02/07/2026
ڈاکٹر شہناز لغاری پاکستان کی پہلی خاتون پائلٹ ہیں جنہوں نے باقاعدہ مکمل حجاب اور نقاب پہن کر طیارہ اڑانے کا اعزاز حاصل کیا، انہوں نے ثابت کیا کہ مذہبی لباس ہوا بازی کے کیریئر میں کوئی رکاوٹ نہیں ہے۔
اگرچہ سوشل میڈیا اور چند مقامی ویب سائٹس پر یہ دعویٰ کیا جاتا ہے کہ ان کا نام دنیا کی پہلی باپردہ خاتون پائلٹ کے طور پر 'گنیز بک آف ورلڈ ریکارڈ' میں شامل ہے، تاہم گنیز ورلڈ ریکارڈز کی آفیشل ویب سائٹ پر اس کا کوئی باقاعدہ یا تصدیق شدہ ریکارڈ موجود نہیں ہے۔
ڈاکٹر شہناز لغاری پاکستان کی پہلی باپردہ خاتون پائلٹ ضرور ہیں، لیکن وہ پاکستان کی تاریخ کی پہلی خاتون پائلٹ نہیں ہیں، پاکستان کی پہلی خاتون پائلٹ ہونے کا اعزاز شکریہ خانم کے پاس ہے جنہوں نے 1959 میں لائسنس حاصل کیا تھا۔
