02/06/2026
ریسکیو1122بٹگرام
مورخہ ۔02جون 2026
ریسکیو 1122 خیبرپختونخوا عوام الناس سے اپیل کرتا ہے کہ آئندہ 12 سے 24 گھنٹوں کے دوران صوبے کے مختلف اضلاع میں متوقع بارش، گرج چمک، تیز ہواؤں اور بعض مقامات پر ژالہ باری کے پیش نظر احتیاطی تدابیر اختیار کریں۔
محکمہ موسمیات کے مطابق آئندہ 12 سے 24 گھنٹوں کے دوران چترال، دیر، سوات، صوابی، بٹگرام، ایبٹ آباد، مانسہرہ، ہری پور، پشاور، چارسدہ اور گرد و نواح میں بارش، آندھی اور گرج چمک کے ساتھ بارش کا امکان ہے، جبکہ بعض علاقوں میں ژالہ باری بھی متوقع ہے۔
ریسکیو 1122 بٹگرام شہریوں سے گزارش کرتا ہے کہ خراب موسمی صورتحال کے دوران غیر ضروری سفر سے گریز کریں، تیز ہواؤں اور آندھی کے وقت کمزور عمارتوں، بجلی کے کھمبوں، سائن بورڈز اور درختوں کے قریب کھڑے ہونے سے اجتناب کریں۔ ڈرائیور حضرات دورانِ سفر محتاط رہیں اور رفتار کو موسم کے مطابق رکھیں۔
کسی بھی ہنگامی صورتحال کی صورت میں فوری طور پر ریسکیو 1122 کی ہیلپ لائن پر رابطہ کریں۔ ریسکیو 1122 بٹگرام ہر قسم کی ایمرجنسی سے نمٹنے کے لیے ہمہ وقت تیار ہے۔
ترجمان ریسکیو 1122بٹگرام
fans
KP Rescue1122
Deputy Commissioner Battagram
