FIA Gujranwala Zone

FIA Gujranwala Zone Official page of FIA Gujranwala Zone. We investigate Human Trafficking, Corruption, Immigration, and Banking Crimes. Committed to justice and public safety.

For complaints against crimes or officials, please message our inbox.

لیبیا کشتی حادثے میں جاں بحق 3 پاکستانیوں کے مقدمات میں مطلوب انسانی اسمگلر گرفتار.ایف آئی اے گجرات سرکل کی کارروائی، ان...
07/08/2026

لیبیا کشتی حادثے میں جاں بحق 3 پاکستانیوں کے مقدمات میں مطلوب انسانی اسمگلر گرفتار.
ایف آئی اے گجرات سرکل کی کارروائی، انسانی اسمگلنگ نیٹ ورک کا اہم رکن گرفتار، متاثرین سے 54 لاکھ 50 ہزار روپے بٹورے گئے.
ایف آئی اے گجرات سرکل کی کارروائی، انسانی اسمگلنگ نیٹ ورک کا اہم رکن گرفتار، متاثرین سے 54 لاکھ 50 ہزار روپے بٹورے گئے.
ملزمان نے شہریوں کو اٹلی اور اسپین بھجوانے کا جھانسہ دے کر لیبیا پہنچایا، جہاں انہیں سیف ہاؤس میں رکھا گیا اور بعد ازاں غیر قانونی کشتی کے ذریعے یورپ روانہ کیا گیا۔ 2 اپریل 2026 کو کشتی حادثے کا شکار ہوگئی جس کے نتیجے میں تینوں پاکستانی جاں بحق ہوگئے۔

ملزم کے خلاف مقدمات درج ہیں جبکہ اس کے دیگر ساتھیوں کی گرفتاری اور مزید تفتیش جاری ہے۔

ایف آئی اے امیگریشن سیالکوٹ کی بروقت کارروائیاں، جعلی سفری دستاویزات، انسانی اسمگلنگ اور ویزا فراڈ کی تین کوششیں ناکامسی...
04/08/2026

ایف آئی اے امیگریشن سیالکوٹ کی بروقت کارروائیاں، جعلی سفری دستاویزات، انسانی اسمگلنگ اور ویزا فراڈ کی تین کوششیں ناکام

سیالکوٹ: ایف آئی اے امیگریشن، سیالکوٹ انٹرنیشنل ایئرپورٹ نے مؤثر امیگریشن جانچ اور پروفائلنگ کے ذریعے مختلف کارروائیوں میں جعلی سفری دستاویزات، انسانی اسمگلنگ اور ویزا فراڈ کی تین الگ الگ کوششیں ناکام بناتے ہوئے متعدد افراد کو آف لوڈ کر دیا اور مزید قانونی کارروائی کے لیے متعلقہ ونگز کے حوالے کر دیا۔

پہلی کارروائی میں عمرہ ویزے پر سعودی عرب جانے والے مسافر رانا متین کو مشکوک قرار دے کر تفصیلی جانچ کی گئی۔ تلاشی کے دوران اس کے قبضے سے دو جعلی پاکستانی پاسپورٹ اور ان پر چسپاں جعلی لیٹوین (Latvian) ویزا اسٹیکرز برآمد ہوئے۔ ابتدائی تفتیش کے دوران انکشاف ہوا کہ ملزم مذکورہ جعلی دستاویزات آسٹریا میں مقیم اپنے ساتھی کی ہدایت پر سعودی عرب میں موجود افراد تک پہنچانے والا تھا، جس کے عوض اسے ایک لاکھ روپے ملنے تھے۔ مزید قانونی کارروائی کے لیے ملزم کو ایف آئی اے اینٹی ہیومن ٹریفکنگ سرکل (AHTC) سیالکوٹ کے حوالے کر دیا گیا۔

دوسری کارروائی میں چار مسافروں کو عمرہ ویزے پر سعودی عرب روانگی کے دوران آف لوڈ کیا گیا۔ امیگریشن پروفائلنگ اور ڈیجیٹل شواہد سے معلوم ہوا کہ ان کا اصل مقصد سعودی عرب سے غیر قانونی طور پر قبرص جانا تھا۔ ابتدائی تحقیقات کے مطابق بیرونِ ملک مقیم ایک ایجنٹ نے 18 لاکھ روپے فی کس کے عوض انہیں قبرص بھجوانے کا معاہدہ کیا تھا، جبکہ تین مسافروں سے 10،10 لاکھ روپے فی کس بطور ایڈوانس وصول کیے جا چکے تھے۔ تمام افراد کو مزید قانونی کارروائی کے لیے ایف آئی اے کمپوزٹ سرکل سیالکوٹ کے حوالے کر دیا گیا۔

