25/05/2026
“مہاجر کو مقامی ثابت کرنے سے پہلے دنیا کا قانون پڑھ لیں”
دنیا کے کسی بھی قانون میں “ہجرت کر کے آنے والا” شخص اُس زمین کا تاریخی مقامی نہیں بنتا۔ بین الاقوامی اصول واضح کہتے ہیں کہ مقامی وہ ہوتے ہیں جن کی نسلیں صدیوں سے اُس خطے سے جڑی ہوں، جن کی زبان، ثقافت اور تاریخ اسی دھرتی میں جڑی ہو۔
بین الاقوامی ادارہ برائے محنت کے کنونشن 169 کے مطابق “indigenous” وہ قومیں ہیں جو کسی علاقے کی قدیم آبادی ہوں، نہ کہ وہ جو بعد میں آ کر آباد ہوں۔
اسی طرح اقوام متحدہ بھی مقامی اقوام کو تاریخی وابستگی سے جوڑتا ہے، نہ کہ صرف رہائش سے۔
اب سیدھی بات:
ہندوستان سے ہجرت کر کے آنے والے مہاجر ہیں، آبادکار ہیں، شہری ہیں، لیکن وہ سندھ کے تاریخی مقامی (indigenous) نہیں ہیں۔
اور سندھ کے اصل باشندے، سندھی، بلوچ اور دیگر قومیں، اپنی تاریخ، زمین اور نسل کی بنیاد پر مقامی ہیں۔
ہاں، یہ بھی حقیقت ہے کہ مہاجر پاکستان کے شہری ہیں، ان کے برابر حقوق ہیں، لیکن
شہریت اور مقامی ہونا دو الگ چیزیں ہیں، ان کو ملا کر تاریخ نہیں بدلی جا سکتی۔
