GB Police Awareness

04/09/2026

سوشل میڈیا پر گلگت بلتستان پولیس کے افسران سے متعلق گردش کرنے والی اس پوسٹ میں کیے گئے دعوے گمراہ کن ہیں۔ افسران کی تعیناتی، تبادلہ اور دیگر انتظامی معاملات باقاعدہ محکمانہ قواعد و ضوابط کے تحت کیے جاتے ہیں، جنہیں محض سوشل میڈیا پوسٹ کی بنیاد پر کسی مخصوص افسر کو نوازنے سے جوڑنا درست نہیں۔

جہاں تک پولیس اہلکاروں کی بحالی کا تعلق ہے، اس حوالے سے بھی حتمی معلومات اور سرکاری نوٹیفکیشن کے بغیر قیاس آرائی سے گریز کیا جانا چاہیے۔ عوام سے گزارش ہے کہ غیر مصدقہ معلومات شیئر کرنے کے بجائے صرف سرکاری ذرائع پر اعتماد کریں

01/09/2026

سوشل میڈیا پر زیرِ گردش تصاویر میں نظر آنے والا شخص کسی پولیس، یا دیگر سکیورٹی فورس کا اہلکار نہیں ہے۔ اس شخص کے سوشل میڈیا اکاؤنٹس پر مختلف سرکاری نوعیت کی یونیفارمز میں تصاویر بھی موجود ہیں، جس کی وجہ سے عوام میں غلط تاثر پیدا ہوا۔

پولیس حکام کی جانب سے نوٹس لیا گیا ہے اور قانونی کارروائی کا آغاز کیا جا رہا ہے۔

لہٰذا عوام سے گزارش ہے کہ سوشل میڈیا پر گردش کرنے والی ایسی تصاویر کی بنیاد پر کسی شخص کو پولیس یا کسی فورس کا اہلکار نہ سمجھیں اور غیر مصدقہ معلومات آگے شیئر کرنے سے گریز کریں۔

یہ پوسٹ عوام کی آگاہی اور غلط فہمی دور کرنے کے لیے ہے۔ حتمی قانونی فیصلہ متعلقہ اداروں اور عدالت کا اختیار ہے

30/08/2026

ڈی پی او غلام رسول کی تعیناتی؛ سکردو پولیس لائن اور تھانہ جات کی حالت میں نمایاں بہتری

سکردو میں ڈی پی او غلام رسول کی تعیناتی کے بعد پولیس لائن اور مختلف تھانہ جات کی حالت بہتر بنانے کے لیے نمایاں اقدامات کیے گئے ہیں۔ پولیس لائن اور تھانہ جات، جو کئی عرصے سے خستہ حالی کا شکار تھے، انہیں خوبصورت، محفوظ اور جدید تقاضوں کے مطابق بنانے پر خصوصی توجہ دی گئی ہے۔
ذرائع کے مطابق پولیس لائن میں نہ مناسب چار دیواری موجود تھی اور نہ ہی اہلکاروں کے لیے رہائشی و دفتری کمرے مناسب حالت میں تھے۔ موجودہ انتظامیہ کی جانب سے پولیس لائن کے کمروں، کچن اور دیگر ضروری حصوں کی تعمیر و مرمت کرکے انہیں بہتر اور جدید سہولیات سے آراستہ کیا گیا ہے، جس سے پولیس اہلکاروں کو کام اور رہائش کے لیے بہتر ماحول میسر آیا ہے۔
پولیس اہلکاروں کا کہنا ہے کہ ڈی پی او غلام رسول کی جانب سے اچھی کارکردگی کا مظاہرہ کرنے والے پولیس جوانوں کی حوصلہ افزائی بھی قابلِ تحسین اقدام ہے۔ بعض اہلکاروں کو اپنی ذاتی رقم سے انعام دینا اس بات کی عکاسی کرتا ہے کہ وہ اہلکاروں کی محنت اور اچھی کارکردگی کو اہمیت دیتے ہیں۔
عوامی اور پولیس حلقوں نے ڈی پی او غلام رسول کی جانب سے پولیس فورس کی بہتری، اہلکاروں کی حوصلہ افزائی اور پولیس لائن و تھانہ جات کی حالت بہتر بنانے کے اقدامات کو سراہتے ہوئے امید ظاہر کی ہے کہ ایسے اقدامات سے پولیس جوانوں کے حوصلے بلند ہوں گے اور عوام کو مزید بہتر پولیس سروس فراہم کرنے میں مدد ملے گی۔

15/06/2026

05/06/2026

🗳️ گلگت بلتستان انتخابات 2026

گلگت بلتستان پولیس انتخابات 2026 کے پُرامن، شفاف اور منظم انعقاد کے لیے مکمل طور پر تیار ہے۔ عوام کی جان و مال کے تحفظ، امن و امان کے قیام اور ووٹنگ کے عمل کو محفوظ بنانے کے لیے پولیس کے جوان بھرپور جذبے اور پیشہ ورانہ مہارت کے ساتھ اپنی ذمہ داریاں سرانجام دینے کے لیے ہمہ وقت تیار ہیں۔

