22/08/2026
*معذور افراد کو اکثر دو خانوں میں محدود کر دیا جاتا ہے: Sensitive یا Aggressive*
اگر کوئی معذور شخص اپنی تکلیف یا احساسات کا اظہار کرے تو اسے فوراً حساس قرار دے دیا جاتا ہے، اور اگر وہ اپنے حق، عزت یا برابری کے لیے مضبوط آواز اٹھائے تو اسے aggressive کہا جاتا ہے۔
لیکن کیا اپنے احساسات کا اظہار کرنا کمزوری ہے؟
کیا اپنے حق کے لیے آواز اٹھانا جارحیت ہے؟
معذوری کسی انسان کی شخصیت، سوچ یا جذبات کو ایک ہی سانچے میں نہیں ڈھال دیتی۔ معذور افراد بھی اختلاف کر سکتے ہیں، ناراض ہو سکتے ہیں، سوال اٹھا سکتے ہیں اور اپنی حدود واضح کر سکتے ہیں۔
مسئلہ یہ ہے کہ معاشرہ اکثر معذور افراد سے خاموشی، برداشت اور ہر حال میں شکرگزاری کی توقع کرتا ہے۔ جیسے ہی کوئی شخص اس خاموشی کو توڑ کر اپنی بات کرتا ہے، اس کے مؤقف کو سمجھنے کے بجائے اسے ایک لیبل دے دیا جاتا ہے۔
معذور شخص کی آواز کو اس کے لہجے سے نہیں، اس کے مؤقف سے سمجھنے کی ضرورت ہے۔
کیونکہ ہر مضبوط آواز جارحیت نہیں ہوتی، اور ہر جذباتی اظہار حساسیت نہیں ہوتا۔
