01/12/2025
ممبر بورڈ آف گورنرز ایم ٹی آئی بنوں شب نیاز خان کی سربراہی میں ایم ٹی آئی بنوں کے وفد کی سیکرٹری ہیلتھ خیبرپختونخوا شاہد اللہ خان سے ملاقات ،
ملاقات میں ایم ٹی آئی بنوں کے ہسپتالوں میں جاری ترقیاتی اقدامات، درکار وسائل اور سہولیات کے مزید استحکام سے متعلق امور پر جامع تبادلۂ خیال کیا گیا۔
آج ممبر بی او جی شب نیاز اور اکاؤنٹ آفیسر وقاص خان پر مشتمل وفد نے سیکرٹری ہیلتھ خیبرپختونخوا شاہد اللہ خان سے ملاقات کی انہوں نے بجٹ اور اضافی گرانٹ کی ضرورت، کیتھ لیب کے قیام، صحت سہولت پروگرام سے متعلق ضروری انتظامی پہلوؤں، وومن اینڈ چلڈرن ٹیچنگ ہسپتال کے اسٹاف کے لیے رہائش کی فراہمی، ایم ٹی آئی بنوں میں سی ٹی اسکین اور ایم آر آئی مشین کی تنصیب اور خلیفہ گل نواز ہسپتال میں آئی سی یو کی توسیع کے حوالے سے تفصیلی بریفنگ دیتے ہوئے ضروریات پیش کیں
ملاقات میں ان منصوبوں کی بروقت تکمیل کو ادارے کی ضرورت قرار دیا گیا۔
سیکرٹری ہیلتھ نے وفد کے مطالبات کا خیرمقدم کرتے ہوئے یقین دلایا کہ ایم ٹی آئی بنوں میں فراہم کی جانے والی صحت خدمات کو بہتر بنانے کے لیے درکار تعاون اور وسائل کی فراہمی کو ہر ممکن ترجیح دی جائے گی۔