ہماری فورس عوامی خدمت، قانون کی بالادستی اور جمہوری اقدار کے تحفظ کے عزم کے ساتھ میدانِ عمل میں موجود ہے۔ گلگت بلتستان پولیس کا ہر جوان اس بات کو یقینی بنانے کے لیے پُرعزم ہے کہ ہر شہری اپنے حقِ رائے دہی کو آزادانہ اور محفوظ ماحول میں استعمال کر سکے۔

محفوظ انتخابات، مضبوط جمہوریت — گلگت بلتستان پولیس آپ کی خدمت میں۔

05/06/2026

گلگت پولیس کی کامیاب کارروائی،لاپتہ طالبہ کو بحفاظت بازیاب کر لیا جبکہ واقعے میں ملوث ملزم کو گرفتار کر لیا گیا۔
تفصیلات کے مطابق گزشتہ دنوں پبلک سکول جوٹیال گلگت سے لاپتہ ہونے والی طالبہ فریال دختر شیر افضل، سکنہ جوٹیال گلگت، کے معاملے میں تھانہ جوٹیال میں مقدمہ نمبر 140/2026 بجرم 364-A تعزیراتِ پاکستان درج کرکے تلاش کا آغاز کیا گیا۔

ڈسٹرکٹ پولیس آفیسر گلگت محمد اویس الیاس (پی ایس پی) کی خصوصی ہدایات پر ایس ڈی پی او دنیور سرکل گلگت عمارہ ستار (پی ایس پی) کی سربراہی میں ایس ایچ او تھانہ جوٹیال سید اجلال حسین اور پولیس ٹیم نے جدید تفتیشی ذرائع اور پیشہ ورانہ مہارت کو بروئے کار لاتے ہوئے کارروائی کی۔ نتیجتاً طالبہ کو بحفاظت بازیاب کر لیا گیا جبکہ ملزم مدثر ولد ممتاز خان، سکنہ چھموگڑھ، حال مقیم کونوداس گلگت، کو گرفتار کر لیا گیا۔
گرفتار ملزم کو قانونی کارروائی کے لیے تھانہ منتقل کر دیا گیا ہےجبکہ بازیاب ہونے والی طالبہ کی حالت تسلی بخش ہے واقعے کے تمام پہلوؤں اور حقائق جاننے کے لیے مزید تفتیش جاری ہے۔

05/06/2026

انتخابی سیکیورٹی کو صوبائی یا علاقائی عینک سے دیکھنے کے بجائے زمینی حقائق کو دیکھنا چاہیے۔

سیکیورٹی پلان کے مطابق مختلف اضلاع میں پنجاب پولیس، پنجاب رینجرز، جی بی اسکاؤٹس، فیڈرل کانسٹیبلری اور جی بی پولیس کی مشترکہ تعیناتی کی گئی ہے تاکہ ہر ضلع کی ضرورت کے مطابق نفری دستیاب ہو۔

اصل مقصد صرف ایک ہے: آزاد، پرامن اور محفوظ انتخابات۔

05/06/2026

گلگت: انسپکٹر جنرل آف پولیس گلگت بلتستان، ڈاکٹر اکبر ناصر خاں (پی ایس پی) نے پولیس ٹریننگ کالج گلگت میں انتخابی ڈیوٹی کے لیے آنے والے پنجاب پولیس کے افسران و اہلکاروں سے خطاب کرتے ہوئے انتخابات کے دوران امن و امان کے قیام اور فرائض کی مؤثر انجام دہی کے حوالے سے ضروری ہدایات جاری کیں۔ اس موقع پر پنجاب رینجرز،گلگت بلتستان اسکاؤٹس،فیڈرل کانسٹیبلری کے افسران اور پولیس کے اعلیٰ حکام بھی موجود تھے۔

(ترجمان گلگت بلتستان پولیس)

04/06/2026

اء اللہ گلگت بلتستان کے انتخابات مکمل طور پر آزاد، منصفانہ، شفاف اور پُرامن ہوں گے۔ گلگت بلتستان پولیس، جی بی اسکاؤٹس، رینجرز، پاک فوج اور پنجاب پولیس سمیت تمام قانون نافذ کرنے والے ادارے انتخابی عمل کے پُرامن انعقاد، سیکیورٹی اور شفافیت کو یقینی بنانے کے لیے اپنی ذمہ داریاں بھرپور انداز میں انجام دے رہے ہیں۔ ان اداروں کی مشترکہ کاوشوں سے ووٹرز کو محفوظ ماحول فراہم کیا جائے گا تاکہ وہ بلا خوف و خطر اپنے جمہوری حقِ رائے دہی کا استعمال کر سکیں۔