District Police Bhimber

22/04/2026

آجمورخہ 26-04-22 کو فیس بک پر بھمبر سے 4 بچوں کے اغواء کی نسبت ایک خبر شیئر کی گئی جس میں درخواست گزار شبیرکشمیری ولد غلام حیدر بٹ سابقہ مہاجر مقبوضہ کشمیر سال 1990 حال مقیم بھمبر شہر کے چار کمسن بچوں کی اغواء کی نسبت تذکرہ کیا گیا۔ فیس بک پر شیئر کی گئی خبر کے تناظر میں بذریعہ تھانہ سٹی بھمبر تحقیق و دریافت کروائی گئی۔ بروئے تحقیق شیئر کی گئی خبر خلاف حقائق پائی گئی ہے۔ حقیقت یہ ہے کہ محمد شبیر نے مرید کے (پنجاب ) کی عمارہ نامی خاتون سے شادی کی جس کے بطن سے 4 بچے میرب شبیر احمد , زہرہ , محمد اسماعیل اور کرسیہ بانو پیدا ہوئے۔شبیر احمد نے اپنی بیوی عمارہ کو طلاق دے رکھی ہے جبکہ بچے18 سال سے کم عمر کے ہونے کے باعث اپنی والدہ کے ساتھ اپنےننھیال مرید کے ( پنجاب ) رہائش پذیر ہیں۔ کسی نے بچوں کو اغوا نہ کیا ہے اور نہ ہی تاوان کی نسبت کوئی بات ثابت ہوئی ہے بلکہ بچے اپنی خوشی سے والدہ کے پاس ہیں۔ عوام الناس سے اپیل ہے کہ ایسی جھوٹی افواہوں پر کان نہ دھریں۔

21/04/2026

جناب راجہ محمد اکمل خان سینئر سپرنٹنڈنٹ پولیس ضلع بھمبر نے اپنے تبادلہ کے دوران اظہار خیال کرتے ہوئے فرمایا ہے کہ ان کی ضلع بھمبر میں عرصہ دو ماہ کی مختصر تعیناتی ضلع بھمبر میں ان کی آخری تعیناتی تھی، عرصہ سروس کم رہ جانے کے باعث ممکن ہے کہ دوبارہ ضلع بھمبر میں سروس کرنے کا موقع نہ ملے تاہم ان دو ماہ کے مختصر عرصہ کے دوران عوام الناس کی محبت اور تعاون ناقابل فراموش تھا۔ بھمبر کی عوام نے ان دو ماہ کے دوران جرائم پیشہ عناصر کے خلاف پولیس کا بھرپور ساتھ دیا۔ عوام کے تعاون سے ہی اس قلیل عرصہ کے دوران سنگین مقدمات کے ملزمان کی گرفتاری کے علاوہ منشیات فروشوں کےبڑے نیٹ ورک جو نئی نسل میں منشیات کا زہر پھیلا رہے تھے گرفتار ہوئے اور بڑی مقدار میں منشیات برآمد ہوئی، کئی خطرناک مجرم اشتہاری بھی گرفتار ہوئے۔ انہوں نے کہا کہ عرصہ تعیناتی کے دوران وکلا برادری، صحافی حضرات و دیگر سیاسی و سماجی شخصیات کا بھرپور تعاون حاصل رہا جس پر ان کا شکریہ ادا کرتا ہوں، ضلع ہذا سے تعلق رکھنے تمام مکاتب فکر و تمام شعبہ ہائے زندگی سے تعلق رکھنے والے افراد جو ان دو ماہ میں پولیس کے دست و بازو بنے رہے ان کا تہہ دل سے مشکور ہوں، پولیس ملازمین جنھوں نے اپنی استعداد کار سے بڑھ کر ڈیوٹی سرانجام دی ان کا بھی شکریہ ادا کرتا ہوں، ضلع بھمبر میں عرصہ تعیناتی یادگار تھا، عوام الناس کی محبتیں سمیٹ کر جا رہا ہوں، امید کرتا ہوں کہ بھمبر کے غیور عوام جرائم پیشہ عناصر کے خلاف آئندہ بھی پولیس کا ساتھ دیں گے۔ عوام الناس سے اپیل ہے کہ مجھے اپنی دعاوں میں یاد رکھئے گا۔اللہ تعالیٰ ہم سب کا حامی و ناصر ہو!

