04/09/2026
جمعیت علماء اسلام ضلع بونیر کے ڈیجیٹل میڈیا سیل کا اہم ماہانہ اجلاس ضلعی کوارڈینیٹر رضاحسین نعمانی کی زیرِ صدارت منعقد ہوا، جس میں ضلع بونیر کے مختلف تحصیلوں کے ڈیجیٹل میڈیا کوارڈینیٹرز نے بھرپور شرکت کی۔
اجلاس میں ضلع بھر میں ڈیجیٹل میڈیا کے کام کو مزید منظم، فعال اور مؤثر بنانے کے حوالے سے اہم فیصلے کیے گئے۔
اجلاس کے اہم فیصلے درج ذیل ہیں:
🔹 ضلع بونیر کی تمام تحصیلوں میں ڈیجیٹل میڈیا کے دورے اور تنظیمی سرگرمیوں کا باقاعدہ شیڈول مقرر کیا گیا۔
🔹 17 ستمبر کو مردان میں منعقد ہونے والے ڈیجیٹل میڈیا کنونشن کے لیے بھرپور عزم کا اظہار کیا گیا اور تشہیری مہم میں بھرپور حصہ لینے کا فیصلہ کیا گیا۔
🔹 ضلع بونیر کے ہر ویلج کے ڈیجیٹل میڈیا کوارڈینیٹر کے ساتھ ضلعی ٹیم کے رابطے کو مزید مضبوط بنانے اور بہترین تنظیمی نشستوں کے انعقاد کا فیصلہ کیا گیا۔
🔹 ستمبر کے مہینے میں ضلع بونیر کے تمام ڈیجیٹل میڈیا سیلز کو مکمل طور پر فعال اور منظم کرنے کا ہدف مقرر کیا گیا۔
🔹 ان شاء اللہ العزیز، اکتوبر میں سرزمینِ بونیر پر ایک عظیم الشان ڈیجیٹل میڈیا کنونشن منعقد کرنے کا فیصلہ کیا گیا، جس کے لیے ابھی سے تیاریوں کا آغاز کیا جائے گا۔
🔹 ڈیجیٹل میڈیا کے مختلف شعبہ جات کے لیے الگ الگ ماہر ٹیمیں تشکیل دینے کا فیصلہ کیا گیا، جن میں بالخصوص ویڈیو ایڈیٹنگ، گرافکس ڈیزائننگ اور جدید AI ٹیکنالوجی کے ذریعے ڈیجیٹل میڈیا پر مؤثر اور معیاری کام کرنے والی ٹیم شامل ہوگی۔
🔹 ضلع بونیر میں ایک مضبوط، فعال، باصلاحیت اور جدید تقاضوں سے ہم آہنگ ڈیجیٹل میڈیا ٹیم تشکیل دینے پر بھی اتفاق کیا گیا۔
اجلاس میں اس عزم کا اظہار کیا گیا کہ ڈیجیٹل میڈیا کے جدید ذرائع کو بروئے کار لاتے ہوئے جمعیت علماء اسلام کے پیغام کو مؤثر انداز میں عوام تک پہنچایا جائے گا اور سوشل میڈیا کے میدان میں مزید بہتر، منظم اور معیاری کام کیا جائے گا۔
اللہ تعالیٰ تمام ذمہ داران، کوارڈینیٹرز اور کارکنان کی محنتوں کو قبول فرمائے، انہیں اخلاص کے ساتھ دین و جماعت کی خدمت کرنے کی توفیق عطا فرمائے اور اس کا اجرِ عظیم نصیب فرمائے۔
آمین یا رب العالمین _
