Commissioner Bannu Division

25/08/2026

صوبائی مقابلۂ حسنِ قرأت و نعت خوانی کامیابی سے اختتام پذیر

محکمہ اوقاف، حج، مذہبی و اقلیتی امور خیبرپختونخوا کے زیرِ اہتمام عشرۂ رحمتُ للعالمین ﷺ کی مناسبت سے منعقدہ صوبائی مقابلۂ حسنِ قرأت و نعت خوانی کامیابی سے اختتام پذیر ہوگیا۔

سیرتِ طیبہ ﷺ کی روشنی میں مذہبی رواداری، بین المذاہب ہم آہنگی اور فروغِ امن کے عنوان سے منعقدہ ان مقابلوں میں صوبے بھر سے قرّاء اور نعت خواں حضرات نے شرکت کی۔ حسنِ قرأت کے مقابلے میں ملاکنڈ ڈویژن سے تعلق رکھنے والے محمد جنید احمد نے پہلی پوزیشن حاصل کی، جبکہ نعت خوانی کے مقابلے میں فہد نسیم نے پہلی پوزیشن اپنے نام کی۔

تقریب میں صوبائی وزیر برائے اوقاف، حج، مذہبی و اقلیتی امور صاحبزادہ محمد عدنان قادری، سیکرٹری اوقاف جناب عطا الرحمٰن، چیئرمین متحدہ علماء بورڈ، جید علماء کرام اور عوام کی بڑی تعداد نے شرکت کی۔

مقابلوں میں نمایاں پوزیشنیں حاصل کرنے والے شرکاء کو 12 ربیع الاول کی مناسبت سے منعقد ہونے والی صوبائی رحمتُ للعالمین ﷺ کانفرنس میں انعامات سے نوازا جائے گا۔

20/08/2026

بنوں میں ڈویژنل سطح پر عشرۂ رحمت للعالمین ﷺ کے تحت سیرت النبی ﷺ کانفرنس اور تقریب تقسیم انعامات۔

صوبائی حکومت کے وژن کے مطابق عشرۂ رحمت للعالمین ﷺ کے تحت بنوں ڈویژن میں قرأت اور نعت خوانی کے بامقصد اور روح پرور مقابلوں کا انعقاد کیا گیا، جس کا اختتام ایک پروقار سیرت النبی ﷺ کانفرنس میں ہوا۔ یہ باوقار تقریب باچا خان بنوں کینٹ میں منعقد ہوئی، جس میں ڈویژنل انتظامیہ کے افسران، جید علماء کرام، قراء، نعت خواں اور مختلف شعبہ ہائے زندگی سے تعلق رکھنے والے معززین نے شرکت کی۔

کمشنر بنوں کیپٹن (ر) خالد محمود سیرت النبی ﷺ کانفرنس سے خطاب کرتے ہوئے مقررین نے 12 ربیع الاول کی مناسبت سے آقائے دو جہاں، رحمتِ عالم حضرت محمد مصطفیٰ ﷺ کی مبارک زندگی، اعلیٰ کردار، اخلاقِ حسنہ، انسانیت کے لیے رحمت اور آپ ﷺ کی تعلیمات پر تفصیلی روشنی ڈالی۔ مقررین نے اس امر پر زور دیا کہ حضور اکرم ﷺ کی سیرتِ طیبہ ہمارے لیے صرف عقیدت کا مرکز نہیں بلکہ زندگی کے ہر شعبے میں عملی رہنمائی کا کامل نمونہ ہے۔ ہمیں چاہیے کہ ہم آپ ﷺ کی تعلیمات کو اپنی انفرادی اور اجتماعی زندگی کا حصہ بنائیں اور محبتِ رسول ﷺ کو اپنے کردار، اخلاق، معاملات اور معاشرتی رویوں سے ثابت کریں۔

تقریب کے دوران قرأت اور نعت خوانی کے مقابلوں میں حصہ لینے والے باصلاحیت نوجوانوں نے اپنی خوبصورت آواز اور عقیدت بھرے انداز میں سامعین کے دل موہ لیے۔ اختتام پر نمایاں کارکردگی کا مظاہرہ کرنے والے قراء اور نعت خواں حضرات میں نقد انعامات اور شیلڈز تقسیم کی گئیں۔

یہ بابرکت اجتماع اس عزم کے ساتھ اختتام پذیر ہوا کہ سیرتِ طیبہ ﷺ کے پیغامِ امن، محبت، اخوت، برداشت اور انسانیت کی خدمت کو معاشرے میں عام کیا جائے گا، کیونکہ نبی کریم ﷺ کی حیاتِ مبارکہ پوری انسانیت کے لیے اللہ تعالیٰ کی عظیم رحمت اور کامل رہنمائی کا سرچشمہ ہے۔