14/04/2026

تھانہ پولیس برنالہ کی کاروائی
مقدمہ قتل کا مجرم اشتہاری گرفتار!
وسیم نواز انسپکٹر SHOتھانہ برنالہ کی زیر نگرانی عبدالرحمن ASIمحمد شفیق ASIمعہ ہمرائی ملازمان ہارون فاروق 253 محمدیونس 193 طارق محمود 95شمیم خان نے مقدمہ قتل کے مجرم اشتہاری کی موجودگی کی اطلاع پر خادم حسین ولد فیروز احمد, اسامہ ولد خادم حسین اقوام جرال ساکنان کلیاں جنوبی تحصیل برنالہ کے گھر ریڈ کر کے مجرم اشتہاری قیصر اقبال ولد لیاقت علی ساکن کپورووالی کوٹ چودھا تحصیل سمبڑیال ضلع سیالکوٹ کو گرفتار کر لیا ملزم تھانہ اگوکی ضلع سیالکوٹ کے مقدمہ نمبر841/23مورخہ12/05/23بجرائم APC148/149/302/324میں مجرم اشتہاری تھا مذکور نے اپنے ساتھیوں کے ساتھ مل کر مورخہ 12/05/23کو ملک الیاس نامی شخص کو قتل کیاتھا مجرم اشتہاری کو قانونی کاروائی کے بعد متعلقہ تھانہ اگوکی پولیس کے حوالہ کیا جا رہا ہے جبکہ مجرم اشتہاری کو پناہ دینے کے جرم میں خادم حسین اور اسامہ خادم کے خلاف علیحدہ مقدمہ درج رجسٹر کر کے تفتیش شروع کر دی گئی ہے۔

08/04/2026

آج مورخہ 08/04/26 کو دفتر صدر پولیس بھمبر میں ماہانہ کرائم میٹنگ کا انعقاد ہوا جس صدارت جناب راجہ محمد اکمل خان سینئر سپرنٹنڈنٹ پولیس ضلع بھمبر نے کی، میٹنگ میں ڈی ایس پی صاحبان صدر مقام ، سٹی، لیگل ، ایس ایچ او صاحبان، پراسیکیوٹنگ انسپکٹر صاحبان، ڈسٹرکٹ ٹریفک انسپکٹر بھمبر سے شرکت کی۔ دوران میٹنگ ضلع ہذا میں کرائم کی موجودہ صورتحال کا جائزہ لیا گیا۔ جناب سینیر سپرٹنڈنٹ پولیس ضلع بھمبر نے جملہ ایس ایچ او صاحبان کو جرم قابل دست اندازی کی اطلاع پر فوری ایف آئی آر کے اندراج، انسدادی کارروائی اور درج شدہ مقدمات کے مطابق قانون میرٹ پر ڈسپوزل کی ہدایت فرمائی، جرائم پیشہ عناصر بالخصوص منشیات فروشوں، اسلحہ ناجائز رکھنے والوں اور مجرمان اشتہاری کے خلاف جاری مہم کے دوران بہتر کارکردگی کے حامل تھانہ جات کو شاباش جبکہ نسبتاً سست کارکردگی کے حامل افسران کو منشیات فروشوں اور اسلحہ ناجائز رکھنے والوں کے خلاف ٹارگٹڈ آپریشن کرنے کی ہدایت فرمائی۔ جرائم پیشہ عناصر بالخصوص منشیات فروشوں کے خلاف زیرو ٹالرینس کے عزم کا اعادہ کیا گیا۔ضلع ہذا میں چوری کی وارداتوں میں ملوث مجرمان کی تلاش اور مالمسروقہ کی برآمدگی ، موثر ٹریفک کنٹرول اور موجودہ ملکی حالات کے تناظر میں انٹری پوائنٹس پر موثر چیکنگ پڑتال کے احکامات بھی صادر فرمائے۔

