02/06/2026
ہم کور کمانڈر پشاور، لیفٹیننٹ جنرل عمر احمد بخاری صاحب کے بے حد مشکور اور ممنون ہیں جنہوں نے چترال میں فٹبال کے فروغ کے لیے فٹبال گراؤنڈ کے قیام کا اعلان کرکے نوجوانوں کے دل جیت لیے ہیں۔ یہ اقدام نہ صرف کھیلوں کی ترقی بلکہ نوجوان نسل کی مثبت سرگرمیوں اور صحت مند مستقبل کی جانب ایک اہم قدم ہے۔
چترال کے نوجوان کھلاڑی عرصۂ دراز سے بہتر کھیل کے مواقع اور سہولیات کے منتظر تھے۔ آپ کے اس احسن اقدام سے یقیناً علاقے میں فٹبال کو نئی زندگی ملے گی، نوجوانوں کا جذبہ مزید بلند ہوگا اور باصلاحیت کھلاڑیوں کو اپنی صلاحیتوں کے اظہار کے لیے ایک بہترین پلیٹ فارم میسر آئے گا۔
ہم آپ کی کھیل دوست سوچ، نوجوانوں سے محبت اور چترال کے عوام کے لیے اس قیمتی تحفے پر دل کی گہرائیوں سے شکریہ ادا کرتے ہیں۔ دعا ہے کہ اللہ تعالیٰ آپ کو صحت، سلامتی، عزت اور مزید کامیابیاں عطا فرمائے اور آپ کو قوم و ملک کی خدمت کی مزید توفیق دے۔
آمین ثم آمین۔
منجانب: محمد ظفر علی شاہ سینئر نائب صدر ڈسٹرکٹ فٹبال ایسوسی ایشن چترال