14/08/2026

14/08/2026

چیف سیکرٹری خیبر پختونخوا شہاب علی شاہ نے بنوں کا دورہ کرتے ہوئے متعدد ترقیاتی منصوبوں کا افتتاح کیا جن میں کمشنریٹ، فٹنس جم، آفیسرز کلب، مسجد سمیت دیگر منصوبے شامل ہیں ان منصوبوں کی تکمیل سے سرکاری افسران اور عوام کو بہتر سہولیات کی فراہمی میں مدد ملے گی۔
اس موقع پر کمشنر بنوں ڈویژن خالد محمود، ڈی آئی جی بنوں ریجن رب نواز خان، سیکرٹری ٹو کمشنر بنوں ڈویژن ثاقب خان، ڈی پی او بنوں فرقان بلال، ایڈیشنل ڈپٹی کمشنر عمر خطاب، اسسٹنٹ کمشنر ہیڈکوارٹر اللہ نواز خان اور اسسٹنٹ کمشنر ڈاکٹر اشتیاق احمد سمیت دیگر متعلقہ افسران بھی موجود تھے۔
چیف سیکرٹری خیبر پختونخوا شہاب علی شاہ نے منصوبوں کا افتتاح کرتے ہوئے متعلقہ حکام کو ہدایت کی کہ ترقیاتی منصوبوں کے معیار اور بروقت تکمیل کو ہر صورت یقینی بنایا جائے جبکہ عوام کو دستیاب سہولیات میں مزید بہتری لانے کیلئے مؤثر اقدامات کئے جائیں بعد ازاں چیف سیکرٹری خیبر پختونخوا نے میڈیا نمائندگان سے مختصر گفتگو کرتے ہوئے کہا کہ صوبائی حکومت عوام کی فلاح و بہبود اور انہیں بنیادی سہولیات کی فراہمی کیلئے عملی اقدامات اٹھا رہی ہے انہوں نے کہا کہ ترقیاتی منصوبوں کی تکمیل سے نہ صرف سرکاری امور کی انجام دہی میں بہتری آئے گی بلکہ عوام کو بھی بہتر سہولیات میسر ہوں گی حکومت صوبے کے تمام اضلاع میں ترقیاتی عمل کو مزید مؤثر بنانے اور عوامی مسائل کے حل کیلئے کوشاں ہے۔

14/08/2026

صوبائی حکومت کے وژن کے مطابق 14 اگست یومِ آزادی کے موقع پر شجرکاری مہم کا باقاعدہ آغاز کر دیا گیا۔ کمشنر بنوں ڈویژن نے بنوں میڈیکل کالج میں پودا لگا کر مہم کا افتتاح کیا۔

اس موقع پر کمشنر بنوں ڈویژن نے کہا کہ درخت صاف ستھرے ماحول، فضائی آلودگی میں کمی اور موسمیاتی تبدیلیوں کے اثرات سے نمٹنے میں اہم کردار ادا کرتے ہیں۔ انہوں نے شہریوں سے اپیل کی کہ وہ اپنے گھروں، محلوں، دیہات اور دیگر دستیاب مقامات پر زیادہ سے زیادہ پودے لگائیں اور ان کی مناسب دیکھ بھال بھی یقینی بنائیں۔

انہوں نے کہا کہ یومِ آزادی کے موقع پر پودا لگانا نہ صرف وطن سے محبت کا عملی اظہار ہے بلکہ آنے والی نسلوں کو سرسبز، صاف اور صحت مند ماحول فراہم کرنے کی جانب ایک اہم قدم بھی ہے۔

14/08/2026

14 اگست یومِ آزادی کی پروقار تقریب کا انعقاد۔

تقریب میں پرچم کشائی، ایک منٹ کی خاموشی، پولیس پریڈ اور واک کا اہتمام کیا گیا، جس میں ڈویژنل و ضلعی انتظامیہ، لائن ڈیپارٹمنٹس اور دیگر محکموں کے افسران نے شرکت کی۔

16/05/2026

اہم اعلان

صوبے بھر میں بجلی بچت اور کاروباری اوقاتِ کار سے متعلق پہلے سے نافذ کردہ مارکیٹوں، کاروباری مراکز اور دکانوں کی بندش کے اوقات کو فوری طور پر معطل کر دیا گیا ہے۔

تاہم تمام شہریوں، مارکیٹس، پلازوں، شادی ہالز، ریسٹورنٹس، صنعتوں اور سرکاری دفاتر سے اپیل کی گئی ہے کہ وہ بجلی کے محتاط استعمال کو یقینی بنائیں، غیر ضروری لائٹنگ، سجاوٹی روشنیاں، غیر ضروری اے سی اور دیگر اضافی بجلی کے استعمال سے گریز کریں تاکہ قومی وسائل کا تحفظ ممکن بنایا جا سکے۔

10/05/2026

چیف سیکرٹری خیبرپختونخوا شہاب علی شاہ اور انسپکٹر جنرل آف پولیس خیبرپختونخوا ذوالفقار حمید کا ضلع بنوں کا دورہ، بنوں پولیس کے غیور جوانوں سے خطاب

شہداء ہمارا فخر ہیں، شہداء کے خون کے ہر قطرے کا انتقام خون سے لیا جائیگا۔ آئی جی پی

آئی جی خیبرپختونخوا کی شہداء کے لواحقین سے تعزیت، شہداء نے مٹی کی حفاظت کیلئے جان کی قربانی دی، لواحقین کو تنہا نہیں چھوڑیں گے۔