تیسری کارروائی میں فرانس جانے والے ایک مسافر کو اس وقت آف لوڈ کیا گیا جب امیگریشن جانچ کے دوران اس کا فرانسیسی ویزا مبینہ طور پر دھوکہ دہی سے حاصل کردہ پایا گیا۔ ابتدائی بیان میں مسافر نے انکشاف کیا کہ اس نے ویزا کے حصول کے لیے ایک ایجنٹ کو 65 لاکھ روپے ادا کیے تھے۔ مزید تصدیق اور قانونی کارروائی کے لیے مسافر کو ایف آئی اے کمپوزٹ سرکل سیالکوٹ کے حوالے کر دیا گیا۔

ایف آئی اے امیگریشن سیالکوٹ نے بروقت کارروائی کرتے ہوئے جعلی سفری دستاویزات کے استعمال، انسانی اسمگلنگ اور ویزا فراڈ کی ان کوششوں کو ناکام بنایا۔ تمام مقدمات میں مزید تحقیقات جاری ہیں تاکہ اس میں ملوث ایجنٹوں، سہولت کاروں اور منظم نیٹ ورکس کو قانون کے کٹہرے میں لایا جا سکے۔

ایف آئی اے گوجرانوالہ زون شہریوں سے اپیل کرتا ہے کہ بیرونِ ملک سفر، ملازمت یا امیگریشن کے لیے صرف قانونی اور مجاز ذرائع اختیار کریں، غیر قانونی ایجنٹوں اور انسانی اسمگلروں کے جھانسے میں نہ آئیں، اور کسی بھی مشتبہ سرگرمی کی فوری اطلاع ایف آئی اے کو دیں۔

— محفوظ ہجرت، محفوظ مستقبل —

ترجمان
ایف آئی اے گوجرانوالہ زون

FIAGujranwalaZone

31/07/2026

𝐀𝐰𝐚𝐫𝐞𝐧𝐞𝐬𝐬 𝐖𝐚𝐥𝐤 𝐚𝐠𝐚𝐢𝐧𝐬𝐭 𝐈𝐥𝐥𝐞𝐠𝐚𝐥 𝐈𝐦𝐦𝐢𝐠𝐫𝐚𝐭𝐢𝐨𝐧: 𝐆𝐈𝐅𝐓 𝐔𝐧𝐢𝐯𝐞𝐫𝐬𝐢𝐭𝐲 𝐱 FIA Gujranwala Zone

Building on the long-standing partnership between GIFT University and FIA Gujranwala to combat illegal immigration through public awareness, an awareness walk was organized outside GIFT University.

The walk brought together students, government officials, and university leadership, led by Director FIA Gujranwala Muhammad Bin Ashraf, alongside GIFT University officials headed by Registrar Waseem Ullah Dar and Director Centre for Student Mentorship Ayesha Butt. Together, they raised awareness about the growing issue of illegal immigration and emphasized the importance of safe, legal migration.

The initiative is part of an ongoing academia-government collaboration, further strengthened through the active participation of student influencers under the leadership of the Centre for Student Mentorship (CSM). Through such initiatives, GIFT University continues to work closely with government institutions while empowering students to become responsible, informed, and socially conscious citizens.

31/07/2026

غیر قانونی ہجرت اور انسانی اسمگلنگ کے خلاف عوامی آگاہی، ایف آئی اے کی اولین ترجیح۔

ڈائریکٹر ایف آئی اے گوجرانوالہ زون جناب محمد بن اشرف نے ایک خصوصی ٹی وی پروگرام میں شرکت کرتے ہوئے غیر قانونی ہجرت اور انسانی اسمگلنگ کے رجحانات، ان کے سنگین نتائج اور ایف آئی اے کی مؤثر کارروائیوں پر تفصیلی گفتگو کی۔

انہوں نے شہریوں پر زور دیا کہ بیرونِ ملک ملازمت یا سفر کے لیے صرف قانونی ذرائع اختیار کریں اور انسانی اسمگلروں کے جھانسے میں آنے سے گریز کریں۔

ایف آئی اے گوجرانوالہ زون کی مؤثر تفتیش اور قانونی پیروی کے نتیجے میں موریطانیہ بوٹ سانحہ سے متعلق مقدمے میں انسانی اسمگ...
31/07/2026

ایف آئی اے گوجرانوالہ زون کی مؤثر تفتیش اور قانونی پیروی کے نتیجے میں موریطانیہ بوٹ سانحہ سے متعلق مقدمے میں انسانی اسمگلر کو 18 سال قیدِ بامشقت اور 32 لاکھ روپے جرمانے کی سزا سنائی گئی۔

