20/08/2026
استور: *محکمہ لائیو اسٹاک استور کی سبسڈی اسکیم کے مثبت نتائج سامنے آنے لگے*
محکمہ لائیو اسٹاک استور کی جانب سے گزشتہ سال سبسڈی کے تحت فریزن نسل کے نسلی بیل کسانوں میں مویشیوں کی بہتر افزائش اور نسل کشی کے مقصد سے تقسیم کیے گئے تھے، جس کے مثبت نتائج اب سامنے آنا شروع ہوگئے ہیں۔
عیدگاہ استور کے کسان *عرفان احمد* کے پاس موجود نسلی بیل سے متعدد صحت مند اور بہتر نسل کے بچھڑے پیدا ہوئے ہیں۔ اس پیش رفت کو علاقے میں مویشیوں کی نسل میں بہتری اور کسانوں کے لیے *محکمہ لائیو اسٹاک* کی اسکیم کے عملی ثمرات کے طور پر دیکھا جا رہا ہے۔
*محکمہ لائیو اسٹاک استور* کے اس اقدام کا مقصد مقامی مویشیوں کی نسل کو بہتر بنانا، دودھ اور گوشت کی پیداوار میں اضافہ کرنا اور کسانوں کی معاشی حالت میں بہتری لانا ہے۔
کسان *عرفان احمد* کے پاس اس نسلی فریزن بیل سے عیدگاہ یونین میں پیدا ہونے والے بہتر نسل کے بچھڑے اس بات کی عکاسی کرتے ہیں کہ جدید اور معیاری نسل کے جانوروں کی فراہمی سے استور کے مویشی پال کسانوں کو مستقبل میں مزید فائدہ پہنچ سکتا ہے۔
&DD
