِ تعزیت کرتے ہیں ۔ سی اینڈ سی رہنماء حافظ حسین مدنی نے ہنگامی پریس ریلیز میں مزید کہا کہ حکومت عوام کے تحفظ میں مکمل ناکام ہوچکی ہے اور محض اپنے اقتدار کو طول دینے میں مصروف ہے۔ بیرونی اور اندرونی محاذ پر مکمل فیل ہوچکی ہے۔ عوام پہلے غربت کی چکی تلے پِس رہے تھے اب دوبارہ سے دہشت گردی کے سائے مسلط کردئیے گئے ہیں. اس واقعہ میں ملوث تمام کردار بے نقاب ہونے چاہئیں ، انہیں کڑی سے کڑی سزا دیکر نشانِ عبرت بنایا جائے اور شہداء اور زخمیوں کے ورثاء کو امداد کا اعلان کیا جائے۔

17/01/2022

مسافر خانہ کء قریب کلانچ والا روڈ پر ٹرالر اور رکشہ کے تصادم میں چار بچوں کی ہلاکت اور دس سے زائد کے زخمی ہونے پر ان کے اہلِ خانہ سے اظہارِ تعزیت کرتے ہیں۔ اس کا اظہار سی اینڈ سی رہنماء حافظ حسین مدنی نے اپنی پریس ریلیز میں کیا۔ انہوں نے مذید کہا کہ غم کے ان لمحات میں تمام سی اینڈ سی ممبران اہلِ خانہ کے ساتھ کھڑے ہیں. آخر میں مرحومین کے ایصالِ ثواب کے لئے مغفرت کی دعا مانگی گئی۔

09/01/2022

مری سانحہ حکومتِ وقت کی سنگین غفلت اور بے حسی کے باعث ہوا ۔ اس کا اظہار سی اینڈ سی کے رہنماء حافظ حسین احمد مدنی نے ہنگامی پریس ریلیز میں کیا۔ مزید انہوں نے کہا کہ جب حکومتِ پنجاب کے علم میں ہے کہ ہر سال برف باری میں لاکھوں لوگ مری کا رُخ کرتے ہیں اور انتظامیہ ان کی آمد کو مدنظر رکھتے ہوئے حفاظتی انتظامات کو یقینی بناتی ہے جس کے لئے اربوں روپے کی مشینری تک دستیاب ہے تو اس سال اس سے غفلت کیوں برتی گئی اور کیوں خوشیاں منانے کے لئے جانے والے خاندانوں کو سوگوار کردیا گیا۔. اس بدترین غفلت پر ذمہ دار اتھارٹیوں پر قتل اور اقدامِ قتل کے مقدمات قائم کرنے چاہئیں تاکہ آئندہ ایسے حادثات کا تدارک کیا جائے اور حکومتِ پنجاب اس سانحہ میں فوت ہوجانے والے افراد کے لواحقین کو معاوضہ کا اعلان کرے ۔

04/01/2022

رہنماء سی اینڈ سی حافظ حسین احمد مدنی نے خیر پور کے قریب المناک حادثہ پر گہرے دُکھ کا اظہار کرتے ہوئے مرحومین کے لواحقین سے تعزیت کرتے ہوئے کہا کہ سی اینڈ سی بہاولپور دُکھ کے ان لمحات میں لواحقین کے ساتھ کھڑی ہے اور حکام بالا سے مطالبہ کرتی ہے کہ زخمیوں اور مرنے والوں کے ورثاء کی مالی امداد کی جائے اور زخمیوں کا بہترین علاج کو یقینی بنایا جائے نیز اس بات کی تحقیقات بھی کی جائیں کہ اتنے اچھے روڈ پر ایسا حادثہ کیونکر پیش آیا اور ذمہ داروں کا تعین کیا جائے ۔

04/01/2022

02/01/2022

سی اینڈ سی کے ماہانہ اجلاس کی پریس بریفنگ

27/12/2021

بہاولپور سٹی ۔۔سی اینڈ سی کا ماہانہ اجلاس جناب محمد حسین مدنی کی رہائش گاہ پر منعقد ہوا جس میں شہر کی موثر اور سماجی شخصیات نے شرکت کی۔ اجلاس میں شہر کے معاملات پر ڈسکس ہوئی. خصوصاً شہر میں پینے والے پانی میں سنکیاء کی زائد مقدار میں موجودگی کے باعث ناقابلِ استعمال ہونے کے وجہ سے اہلِ بہاولپور کی پریشانیوں کے حل کے لئے متعلقہ اداروں سے ملاقات کرنا طے پایا نیز اجلاس میں اول یہ مطالبہ کیا گیا کہ بہاولپور کے قدیمی اور معروف بہاول وکٹوریہ ہسپتال کی اپ گریڈیشن اور تزئین و آرائش کے لئے مقامی اور صوبائی حکومت فنڈ جاری کرے ، بہاولپور سے بون میرو یونٹ کی منتقلی کو روکا جائے، چلڈرن ہسپتال اور برن یونٹ کا قیام فی الفور عمل میں لایا جائے ، صوبہ بہاولپور اہلِ بہاولپور کا دیرینہ مطالبہ اور وفاق اور صوبائی اسبلیوں کا وعدہ ہے اسے پورا کیا جائے۔ اجلاس میں شرکاء نے اس بات کا اعادہ کیا کہ بہاولپور کی تعمیر و ترقی میں سی اینڈ سی کا کردار مسلسل ہر فورم پر اٹھاتے رہنے کی ضرورت ہے تاکہ ریاستِ بہاولپور کی محرومیوں کا ازالہ ممکن بنایا جاسکے۔