10/07/2025
سابق صوبائی وزیر اور نائب صدر پاکستان پیپلز پارٹی خیبر پختونخوا، جناب سلیم خان صاحب نے ایک وفد کے ہمراہ اپر چترال کا دورہ کیا۔
دورے کے دوران انہوں نے پارٹی کے دیرینہ کارکن، وادی لاسپور سے تعلق رکھنے والے محترم امیر اللہ یفتالی صاحب کے گھر جا کر انکے وفات پر انکے بھائی سروروردی صاحب سینیر نائب صدر پاکستان پیپلز پارٹی اپر چترال سے تعزیت کی۔ اس موقع پر انہوں نے مرحوم کے اہل خانہ سے اظہارِ ہمدردی کیا اور دکھ کی اس گھڑی میں پارٹی کی جانب سے مکمل تعاون کی یقین دہانی کرائی۔
اسی طرح پرواک کے معروف شخصیت مرحوم میجر اسماعیل صاحب کے گھر بھی حاضری دی، جہاں انہوں نے اہل خانہ سے تعزیت کی اور مرحوم کی خدمات کو خراجِ تحسین پیش کیا۔
اس دورے میں نائب صدر پاکستان پیپلز پارٹی ضلع چترال جناب بشیر احمد صاحب، کامریڈ اشرف اور دیگر پارٹی رہنما و کارکنان بھی شریک تھے۔
دورے کا مقصد پارٹی امور پر بات چیت کے ساتھ ساتھ اپنے ساتھیوں کے غم میں شریک ہونا اور پارٹی کارکنوں کے ساتھ روابط کو مزید مضبوط کرنا تھا۔