ملزم نے شہری کو اسپین میں ملازمت کا جھانسہ دے کر 40 لاکھ روپے وصول کیے، تاہم اسے اسپین بھیجنے کے بجائے موریطانیہ منتقل کیا اور بعد ازاں کشتی کے ذریعے غیر قانونی طور پر اسپین بھجوانے کی کوشش کی۔ متاثرہ شخص پانچ روز تک سمندر میں پھنسا رہا اور بعد ازاں بحفاظت وطن واپس پہنچا۔ متاثرہ شخص کے بیان پر مقدمہ درج کیا گیا، جس کی مؤثر تفتیش اور قانونی پیروی کے بعد عدالت نے ملزم کو قرار واقعی سزا سنائی۔

ایف آئی اے گوجرانوالہ زون انسانی اسمگلروں، ویزا فراڈ اور غیر قانونی ہجرت میں ملوث عناصر کے خلاف بلاامتیاز کارروائیاں جاری رکھے ہوئے ہے۔

محفوظ ہجرت اختیار کریں، انسانی اسمگلروں کے جھانسے میں نہ آئیں۔

30/07/2026

30 جولائی، انسانی اسمگلنگ کے خلاف عالمی دن کے موقع پر ایف آئی اے گوجرانوالہ زون اور گفٹ یونیورسٹی، گوجرانوالہ کے اشتراک سے غیر قانونی ہجرت اور انسانی اسمگلنگ کے خلاف عوامی شعور اجاگر کرنے کے لیے آگاہی واک کا انعقاد کیا گیا۔

ایف آئی اے گوجرانوالہ زون انسانی اسمگلنگ کے خاتمے، غیر قانونی ہجرت کی روک تھام اور عوام میں آگاہی پیدا کرنے کے لیے اپنی عملی اور مؤثر کاوشیں جاری رکھے ہوئے ہے۔

محفوظ ہجرت اختیار کریں، روشن اور محفوظ مستقبل اپنائیں۔

ایف آئی اے گوجرانوالہ زون کی مؤثر پیروی، انسانی اسمگلر کو 19 سال قید اور 6 لاکھ روپے جرمانے کی سزاایف آئی اے گوجرانوالہ ...
29/07/2026

ایف آئی اے گوجرانوالہ زون کی مؤثر پیروی، انسانی اسمگلر کو 19 سال قید اور 6 لاکھ روپے جرمانے کی سزا

ایف آئی اے گوجرانوالہ زون نے انسانی اسمگلنگ کے ایک سنگین مقدمے میں نمایاں کامیابی حاصل کرتے ہوئے ملزم اعجاز فیصل کو 19 سال قیدِ بامشقت اور 6 لاکھ روپے جرمانے کی سزا دلوادی۔

ملزم نے شہری سے اس کے بیٹے کو اسپین میں ملازمت دلوانے کا جھانسہ دے کر 34 لاکھ روپے وصول کیے، تاہم اسے اسپین بھیجنے کے بجائے موریطانیہ منتقل کیا، جہاں متاثرہ شخص کو تشدد کا نشانہ بنایا گیا۔ بعد ازاں ملزم نے مزید 22 لاکھ روپے وصول کیے اور متاثرہ شخص کو سمندر کے راستے اسپین بھجوانے کی کوشش کی۔ دورانِ سفر متاثرہ شخص مزید تشدد کا شکار ہوا اور جان کی بازی ہار گیا۔

مقدمے کی سماعت مکمل ہونے پر اسپیشل جج سینٹرل (SJC-II) گوجرانوالہ نے ملزم کو مجموعی طور پر 19 سال قیدِ بامشقت اور 6 لاکھ روپے جرمانے کی سزا سنائی۔

مقدمے کی مؤثر پیروی اسسٹنٹ ڈائریکٹر (لیگل) صو بیہ عطا اللہ خان نے کی، جس کے نتیجے میں ملزم کو قرار واقعی سزا دلوائی گئی۔

— محفوظ ہجرت، محفوظ مستقبل —
ترجمان، ایف آئی اے گوجرانوالہ زون.

