Hope Pakistan

Hope Pakistan Hope for Humanity without discrimination.

*☜اعلان فوتگی**۞كُلُّ نَفْسٍ ذَآئِقَةُ الْمَوْتِ۞*"ہر جاندار چیز نے موت کا ذائقہ چکھنا ہے"؎*۞ اِنّا لِلّهِ وَاِنّا اِلَي...
10/04/2026

*☜اعلان فوتگی*
*۞كُلُّ نَفْسٍ ذَآئِقَةُ الْمَوْتِ۞*
"ہر جاندار چیز نے موت کا ذائقہ چکھنا ہے"؎
*۞ اِنّا لِلّهِ وَاِنّا اِلَيْهِ رَاجِعُوْن ۞*
*ملک خلیل اسلم ، ملک جیمل اسلم کے والد محترم بابا جی ملک محمد اسلم قضائے الہی سے وفات پا گئے ہیں*
اللہ پاک مرحوم کی کامل مغفرت فرمائے اور لواحقین کو صبر جمیل عطا فرمائے ۔ آمین ،
آمین ثم آمین یا رب العالمین

نوٹ ،
*نماز جنازہ مسجد حضرت قاضی صاحب کے پاس بعد از نماز جمعہ pm 2:30 بجے ادا کیا جائے گا ۔*

گورنمنٹ بوائز ہائی سکول اعوان شریف میں سالانہ نتائج کی پروقار تقریب کا انعقاد کیا گیا، جس میں طلبہ کی حوصلہ افزائی کے لی...
31/03/2026

گورنمنٹ بوائز ہائی سکول اعوان شریف میں سالانہ نتائج کی پروقار تقریب کا انعقاد کیا گیا، جس میں طلبہ کی حوصلہ افزائی کے لیے "ھوپ پاکستان" کے نمائندگان نے خصوصی شرکت کی۔ تقریب کے دوران پوزیشن ہولڈر اور ہونہار بچوں میں قیمتی انعامات اور کیش پرائز تقسیم کیے گئے۔

​ھوپ پاکستان کا ماننا ہے کہ معمارِ قوم (اساتذہ) کی قدر افزائی ہی اصل سرمایہ کاری ہے، اسی نظریے کے تحت بہترین کارکردگی دکھانے والے اساتذہ کرام کو بھی کیش پرائز سے نوازا گیا۔
ھوپ پاکستان ملک بھر میں تعلیم کے حصول اور فروغ کے لیے اپنا ہر ممکن تعاون جاری رکھنے کے لیے پرعزم ہے۔

تمام اہلیان پاکستان کو عید مبارک 💐💐💐 ھوپ پاکستان کی جانب سے عید گفٹس تقسیم کیے گئے۔ دعا ہے کہ اللہ تعالیٰ اسے اپنی بارگا...
21/03/2026

تمام اہلیان پاکستان کو عید مبارک 💐💐💐

ھوپ پاکستان کی جانب سے عید گفٹس تقسیم کیے گئے۔ دعا ہے کہ اللہ تعالیٰ اسے اپنی بارگاہ میں قبول فرمائے-
اس کی توفیق عطا کرنے پر ہم اللہ رب عزوجل کا دل سے شکر ادا کرتے ہیں۔

بغیر کھلے عام چندہ یا خیرات مانگے، یہ سلسلہ حسب استطاعت جاری ہے ۔

"جس نے کسی روزے دار کا روزہ افطار کروایا، اسے بھی اتنا ہی اجر ملے گا جتنا روزے دار کے لیے ہوگا..." (الحدیث)​الحمدللہ ھوپ...
17/03/2026

"جس نے کسی روزے دار کا روزہ افطار کروایا، اسے بھی اتنا ہی اجر ملے گا جتنا روزے دار کے لیے ہوگا..." (الحدیث)

​الحمدللہ
ھوپ پاکستان کے زیرِ اہتمام رمضان المبارک کی برکات سمیٹنے کے لیے "افطار دسترخوان" کا پروقار اہتمام کیا گیا۔

