PML-Q Gujrat

18/08/2026

وفاقی وزیر چوہدری سالک حسین سے سیسارک کی ڈائریکٹر جنرل اور ترکیہ کی سابق وزیر برائے محنت و سماجی خدمات زہرہ زمرد سلجوق اور پاکستان میں ترکیہ کے سفیر ڈاکٹر عرفان نذیر اوغلو نے ملاقات کی۔

ملاقات میں او آئی سی کے پلیٹ فارم سے قانونی ہجرت، لیبر موبیلٹی اور ہنرمند افرادی قوت کے لیے روزگار کے مواقع بڑھانے پر تبادلۂ خیال کیا گیا۔ چوہدری سالک حسین نے کہا کہ مسلم ممالک کے مشترکہ پلیٹ فارم کو قانونی ہجرت کے فروغ اور ہنرمند افرادی قوت کے لیے بہتر مواقع پیدا کرنے میں فعال کردار ادا کرنا چاہیے، جس سے پاکستانی ہنرمندوں کے لیے ترکیہ کے صنعتی، تعمیراتی اور صحت کے شعبوں میں باعزت روزگار کے نئے راستے کھل سکتے ہیں۔

سیسارک کی ڈائریکٹر جنرل زہرہ زمرد سلجوق نے محفوظ اور قانونی لیبر موبیلٹی کے فروغ کے لیے مکمل تعاون کی یقین دہانی کرائی، جبکہ ترک سفیر ڈاکٹر عرفان نذیر اوغلو نے بتایا کہ رواں سال مختلف شعبوں میں 8 ہزار پاکستانی روزگار کے لیے ترکیہ گئے ہیں۔ انہوں نے مزید بتایا کہ ترکیہ کے ڈپٹی وزیرِ محنت جلد پاکستان کا دورہ کریں گے۔

18/08/2026

وفاقی وزیر چوہدری سالک حسین سے جرمن سفارت خانے کے ناظم الامور آرنو کرچوف نے ملاقات کی۔ ملاقات میں دونوں ممالک کے درمیان دوطرفہ تعاون، لیبر موبلٹی اور ہنر مند افرادی قوت کی جرمنی منتقلی کے باضابطہ و قانونی طریقہ کار پر تبادلہ خیال کیا گیا۔
وفاقی وزیر نے جرمن مارکیٹ میں ہنر مندوں کی رسائی پر زور دیتے ہوئے کہا کہ جنوبی کوریا اور اٹلی جیسے کامیاب ماڈلز کی طرز پر، جرمنی کی ضرورت کے مطابق معیاری اور ہنر مند افرادی قوت فراہم کرنے کے لیے تمام تر سہولیات دینے کو تیار ہیں۔
ناظم الامور آرنو کرچوف نے ہنر مندوں کے لیے دلچسپی کا اظہار کرتے ہوئے کہا کہ جرمنی بزنس ٹو بزنس (B2B) ماڈل پر کام کرنے کے لیے تیار ہے، جہاں ٹیکنیکل اور سیمی ٹیکنیکل شعبوں میں روزگار کے بے شمار مواقع موجود ہیں۔ انہوں نے یقین دہانی کرائی کہ وہ جرمن مارکیٹ میں افرادی قوت کی بہتر رسائی کے لیے وزارت اوورسیز پاکستانیز و انسانی وسائل کی ترقی اور متعلقہ چیمبرز کے درمیان مکمل رابطہ کاری اور تعاون کو یقینی بنائیں گے۔

08/08/2026

وفاقی وزیر چوہدری سالک حسین نے پاکستان، سعودی عرب اور ترکیہ کے درمیان دفاعی تعاون کے معاہدے کو خطے میں امن، استحکام اور اجتماعی سلامتی کے لیے اہم پیش رفت قرار دیا۔

انہوں نے کہا کہ یہ معاہدہ دفاعی نوعیت کا ہے جس کا مقصد کسی ملک کے خلاف جارحیت نہیں بلکہ تینوں ممالک کی اجتماعی سلامتی اور مؤثر دفاع کو مضبوط بنانا ہے۔ پاکستان کی عسکری صلاحیت، سعودی عرب کی علاقائی اہمیت اور ترکیہ کی دفاعی ٹیکنالوجی تینوں ممالک کو ایک مضبوط شراکت دار بناتی ہیں۔

چوہدری سالک حسین نے فیلڈ مارشل سید عاصم منیر اور وزیراعظم پاکستان محمد شہباز شریف کے کردار کو سراہتے ہوئے کہا کہ ان کی مخلصانہ قیادت، واضح حکمتِ عملی اور ذمہ دارانہ فیصلوں نے پاکستان کو خطے میں امن، استحکام اور سفارتی تعاون کے لیے ایک مؤثر کردار ادا کرنے کے قابل بنایا ہے۔

انہوں نے کہا کہ پاکستان، سعودی عرب اور ترکیہ کا یہ تعاون خطے میں امن، باہمی اعتماد اور مشترکہ خوشحالی کے لیے ایک مضبوط بنیاد ثابت ہوگا۔

07/08/2026

21/06/2026

وفاقی وزیر چوہدری سالک حسین نے قومی اسمبلی میں بجٹ سیشنز کے دوران مختلف سیاسی و پارلیمانی شخصیات سے ملاقاتیں کیں۔