08/04/2026

مدعی مقدمہ محمد سکندر ولد محمد اعظم قوم جٹ سکنہ ڈھوک برسالی تحصیل و ضلع بھمبر نے رپورٹ دی کہ چندروز قبل سائل کے حقیقی بھائی محمد شوکت نے اپنی زمین واقع ڈھوک برسالی میں آندھی سے گرے ہوئے ایک درخت سے ٹہنیاں کاٹ کر بکریوں کو کھلائیں جس پرمسمی غلام نبی وغیرہ نے سخت اعتراض کیا اور اسی سلسلہ میں اپنے ڈیرہ گڑھا کھیڑاں میں پنجائیت رکھی۔ سائل و برادرم محمد شوکت رات 20:45 بجے جیسے ہی ان کے ڈیرہ پر پہنچے تو ملزمان غلام نبی ، منظور حسین پسران فضل حسین ، علی ولد غلام حسین نے معہ 3/2 نامعلوم ساکنان گڑھا کھیڑاں ڈنڈوں اور آہنی راڈ سے برادر محمد شوکت پر حملہ کر دیا اور تشدد کرکے برادر مذکور کو موقع پر قتل کر دیا ہےوغیرہ۔
واقعہ کی اطلاع پاتے ہی جناب راجہ محمد اکمل خان سینئر سپرنٹنڈنٹ پولیس ضلع بھمبر معہ ڈی ایس پی صاحب سٹی بھمبر ڈسٹرکٹ ہیڈکوارٹرز ہسپتال بھمبر پہنچے، جہاں مقتول کے ورثاء سے ملاقات کی اور پیش آمدہ حالات واقعات سماعت کئے۔ موقع پر ہی ڈی ایس پی صاحب سٹی و ایس ایچ او صاحب سٹی کو جملہ ملزمان کی فوری گرفتاری کے احکامات جاری فرمائے۔
مدعی مقدمہ کی رپورٹ پر ارشد محمود انسپکٹر ایس ایچ او صاحب تھانہ سٹی بھمبر نےفوری طور پر مقدمہ درج رجسٹر کرکے کارروائی ضابطہ عمل میں لاتے ہوئے 3 کس ملزمان نامزد رپورٹ ابتدائی جو بعد از وقوع موقع سے فرار ہو چکے تھے کو اندر 6 گھنٹےٹریس کرتے ہوئے گرفتار کر لیا۔ مقدمہ ہذا کے نامزد چیف ملزمان گرفتار ہو چکے ہیں جن سے تفتیش کا عمل جاری ہے، اگر دوران تفتیش چیف ملزمان کے ہمراہ کوئی بھی دیگر ملزم یا سہولت کار ٹریس/ تصدیق ہوا تو پولیس اسے بھی فوری طور پر گرفتار کرتے ہوئے قانون کے کٹہرے میں لا کھڑا کرے گی۔مقدمہ کی تفتیش سینئر اور تجربہ کار افسران کی زیرنگرانی میرٹ پر عمل میں لائی جا رہی ہے اور مطابق حقائق ہی مقدمہ کا ڈسپوزل کیا جائے گا۔
ترجمان پولیس ضلع بھمبر

