Director Labour Welfare DG Khan Division DG Khan

16/05/2026

🌟 بلآخر کیپکو ورکرز کی تنخواہوں میں 22.50٪ اضافہ منظور ہو گیا، جو ایک طویل عرصے سے جاری تنازعہ کے خوش اسلوبی سے حل ہونے کا عملی ثبوت ہے۔ 🤝

اس موقع پر ہم ڈائریکٹر لیبر اور رجسٹرار آف ٹریڈ یونینز ڈی جی خان ڈویژن، جناب محمد شاہد صاحب کو ان کے مثبت، متوازن اور ذمہ دارانہ کردار پر دلی خراجِ تحسین پیش کرتے ہیں۔ 👏

ان کی سنجیدہ کاوشوں، دانشمندانہ رہنمائی اور انصاف پر مبنی طرزِ عمل کی بدولت ورکرز کو ان کا جائز حق ملا اور ایک دیرینہ مسئلہ خوشگوار انداز میں حل ہوا۔ ⚖️✨

ہم امید کرتے ہیں کہ مستقبل میں بھی ادارہ جاتی ہم آہنگی، انصاف اور مزدوروں کے حقوق کے تحفظ کے لیے اسی جذبے اور خلوص کے ساتھ کردار ادا کیا جاتا رہے گا۔ 🌹

جزاک اللہ خیراً 🤲

16/05/2026

22.5 % salaries increased of employees/ workers of Kapco power plant with conciliation of Director Labour DG Khan Division. 4 years long standing issue between workers and management resolved.
Regards.

06/05/2026

صوبائی وزیر لیبر و افرادی قوت محمد منشاء اللہ بٹ ڈائریکٹر جنرل لیبر آفس میں کیس اینڈ پراسکیوشن مینجمنٹ سسٹم کے افتتاح کے موقع پر منعقدہ اجلاس کی صدارت کر رہے ہیں

03/05/2026

01/05/2026

با تسلیمات ڈپٹی ڈائریکٹر تعلقاتِ عامہ حکومت پنجاب، ضلع راجن پور

تاریخ: 1 مئی 2026

ڈپٹی کمشنر راجن پور عمران حسین رانجھا کی ہدایت پر ضلع راجن پور میں عالمی یوم مزدور کے موقع پر ایک بھرپور ریلی کا انعقاد کیا گیا۔ ریلی کی قیادت اسسٹنٹ کمشنر محمد احمد نے کی جبکہ لیبر ڈیپارٹمنٹ کے افسران، انجمن تاجران، مزدور تنظیموں کے نمائندگان اور شہریوں کی بڑی تعداد نے شرکت کی۔ریلی کا آغاز شہر کے مرکزی مقام سے ہوا اور مختلف شاہراہوں سے گزرتی ہوئی اپنے اختتام کو پہنچی۔ شرکاء نے بینرز اور پلے کارڈز اٹھا رکھے تھے جن پر مزدوروں کے حقوق، فلاح و بہبود اور محنت کی عظمت کے حوالے سے نعرے درج تھے۔اس موقع پر اسسٹنٹ ڈائریکٹر لیبر ڈیپارٹمنٹ راجن پور میاں جہانگیر سمیت دیگر افسران بھی موجود تھے۔ ریلی کے اختتام پر خطاب کرتے ہوئے اسسٹنٹ کمشنر محمد احمد نے کہا کہ عالمی یوم مزدور صرف ایک دن منانے کا نام نہیں بلکہ یہ دن مزدوروں کے حقوق کے تحفظ، ان کی عزت و وقار اور بہتر مستقبل کے عزم کی تجدید کا دن ہے۔انہوں نے کہا کہ حکومت پنجاب مزدوروں کی فلاح و بہبود کے لیے عملی اقدامات کر رہی ہے اور انہیں محفوظ، باعزت اور بہتر روزگار کے مواقع فراہم کرنا اولین ترجیح ہے۔ انہوں نے مزید کہا کہ مزدور کسی بھی معاشرے کی ترقی میں ریڑھ کی ہڈی کی حیثیت رکھتے ہیں اور ان کی محنت کے بغیر ترقی کا تصور ممکن نہیں۔تقریب کے اختتام پر دعا میں شرکاء نے مزدوروں کے حقوق کے تحفظ اور ملکی ترقی میں بھرپور کردار ادا کرنے کے عزم کا اعادہ کیا۔

01/05/2026

25/04/2026

ڈائریکٹر لیبر ڈی جی خان ڈویژن محمد شاہد کی ہدایت پر حسنین ٹیکسٹائل مل مظفرگڑھ کے ایڈمن مینجر عدنان فاروقی کے خلاف پنجاب اکوپیشنل سیفٹی اینڈ ہیلتھ ایکٹ 2019 کی دفعات کی خلاف ورزی پر اظہر حیات لیبر آفیسر کی طرف سے ایف آئی آر درج کرائی گئی ۔ ورکرز کی صحت اور تحفظ کے حوالے سے حالات کا جائزہ لے کر فیکٹری انتظامیہ کو مزید مربوط اقدامات لینے کی ھدایات بھی جاری کی گئیں