07/04/2026
حالیہ بارشوں سے چمرکن کے دو اہم مقامات بھی شدید متاثر ہوئے، مگر اس مشکل گھڑی میں چیئرمین عبدالحق نے ایک ذمہ دار، متحرک اور عوام دوست قیادت کا عملی مظاہرہ کیا۔ گشن آباد کا مرکزی روڈ، جس سے تقریباً 45 گھرانے مستفید ہوتے ہیں، ملبے کی وجہ سے مکمل طور پر بند ہو چکا تھا۔ عبدالحق بھائی نے بغیر کسی تاخیر کے ایکسکیویٹر کا انتظام کیا اور خود موقع پر موجود رہ کر ملبہ ہٹانے اور سڑک کی بحالی کے عمل کی مسلسل نگرانی کر رہے ہیں تاکہ عوام کو جلد از جلد آمدورفت کی سہولت میسر آ سکے۔
اسی طرح نالہ قدر گول، جہاں دو سال قبل بھی انہی کی کوششوں سے بروقت اقدامات کے باعث لوگوں کے گھر اور زمینیں محفوظ رہی تھیں، ایک بار پھر بارشوں سے متاثر ہوا۔ اس مرتبہ بھی چیئرمین عبدالحق نے فوری ایکشن لیتے ہوئے نہ صرف صفائی کا عمل شروع کروایا بلکہ نالے کو مزید گہرا کرنے کا کام بھی جاری ہے تاکہ پانی کے بہاؤ کو محفوظ بنایا جا سکے اور مستقبل میں ممکنہ نقصانات سے بچا جا سکے۔
اس وقت بیک وقت دونوں مقامات پر کام تیزی سے جاری ہے اور چیئرمین ویلیج کونسل چمرکن عبدالحق بھائی خود موقع پر موجود رہ کر نگرانی کر رہے ہیں۔ ان کی یہ عملی قیادت، احساسِ ذمہ داری اور عوامی خدمت کا جذبہ قابلِ تحسین ہے۔ ہم تہہ دل سے عبدالحق بھائی کے مشکور ہیں جن کی انتھک کوششوں کی بدولت ایک بڑے ممکنہ نقصان سے بروقت بچاؤ ممکن ہوا۔
