06/08/2026
ریسکیو 1122 ڈیرہ اسماعیل خان
روڈ ٹریفک حادثہ (RTA)
ڈیرہ اسماعیل خان: دریا خان پل کے قریب روڈ ٹریفک حادثے کی اطلاع پر پل کے نزدیک قائم عارضی واٹر ریسکیو پوائنٹ (TWRP) پر موجود ریسکیو غوطہ خوروں نے حادثہ دیکھتے ہی فوری طور پر جائے وقوعہ پر پہنچ کر زخمیوں کو ابتدائی طبی امداد فراہم کی۔
بعد ازاں قریبی ریسکیو سٹیشن سے ایمبولینس طلب کی گئی، جس کے عملے نے زخمیوں کو مزید طبی امداد فراہم کرتے ہوئے بحفاظت قریبی ہسپتال منتقل کر دیا۔
واضح رہے کہ عارضی واٹر ریسکیو پوائنٹس (TWRPs) پر تعینات ریسکیورز نہ صرف ڈراؤننگ ایمرجنسیز سے نمٹنے، عوام میں حفاظتی آگاہی پیدا کرنے اور واٹر ریسکیو خدمات انجام دینے میں مصروف رہتے ہیں، بلکہ اپنے فرائض کی انجام دہی کے دوران انسانیت کی خدمت کے جذبے کے تحت ہر قسم کی ہنگامی صورتحال، بالخصوص روڈ ٹریفک حادثات میں بھی فوری امداد فراہم کرکے قیمتی انسانی جانوں کے تحفظ کو یقینی بناتے ہیں۔
ریسکیو 1122 ڈیرہ اسماعیل خان کی ٹیمیں عوام کو بروقت، معیاری اور پیشہ ورانہ ایمرجنسی خدمات کی فراہمی کے لیے 24 گھنٹے ہمہ وقت تیار ہیں۔
میڈیا کوآرڈینیٹر
ریسکیو 1122 ڈیرہ اسماعیل خان
