08/10/2026
دیر بالا پولیس
واڑی: سرکل واڑی میں ترقی پانے والے پولیس افسران کے اعزاز میں پروقار تقریب کا انعقاد کیا گیا، جس میں ہیڈ کانسٹیبل جان خالق خان، سلیم خان، فضل ملک اور ماہر خان کو اسسٹنٹ سب انسپکٹر (ASI) کے عہدے پر ترقی ملنے پر مبارکباد پیش کی گئی۔
ایس ڈی پی او سرکل واڑی فخر عالم خان نے ترقی پانے والے افسران کو مبارکباد دیتے ہوئے ان کی محکمانہ خدمات، محنت اور فرض شناسی کو سراہا۔ انہوں نے کہا کہ ترقی اعزاز کے ساتھ مزید ذمہ داری کا نام ہے، ترقی پانے والے افسران اپنی نئی ذمہ داریوں کو ایمانداری، محنت، نظم و ضبط اور پیشہ ورانہ صلاحیتوں کے ساتھ نبھاتے ہوئے عوام کے جان و مال کے تحفظ اور پولیس فورس کے وقار میں مزید اضافہ کریں۔
تقریب میں ایس ایچ او تھانہ واڑی اور ایس ایچ او تھانہ گندیگار سمیت دیگر پولیس افسران و اہلکاروں اور معززینِ علاقہ نے شرکت کی اور ترقی پانے والے افسران کو مبارکباد پیش کی۔
اس موقع پر ترقی پانے والے افسران کو ہار پہنائے گئے اور گلدستے پیش کیے گئے جبکہ شرکاء کی جانب سے ان کے لیے نیک خواہشات کا اظہار کیا گیا۔
۔۔۔
