Safe City Gujranwala

05/06/2026

سیف سٹی گوجرانوالہ اور پولیس کی مؤثر ٹیم ورک کی بدولت اسنیچنگ میں ملوث ملزمان 24 گھنٹوں کے اندر گرفتار کر لیے گئے
کسی بھی ایمرجنسی یا مشکوک صورتحال کی صورت میں فوراً 15 پر کال کریں۔ ہم آپ کے ساتھ ہیں۔ا۔

05/06/2026

عالمی یوم ماحولیات کے موقع پر پنجاب سیف سٹیز اتھارٹی جدید ٹیکنالوجی کے ذریعے صاف ستھرے اور محفوظ ماحول کے فروغ کے لیے اپنا کردار ادا کر رہی ہے۔

ایئر کوالٹی مانیٹرنگ، ڈرون سرویلنس اور اسمارٹ انفورسمنٹ کے ذریعے ماحولیاتی آلودگی کی نشاندہی اور اس کے خلاف مؤثر اقدامات کیے جا رہے ہیں۔

آئیں مل کر ایک سرسبز، صاف اور محفوظ پنجاب کی تعمیر میں اپنا کردار ادا کریں۔

05/06/2026

مینجنگ ڈائریکٹر پنجاب سیف سٹیز اتھارٹی کی ہدایات اور معزز آر پی او کی اجازت پر سیف سٹی گوجرانوالہ کی ٹیم نے پولیس لائنز میں ضلعی پولیس افسران (زیرِ تربیت) کے لیے ایک آگاہی سیشن کا انعقاد کیا۔
اس سیشن کا مقصد افسران کو سیف سٹی گوجرانوالہ کے جدید نظام، آپریشنل ورکنگ، اور ایمرجنسی رسپانس میکنزم سے آگاہ کرنا تھا، سیشن کے دوران 15 ہیلپ لائن، کانفرنس کال سسٹم، ٹیب ایکٹیویشن، ایف آئی آر و پری ای ڈی اے سی ٹریسنگ، ویمن پولیس اسٹیشن، چائلڈ سیفٹی سینٹر اور ورچوئل بلڈ بینک سمیت مختلف ڈیجیٹل سہولیات پر تفصیلی روشنی ڈالی گئی۔
مزید برآں، افسران کو جدید ٹیکنالوجی، ڈیجیٹل پولیسنگ، (AI) پر مبنی نظام، ایڈوانس سرویلنس انفراسٹرکچر اور مربوط مانیٹرنگ پلیٹ فارمز کے کردار سے بھی آگاہ کیا گیا، جو ہنگامی صورتحال میں فوری ردِعمل، بروقت معلومات کی فراہمی اور شہریوں کے تحفظ کو یقینی بنانے میں اہم کردار ادا کر رہے ہیں۔
سیشن میں اس بات پر زور دیا گیا کہ ان جدید ڈیجیٹل سہولیات کے مؤثر استعمال سے نہ صرف پولیسنگ کے معیار میں بہتری آئے گی بلکہ عوامی تحفظ اور سہولت کاری کے نظام کو بھی مزید مؤثر بنایا جا سکے گا۔

05/06/2026

https://www.facebook.com/share/p/1JVfpKi8mD/

#میراپیارا سوشل میڈیا کمپین کے ذریعے 14 سال بعد بچھڑا ہوا بیٹا عبدالصمد اپنے والد سے مل گیا
بعض اوقات ایک تصویر، ایک ویڈیو یا سوشل میڈیا پر کی جانے والی ایک شیئر برسوں سے بچھڑے ہوئے انسان کو اس کے اپنوں تک پہنچا دیتی ہے۔ "میرا پیارا" سوشل میڈیا کمپین بھی ایسے ہی ہزاروں خاندانوں کے لیے امید کی ایک کرن بن چکی ہے۔
حال ہی میں اس کمپین کے ذریعے 14 برس قبل اپنے خاندان سے بچھڑ جانے والے عبدالصمد کو اس کے والد اور اہلِ خانہ سے ملانے میں کامیابی حاصل ہوئی۔
ضلع قصور کے علاقے چونیاں سے تعلق رکھنے والے بشارت احمد گزشتہ 14 سال سے اپنے گمشدہ بیٹے کی تلاش میں تھے۔ وقت گزرتا رہا، حالات بدلتے رہے، مگر ایک باپ کے دل میں اپنے بیٹے سے ملنے کی امید کبھی ماند نہ پڑی۔
عبدالصمد کی معلومات اور ویڈیو جب میرا پیارا سوشل میڈیا کمپین کے ذریعے عوام تک پہنچائی گئی تو یہ پیغام سعودی عرب میں مقیم اس کے والد بشارت احمد تک بھی جا پہنچا۔ ویڈیو دیکھتے ہی انہوں نے میرا پیارا ٹیم سے رابطہ کیا اور بتایا کہ ویڈیو میں موجود نوجوان ان کا وہی بیٹا ہے جو 14 برس قبل ان سے بچھڑ گیا تھا۔
بعد ازاں تمام ضروری تصدیقی مراحل مکمل کیے گئے۔ خاندان کی شناخت کی توثیق ہونے پر یہ خوشخبری سامنے آئی کہ عبدالصمد واقعی اپنے خاندان کا وہی بچھڑا ہوا فرد ہے جس کی تلاش برسوں سے جاری تھی۔
یوں 14 سالہ جدائی اپنے اختتام کو پہنچی اور ایک باپ کو اپنے بیٹے سے دوبارہ ملنے کی خوشی نصیب ہوئی۔
میرا پیارا سوشل میڈیا کمپین آج بھی ان گنت خاندانوں کے لیے امید کی ایک کرن ثابت ہو رہی ہے، جو برسوں سے اپنے پیاروں کی واپسی کے منتظر ہیں۔

Case ID: 223597186

05/06/2026

یہ بچی جو اپنا نام سدرہ دختر عبداللہ بتاتی ہے۔اس کی عمر تقریباً 10 سال ہے۔کلاسکے وزیرآباد سے لاوارث ملی ہے۔اس وقت گوجرانوالہ میں موجود ہے۔ اگر کسی کو اس کے ورثاء بارے علم ہو تو 15 یا 03090000015 پر رابطہ کریں۔
Case ID: 321246061
Help to reunite with her family

05/06/2026

یہ بچہ جو اپنا نام علی بتاتا ہے۔اس کی عمر تقریباً 04 سال ہے۔اپنے گھر کا پتہ نہیں بتا سکتا۔ تھانہ سول لائن گوجرانوالہ کی حدود سے سے لاوارث ملاہے۔اس وقت تھانہ سول لائن میں موجود ہے۔ اگر کسی کو اس کے ورثاء بارے علم ہو تو 15 یا 03090000015 پر رابطہ کریں۔
Case ID: 321638441
Help in reunite with his family

04/06/2026

پنجاب بھر میں اسمارٹ سیف سٹیز اے آئی بیسڈ ٹیکنالوجی، پریڈکٹیو پولیسنگ اور جدید سرویلنس سسٹمز کے ذریعے جرائم کے خاتمے میں مؤثر کردار ادا کر رہے ہیں۔
سیف سٹی اور پنجاب پولیس کے اشتراک سے جرائم کی شرح میں نمایاں کمی ریکارڈ کی گئی ہے۔

عوام سے گزارش ہے کہ کسی بھی مشکوک سرگرمی یا جرم کی اطلاع فوری طور پر 15 یا پبلک سیفٹی ایپ کے ذریعے دیں

04/06/2026

آپ جہاں کہیں بھی ہوں، گھبرائیں نہیں، ہم آپ کے ساتھ ہیں۔