07/04/2026

بھمبر پولیس کی بڑی کارروائی! بدنام زمانہ منشیات فروش سے 16کلوسے زائد چرس گردا،1000گرام آئس برآمد!
جناب راجہ محمد اکمل خان سینئر سپرنٹنڈنٹ پولیس ضلع بھمبر کی جانب سے منشیات فروشوں کے خلاف جاری آپریشن کے تسلسل میں تھانہ پولیس سٹی بھمبر نے کارروائی کرتے ہوئے گرفتار ملزم عادل فاروق بٹ ولد محمد یوسف قوم بٹ سکنہ دھندڑ کی نشاندہی پر مذکور کے برادر ان حقیقی واجد علی ، بابر علی کی دوکان بابر موبائل شاپ سے منشیات وزنی 16 کلو 100گرام چرس گردا، 1000گرام آئس برآمد کرتے ہوئے علیحدہ مقدمہ درج رجسٹر کرکے تفتیش شروع کر دی ہے۔ یادر رہے کہ قبل ازیں ملزم عادل فاروق بٹ سے پہلی کارروائی کے دوران 1250گرام چرس و اسلحہ ، دوسری کارروائی میں 4 کلو 600 گرام چرس،1 کلو سے زائد افیون و اسلحہ ناجائز برآمد ہوا ہے۔ ملزم سے دوران تفتیش مزید انکشاف کی روشنی میں تیسری کارروائی عمل میں لائی گئی ہے۔ ملزم سے تفتیش جاری ہے جس سے مزید انکشافات/برآمدگی متوقع ہے۔ اس کے علاوہ اس گھناونے دھندے میں ملوث ملزم کے دیگر سہولت کاروں اور اس کاروبار سے منسلک افراد کے خلاف بھی گھیرا تنگ کر دیا گیا ہے۔اس موقع پر جناب سینئر سپرنٹنڈنٹ پولیس ضلع بھمبر نے کہا کہ منشیات فروش معاشرے کا ناسور ہیں جو نوجوان نسل کو تباہی کے راستے پر گامزن کرتے ہیں، منشیات فروشوں و ان کے سہولت کاروں کے ساتھ کسی قسم کی کوئی رعایت نہیں برتی جائے گی۔ عوام الناس سے اپیل ہے کہ منشیات کے کاروبار سے وابستہ معاشرے کے ان گندے کرداروں کوبے نقاب کرنے میں پولیس کے ساتھ تعاون کریں، کسی بھی مجرمانہ سرگرمی بالخصوص منشیات فروشی کی نسبت SSP صاحب بھمبر کے ذاتی موبائل فون پر اطلاع دیں، اطلاع دہندہ کا نام ہمیشہ صیغہ راز میں رکھا جائے گا۔ منشیات کے خلاف اس جہاد میں پولیس کا ساتھ دیں تاکہ آنے والی نسل کو منشیات سے پاک ایک بہترین معاشرہ میسر آسکے۔

07/04/2026

مورخہ 06/04/2026 کو اطلاع ملی کہ بمقام گڑھا کھیڑاں میں درخت کی کٹائی کے حوالہ سے پنچایت کے دوران مسمیان 1. منظور 2. غلام حسین اور عمران نے لڑائی جھگڑا کر کے مسمی محمد شوکت ولد محمد اسلم قوم جٹ ساکن ڈھوک برسالی کو ڈنڈوں سے مار کر شدید مضروب کیا۔ جسکی موقع پر ہی موت واقع ہو گئی۔ ورثاء نعش مقتول کو DHQ ہسپتال بھمبر لاۓ۔ اس اطلاع پر جناب راجہ محمد اکمل خان سینئر سپرنٹنڈنٹ پولیس ضلع بھمبر DHQ بھمبر پہنچے جہاں ورثاء سے ملاقات کرتے ہوئے جملہ پیش آمدہ حالات کی نسبت دریافت کیا۔ڈی ایس پی صاحب سٹی بھمبر اور ایس ایچ او صاحب معہ نفری کاروائی ضابطہ میں مصروف تھے جنھیں ملزمان کی فوری گرفتاری کی ہدایات جاری کی گئی۔ ارشد محمود انسپکٹر ایس ایس ایچ صاحب نے معہ خالد بشیر سب انسپکٹر، شمشیر علی شاکر، وسیم رزاق اے ایس آئی، محمد لقمان ڈی ایف سی نے ملزمان نامزد رپورٹ ابتدائی جو بعد از وقوع فرار ہو گئے جنھیں فوری طور پر ٹریس کرتے ہوئے 6 گھنٹے کے اندر اندرگرفتار کر لیا گیا ہے۔ ملزمان کے خلاف مقدمہ درج رجسٹر ہو کر تفتیش جاری ہے۔

06/04/2026

آجمورخہ 06/04/2026 کو اطلاع ملی کہ بمقام گڑھا کھیڑاں تنازعہ اراضی اور درخت کی کٹائی کے حوالہ سے پنچایت کے دوران مسمیان 1. منظور 2. غلام حسین اور عمران نے لڑائی جھگڑا کر کے مسمی محمد شوکت ولد محمد اسلم قوم جٹ ساکن ڈھوک برسالی کو ڈنڈوں سے مار کر شدید مضروب کیا۔ جسکی موقع پر ہی موت واقع ہو گئی ہے۔ ورثاء نعش مقتول کو DHQ ہسپتال بھمبر لاۓ ہیں۔ اس اطلاع پر جناب راجہ محمد اکمل خان سینئر سپرنٹنڈنٹ پولیس ضلع بھمبر DHQ بھمبر پہنچے جہاں ورثاء سے ملاقات کرتے ہوئے جملہ پیش آمدہ حالات کی نسبت دریافت کیا۔ڈی ایس پی صاحب سٹی بھمبر اور ایس ایچ او صاحب معہ نفری کاروائی ضابطہ میں مصروف تھے جنھیں ملزمان کی فوری گرفتاری کی ہدایات جاری فرمائی ہیں۔