جس میں کثیر تعداد میں اعوان شریف کے بزرگوں اور بھائیوں نے شرکت فرمائی اجتماعی دعا ہوئی اور ایک ساتھ افطار کی سعادت حاصل کی ۔

​اللہ تعالیٰ ہماری اس ادنیٰ سی کوشش کو اپنی بارگاہ میں قبول و منظور فرمائے اور ہمیں انسانیت کی خدمت کے جذبے پر استقامت عطا فرمائے۔ آمین۔

الحمد للہ ربّ العالمینھـوپ پاکستان کی جانب سے اعوان شریف کے بعد بھلوٹ ٹیکسلا، مل اور ملکی گاؤں میں بھی رمضان المبارک کے...
22/02/2026

الحمد للہ ربّ العالمین

ھـوپ پاکستان کی جانب سے اعوان شریف کے بعد بھلوٹ ٹیکسلا، مل اور ملکی گاؤں میں بھی رمضان المبارک کے لیے راشن پیکجز باوقار انداز میں تقسیم کا اہتمام کیا گیا

۔ روانگی/ وصولی کے لمحات کی تصاویر اس خدمت کے عملی اور منظم پہلو کی عکاسی کرتی ہیں، جہاں ہر قدم ذمہ داری، امانت اور خلوصِ نیت کے ساتھ اٹھایا گیا۔

یہ بات قابلِ ذکر ہے کہ یہ تمام کاوش کسی کھلے عام چندہ مہم، ذاتی یا سیاسی مفادات کے بغیر انجام دی گئی۔ نہ اسے ذریعہ آمدن بنایا گیا۔ مقصد صرف اور صرف خدمتِ خلق اور مستحق خاندانوں کی باعزت معاونت تھا۔

اسی اخلاص اور وقار کی بدولت احباب نے اس تحفے کو اعتماد اور عزت کے ساتھ قبول کیا، کیونکہ حقیقی خدمت اپنی سادگی اور نیت کی پاکیزگی میں پہچانی جاتی ہے۔

اللہ تعالیٰ اس کاوش کو شرفِ قبولیت عطا فرمائے اور ہمیں اسی جذبے کے ساتھ خدمت جاری رکھنے کی توفیق دے۔ آمین۔

الحمد للہ ربّ العالمینھـوپ پاکستان کی جانب سے اعوان شریف کے بعد سگھر اور جلالپور جٹاں میں بھی مستحق خاندانوں تک رمضان پی...
20/02/2026

الحمد للہ ربّ العالمین

ھـوپ پاکستان کی جانب سے اعوان شریف کے بعد سگھر اور جلالپور جٹاں میں بھی مستحق خاندانوں تک رمضان پیکج باوقار انداز میں پہنچایا گیا۔
روانگی اور وصولی کے لمحات کی تصاویر اس خدمت کے عملی پہلو کی عکاسی کرتی ہیں، جہاں ہر قدم ذمہ داری، امانت اور خلوص کے ساتھ اٹھایا گیا۔

یہ امر خاص طور پر قابلِ ذکر ہے کہ یہ تقسیم کسی کھلے عام چندہ مہم ، ذاتی سیاسی مفادات اور مقاصد کے بغیر انجام دی گئی۔ نہ اسے ذریعہ آمدن بنایا گیا جن سے ذاتی کاروبار بنائے جائیں اور نہ کسی قسم کی سیاسی وابستگی یا مفاد کو اس سے جوڑا گیا۔

شاید یہی وجہ ہے کہ احباب نے اس تحفے کو اعتماد اور عزت کے ساتھ قبول کیا، کیونکہ خدمت کا اصل حسن اخلاص اور وقار میں ہوتا ہے۔

اللہ تعالیٰ اس کاوش کو شرفِ قبولیت عطا فرمائے اور ہمیں اسی جذبے کے ساتھ خدمتِ خلق کی توفیق دے۔ آمین۔

الحمد للہ ربّ العالمینھوپ پاکستان کی جانب سے اعوان شریف میں ماہِ رمضان المبارک کی بابرکت ساعتوں کے دوران اپنے معزز بہن ...
20/02/2026