ایف آئی اے گجرات سرکل نے انسانی اسمگلنگ کے خلاف مؤثر کارروائی کرتے ہوئے ملزم محمد آصف کو گرفتار کر لیا۔ ملزم نے شہری اور...
27/07/2026

ایف آئی اے گجرات سرکل نے انسانی اسمگلنگ کے خلاف مؤثر کارروائی کرتے ہوئے ملزم محمد آصف کو گرفتار کر لیا۔
ملزم نے شہری اور اس کے بھائی کو یونان بھجوانے کا جھانسہ دے کر دو کروڑ 30 لاکھ روپے وصول کیے، تاہم نہ انہیں بیرونِ ملک بھجوایا اور نہ ہی وصول شدہ رقم واپس کی۔
ملزم کے خلاف امیگریشن آرڈیننس 1979 کے تحت مقدمہ درج ہے جبکہ مزید تفتیش جاری ہے۔

ایف آئی اے گوجرانوالہ زون کا پاسپورٹ دفاتر کے باہر سرگرم ایجنٹ مافیا کے خلاف کریک ڈاؤن، 15 ملزمان گرفتارگوجرانوالہ: ڈائر...
23/07/2026

ایف آئی اے گوجرانوالہ زون کا پاسپورٹ دفاتر کے باہر سرگرم ایجنٹ مافیا کے خلاف کریک ڈاؤن، 15 ملزمان گرفتار

گوجرانوالہ: ڈائریکٹر جنرل ایف آئی اے ڈاکٹر عثمان انور اور ڈائریکٹر ایف آئی اے گوجرانوالہ زون کی خصوصی ہدایات پر ایف آئی اے گوجرانوالہ زون نے پاسپورٹ دفاتر کے باہر سرگرم ایجنٹ مافیا کے خلاف کریک ڈاؤن کرتے ہوئے 15 ملزمان کو گرفتار کر لیا۔

گرفتار ملزمان شہریوں سے پاسپورٹ جلد بنوانے کا جھانسہ دے کر غیر قانونی طور پر رقوم وصول کرتے تھے۔ ابتدائی تحقیقات کے مطابق ملزمان کی سرگرمیوں میں پاسپورٹ دفاتر کے بعض اہلکاروں کی مبینہ ملی بھگت کے شواہد بھی سامنے آئے ہیں، جن کی مزید تحقیقات جاری ہیں۔

کریک ڈاؤن کے دوران ایف آئی اے گوجرانوالہ سرکل نے 7، ایف آئی اے گجرات سرکل نے 3 جبکہ ایف آئی اے سیالکوٹ سرکل نے 5 ملزمان کو گرفتار کیا۔

ایف آئی اے گوجرانوالہ سرکل کی کارروائی میں گرفتار ملزمان میں حافظ ایوب، محمد افضل، محمد طارق، علی حسن، محمد اسد، جمشید علی اور سجاد علی شامل ہیں۔ ملزمان کے خلاف ایف آئی آر نمبر 578/2026 مورخہ 22 جولائی 2026 بجرم پاسپورٹ ایکٹ 1974 کی دفعہ 6 اور تعزیراتِ پاکستان کی دفعات 419، 420 اور 34 کے تحت مقدمہ درج کر لیا گیا ہے۔

ایف آئی اے گجرات سرکل نے پاسپورٹ آفس منڈی بہاؤالدین کے باہر کارروائی کرتے ہوئے زاہد اقبال، زبیر اسلم اور شہروز علی کو گرفتار کیا۔ ملزمان کے خلاف ایف آئی آر نمبر 03/2026 (ACC) مورخہ 22 جولائی 2026 بجرم تعزیراتِ پاکستان کی دفعات 419 اور 420 کے تحت مقدمہ درج کر لیا گیا ہے۔

ایف آئی اے سیالکوٹ سرکل کی جانب سے گرفتار کیے گئے 5 ملزمان کے خلاف بھی متعلقہ قانونی دفعات کے تحت مقدمات درج کر کے مزید تفتیش کا آغاز کر دیا گیا ہے۔

ایف آئی اے شہریوں سے اپیل کرتی ہے کہ پاسپورٹ یا دیگر سرکاری امور کی انجام دہی کے لیے کسی بھی غیر قانونی ایجنٹ سے رابطہ نہ کریں بلکہ متعلقہ سرکاری دفاتر سے براہِ راست رجوع کریں۔ ایسے عناصر کی اطلاع فوری طور پر ایف آئی اے کو دیں تاکہ ان کے خلاف قانونی کارروائی عمل میں لائی جا سکے۔

— محفوظ ہجرت، محفوظ مستقبل —
ترجمان، ایف آئی اے گوجرانوالہ زون

Address

AA-75 Commercial, Phase-I, Citi Housing Society
Gujranwala
52280

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Website

Alerts

Be the first to know and let us send you an email when FIA Gujranwala Zone posts news and promotions. Your email address will not be used for any other purpose, and you can unsubscribe at any time.

Shortcuts

Share

Category