25/08/2026
پریس ریلیز
امدادی کیمپ برائے سیلاب متاثرین شیرقلعہ کے منتظمین کی جانب سے کیمپ میں موصول ہونے والی امدادی رقوم کی تقسیم آج بروز پیر 25 اگست 2026 کو عمل میں لائی گئی۔
کیمپ میں کل 615000 کی رقم جمع ہوئی جس میں گاؤں میں موجود سیلاب زدگان سے ہمدردی رکھنے والے حضرات سمیت یوگینڈا، پرتگال اور سعودی عرب میں مقیم بھائیوں کی جانب سے امدادی رقوم جمع کرائی گئیں۔
منتظمین نے باہمی مشاورت اور مشاہدات سے متاثرین کو دو درجوں میں تقسیم کیا ایک وہ جن کے گھر مکمل یا شدید متاثر ہوئے ان کو فی گھرانہ 70 ہزار کی رقم جبکہ دوسرے وہ جن کے گھروں کو جزوی نقصان پہنچا ان کو فی گھرانہ 25 ہزار کی رقم ادا کی گئی۔
ہم متاثرین اور منتظمین کی جانب سے تمام امداد پہنچانے والےحضرات کا فرداً فرداً تہہ دل سے شکریہ ادا کرتے ہیں اور دعا کرتے ہیں کہ اللہ تبارک وتعالی آپ سب کی اس نیک مقصد کے لئے بھیجی امداد کو افضل عبادت میں قبول فرماتے ہوئے آپ کے رزق، کمائی، صحت میں برکت عطا فرمائے اور آپ کے خاندانوں میں اتفاق کے ساتھ آپ اور آپ کے چاہنے والوں کو ڈھیر ساری خوشیوں سے نوازے نیز ہم سب کو ہمیشہ اسی طرح مصیبت میں مزید بڑھ چڑھ کر ایک دوسرے کی مدد کرنے کی توفیق عطا فرمائے۔