الحمد للہ ربّ العالمین

ھوپ پاکستان کی جانب سے اعوان شریف میں ماہِ رمضان المبارک کی بابرکت ساعتوں کے دوران اپنے معزز بہن بھائیوں کے لیے سحری و افطاری کے انتظام کے طور پر تقریبا سو گھروں میں راشن تقسیم کیا گیا۔ یہ خدمت نہایت وقار، دیانت اور خلوصِ نیت کے ساتھ سرانجام دی گئی تاکہ مستحق خاندان رمضان کی رحمتوں اور برکتوں سے بھرپور انداز میں مستفید ہو سکیں۔

الحمد للہ یہ راشن بغیر کسی کھلے عام چندہ کی تشہیری مہم یا اپیل، عوامی زکوٰۃ مہم یا فنڈ ریزنگ کے تقسیم کیا گیا۔ ہمارا یقین ہے کہ اصل خدمت وہی ہے جو خاموشی، امانت اور ذمہ داری کے ساتھ ادا کی جائے۔

ھوپ پاکستان کا مقصد خالصتاً خدمتِ خلق ہے۔ ہمارا کسی سیاسی سرگرمی یا ذاتی مفاد سے کوئی تعلق نہیں۔ ہم نہ تو شہرت کے خواہاں ہیں اور نہ ہی کسی قسم کے اثر و رسوخ کے اظہار کے لیے یہ کام کرتے ہیں۔ ہماری ترجیح صرف یہ ہے کہ ضرورت مند افراد تک باعزت انداز میں مدد پہنچائی جائے۔

اللہ تعالیٰ ہماری اس کاوش کو اپنی بارگاہ میں شرفِ قبولیت عطا فرمائے، ہمیں اخلاص کے ساتھ خدمتِ انسانیت کی توفیق دے اور ہمارے معاشرے میں ہمدردی، ایثار اور بھائی چارے کو مزید فروغ دے۔ آمین





🤏ملک صاحب اور دہری نیکی گاؤں کے ایک کونے میں ایک عالی شان گھر تھا۔ بڑے دروازے کے باہر جدید ٹریکٹر کھڑا ہوتا اور پورچ میں...
18/02/2026

🤏ملک صاحب اور دہری نیکی

گاؤں کے ایک کونے میں ایک عالی شان گھر تھا۔ بڑے دروازے کے باہر جدید ٹریکٹر کھڑا ہوتا اور پورچ میں چمکتی گاڑی سورج کی روشنی میں آنکھوں کو چندھیا دیتی۔ لوگ کہتے تھے:
“یہ ملک صاحب کا گھر ہے… اللہ نے انہیں بہت نوازا ہے۔”
ان کے بیٹے انگلینڈ، امریکہ اور یورپ کے بڑے شہروں میں سیٹ تھے، اور بھانجے بھتیجے خلیجی ممالک میں اچھی نوکریاں کر رہے تھے۔… کسی چیز کی کمی نہ تھی۔
مگر ایک دن ملک صاحب گاؤں کے ایک بڑے تاجر کی دوکان پر پہنچ گئے۔
سلام دعا کے بعد انہوں نے بڑے فخر سے اپنی خاندانی کامیابیوں کا ذکر کیا۔
تاجر مسکرایا اور بولا:
“ماشاءاللہ ملک صاحب، اللہ نے آپ کو بہت نوازا ہے۔ آج ادھر کیسے آنا ہوا؟”
ملک صاحب نے سنجیدگی سے کہا:
“اصل میں… میں زکوٰۃ اور صدقات جمع کر رہا ہوں تاکہ غریبوں کی مدد ہو سکے۔ لوگ مجھ پر اعتماد کرتے ہیں، اس لیے میں خود مانگنے آتا ہوں۔”
تاجر نے حیرت سے پوچھا:
“لیکن ملک حاجی صاحب… آپ خود اتنے صاحبِ ثروت ہیں، آپ کا خاندان باہر ڈالروں اور ریالوں میں کماتا ہے۔ پھر آپ اپنے مال سے کیوں نہیں دیتے؟”
ملک حاجی صاحب نے نظریں چرا کر کہا:
“وہ جی… اپنی زکوٰۃ تو میں نے کہیں اور دینی ہوتی ہے، اس لیے دوسروں سے مانگنا پڑتا ہے۔”