19/06/2026

پاکستان مسلم لیگ کے سینئر نائب صدر و وفاقی وزیر چوہدری سالک حسین اور صوبائی وزیر چوہدری شافع حسین سے سابق سینیٹر نیلوفر بختیار نے اسلام آباد میں ملاقات کی اور پاکستان مسلم لیگ میں باقاعدہ شمولیت اختیار کرتے ہوئے پارٹی قیادت اور وژن پر مکمل اعتماد کا اظہار کیا۔

ملاقات کے دوران ملکی سیاسی صورتحال اور عوامی مسائل پر تفصیلی گفتگو کی گئی۔ وفاقی وزیر چوہدری سالک حسین اور چوہدری شافع حسین نے نیلوفر بختیار کو پارٹی میں خوش آمدید کہتے ہوئے ان کی شمولیت کو پاکستان مسلم لیگ کے لیے ایک مثبت اور اہم اضافہ قرار دیا۔

وفاقی وزیر چوہدری سالک حسین نے کہا کہ پاکستان مسلم لیگ عوامی خدمت، سیاسی استحکام اور ملکی خودمختاری کے ایجنڈے پر عمل پیرا ہے، جبکہ مختلف شعبوں سے تجربہ کار شخصیات کی شمولیت پارٹی کو مزید مضبوط بنا رہی ہے۔

17/06/2026

وفاقی وزیر چوہدری سالک حسین سے اسلام آباد میں امریکہ کی ناظم الامور نیٹلی بیکر نے ملاقات کی، جس میں پاک امریکہ تعلقات، ہنر مند افرادی قوت، روزگار کے مواقع اور باہمی تعاون کے فروغ پر تبادلۂ خیال ۔

ملاقات میں امریکی ناظم الامور نیٹلی بیکر نے عالمی امن کے لیے وزیراعظم شہباز شریف اور فیلڈ مارشل سید عاصم منیر کی کوششوں کو سراہا۔ چوہدری سالک حسین نے کہا کہ پاکستان اور امریکہ کے درمیان دیرینہ تعلقات قائم ہیں جنہیں تجارت، تعلیم، مہارتوں کی ترقی اور افرادی قوت کے شعبوں میں مزید مضبوط بنایا جا سکتا ہے۔ اوورسیز پاکستانی ملک کی معیشت میں اہم کردار ادا کر رہے ہیں، پاکستان تعمیرات، آئی ٹی، ہیلتھ کیئر، سیاحت اور دیگر شعبوں میں ہنر مند افرادی قوت دنیا بھر کو فراہم کر رہا ہے، جبکہ غیر قانونی امیگریشن کی روک تھام کے لیے بھی مؤثر اقدامات کیے جا رہے ہیں۔

امریکی ناظم الامور نیٹلی بیکر نے پاکستانی افرادی قوت کی پیشہ ورانہ مہارتوں کو سراہتے ہوئے کہا کہ امریکہ مختلف شعبوں میں پاکستان کے ساتھ تعاون بڑھانے کا خواہاں ہے۔ ملاقات میں تربیتی پروگرامز، مہارتوں کی ترقی اور افرادی تبادلوں کے فروغ پر بھی اتفاق کیا گیا۔

10/06/2026

وفاقی وزیر چوہدری سالک حسین نے مظفرآباد کے قریب پاک فوج کے ایم آئی-17 ہیلی کاپٹر حادثے پر دکھ اور افسوس کا اظہار کیا ۔ حادثے میں شہید ہونے والے پاک فوج کے جوانوں اور افسران کو خراجِ عقیدت پیش کرتے ہوئے کہا کہ وطن کے بہادر سپوتوں کی قربانیاں قوم ہمیشہ یاد رکھے گی۔ پوری قوم اس دکھ کی گھڑی میں پاک افواج اور شہداء کے خاندانوں کے ساتھ کھڑی ہے۔

05/06/2026

وفاقی وزیر چوہدری سالک حسین نے جنیوا میں انٹرنیشنل لیبر کانفرنس کے 114ویں اجلاس میں شرکت کی، جہاں انہوں نے پاکستان کے سہ فریقی وفد کی قیادت کی۔

چوہدری سالک حسین نے اپنے خطاب میں کہا کہ پاکستان مزدوروں کے حقوق کے تحفظ، سماجی انصاف اور بہتر روزگار کے مواقع فراہم کرنے کے لیے عملی اقدامات کر رہا ہے۔ حکومت مستقبل کے تقاضوں کے مطابق افرادی قوت کی تیاری، جدید ٹیکنالوجی کے فروغ اور محنت کش طبقے کے تحفظ کے لیے پُرعزم ہے۔

انہوں نے نیشنل اے آئی پالیسی 2025، پلیٹ فارم ورکرز کے حقوق کے تحفظ، ہنر مند افرادی قوت کی تیاری اور سماجی تحفظ کے نظام کو مزید مضبوط بنانے کے اقدامات کو اجاگر کیا۔ انہوں نے کہا کہ پاکستان عالمی ادارہ محنت (ILO) کے ساتھ مل کر بین الاقوامی لیبر قوانین پر مؤثر عملدرآمد، سماجی مکالمے اور مزدوروں کے حقوق کے فروغ کے لیے کام جاری رکھے ہوئے ہے۔

وفاقی وزیر نے مقبوضہ فلسطین کی صورتحال پر بھی گہری تشویش کا اظہار کرتے ہوئے عالمی برادری پر زور دیا کہ متاثرہ عوام کی بحالی، روزگار اور انسانی وقار کے تحفظ کے لیے مؤثر اقدامات کیے جائیں۔