05/04/2026

اسلحہ ناجائز کے حوالہ سےتھانہ برنالہ کی کاروائی!
پستول 30 بور معہ میگزین 4دانہ روند ایک بندوق بارہ بور ریپیٹر معہ 4 کارتوس برآمد !
چوہدری وسیم نواز انسپکٹر ایس ایچ او تھانہ برنالہ معہ محمد شفیق اے ایس آئی عقیل اسلم تفتیشی ہیڈ کنسٹیبل راجہ سلامت ڈی ایف سی طارق محمود معاون ڈی ایف سی نے کاروائی کرتے ہوے لڑائی جھگڑا اور پستول 30 بور میگزین اور 4دانہ روند برآمدگی کے سلسلہ میں درج مقدمہ میں مطلوب ملزم کامران عارف ولد محمد عارف قوم سلہریا ساکن روہی تحصیل برنالہ کو گرفتار کر تے ہوے ملزم کے قبضہ سے مذکورہ اسلحہ کے علاوہ مزید ایک بندوق بارہ بور ریپیٹر معہ 4 کارتوس برآمد کرتے ہوے علیحدہ مقدمہ درج کر کے تفتیش کا آغاز کیا ہے

03/04/2026

03/04/2026

بھمبر پولیس کی منشیات فروشوں کے خلاف کاروائیاں جاری !
منشیات فروش گرفتار ، مقدمہ درج!
جناب راجہ محمد اکمل خان سینئر سپرنٹنڈنٹ پولیس ضلع بھمبر کی جانب سے منشیات فروشوں کے خلاف مہم کے دوران چوہدری وسیم نواز انسپکٹر ایس ایچ او تھانہ برنالہ معہ محمد شفیق اے ایس آئی عقیل اسلم تفتیشی ہیڈ کنسٹیبل راجہ سلامت ڈی ایف سی طارق محمود معاون ڈی ایف سی نے دوران گشت بمقام ڈونگی نزد پٹرول پمپ موٹر سائیکل سوار محمد ریاض عرف ریاجی ولد مطیع اللہ قوم جرال ساکن کوٹ جیمل کے قبضہ سے ایک پیکٹ چرس گردا وزنی 1250 گرام برآمد کرتے ہوے مقدمہ درج رجسٹر کرتے ہوے تفتیش کا آغاز کر دیا ملزم کے زیر استعمال موٹر سائیکل بھی زیر ضبطی لایا گیا ہے ملزم قبل ازیں بھی منشیات کے متعدد مقدمات میں گرفتار رہ چکا ہے اور سزا یافتہ ملزم ہے

01/04/2026

بھمبر پولیس کی مجرمان اشتہاری کے خلاف کارروائیاں جاری !
تھانہ پولیس برنالہ نے دو مجرمان اشتہاری گرفتار کر لئے۔
جناب راجہ محمد اکمل خان سینئر سپرنٹنڈنٹ پولیس ضلع بھمبر کی جانب سے مجرمان اشتہاری کی گرفتاری کے حوالہ سے جاری مہم کے دوران وسیم نواز ایس ایچ او تھانہ پولیس برنالہ معہ محمد ارشد اے ایس آئی عقیل اسلم تفتیشی ہیڈ کانسٹیبل و دیگر نفری کاروائی کرتے ہوے نوجوان کےساتھ بد فعلی کے جرم میں ملوث 31 سال سے مفرور اشتہاری مجرم محمد وحید ولد عبداللہ ساکن برنالہ کو گرفتار کر کے تفتیش کا آغاز کر دیا
دوسری کاروائی میں ایس ایچ او تھانہ برنالہ معہ محمد شفیق اے ایس آئی عقیل اسلم تفتیشی ہیڈ کبسٹیبل راجہ سلامت ڈی ایف سی طارق محمود کنسٹیبل نے منشیات کے مقدمہ میں اشتہاری مجرم ناصر ولد راسب ساکن ملوٹ کو گرفتار کر کے پابند سلاسل کر دیا