تاجر نے قلم میز پر رکھا اور آہستہ سے بولا:
“ملک حاجی صاحب، برا نہ مانیں…
یہ نیکی نہیں، دہرا معیار ہے۔”
ملک صاحب کا چہرہ سرخ ہو گیا۔
تاجر نے بات جاری رکھی:
🤏🤏آپ اپنی زکوٰۃ وہاں دیتے ہیں جہاں نام ہو، اور یہاں دوسروں کے مال سے سخی بنتے ہیں۔
دین تو یہ کہتا ہے پہلے اپنے مال سے حق نکالو، پھر اپنے قریبی لوگوں کو بھی آمادہ کرو۔”
ملک صاحب خاموش نہ رہ سکے۔
! آپ ہمیں نصیحت نہ کریں۔ ہم جانتے ہیں کہاں دینا ہے!”
یہ کہہ کر وہ غصے میں اٹھے اور دروازہ زور سے بند کر کے چلے گئے۔

گھر واپس آ کر ملک صاحب نے بات سمجھنے کے بجائے دل میں کینہ پال لیا۔
چند دن بعد وہ محفلوں میں بیٹھ کر تاجر کے خلاف پرپیگنڈا شروع کر دیا

آہستہ آہستہ انہوں نے لوگوں میں اس تاجر کے خلاف باتیں پھیلانا شروع کر دیں۔
کچھ لوگ سچ جانے بغیر یقین بھی کر لیتے۔
مگر حقیقت یہ تھی کہ
نصیحت دل پر نہ لینے والا انسان… دوسروں کو برا کہہ کر خود کو اچھا ثابت کرنے کی کوشش کرتا ہے۔
یقینا یہ ملک صاحب کی گھٹیا ترین حرکت تھی

اعوان شریف کے ایک سفید پوش کا بیان؛رمضان صرف عبادت اور صبر کا مہینہ نہیں، یہ خودداری کا بھی امتحان ہوتا ہے۔ ہم جیسے سفید...
17/02/2026

اعوان شریف کے ایک سفید پوش کا بیان؛

رمضان صرف عبادت اور صبر کا مہینہ نہیں، یہ خودداری کا بھی امتحان ہوتا ہے۔ ہم جیسے سفید پوش لوگوں کے لیے سب سے تکلیف دہ چیز ضرورت نہیں بلکہ وہ لمحہ ہوتا ہے جب مدد لینے کے نام پر عزتِ نفس مجروح ہو جائے۔

اسی لیے ہم ھوپ پاکستان کا رمضان پیکج قبول کرتے ہیں۔ یہاں امداد خاموشی سے آتی ہے، احترام کے ساتھ آتی ہے۔

ہمیں یوں محسوس ہوتا ہے جیسے ایک دوست دوسرے دوست کا سہارا بن رہا ہو، نہ کہ کوئی ہم پر احسان جتا رہا ہو۔

🙏ہم نے ایسے مناظر بھی دیکھے ہیں جہاں زکوٰۃ اور صدقات کھلے عام جمع کیے جاتے ہیں اور اسی انداز میں تقسیم بھی ہوتے ہیں۔ ایسے وقت میں صرف ہم نہیں، ہمارے بچے بھی شرمندگی محسوس کرتے ہیں۔ ان کے دلوں میں احساسِ کمتری گھر کر جاتا ہے، اور یہ زخم راشن سے زیادہ گہرا ہوتا ہے۔

ہوپ پاکستان نے اس احساس کو سمجھا۔ انہوں نے خدمت کو ذریعہ آمدن نہیں بنایا، نہ اسے سیاست کا رنگ دیا۔ ان کے سرپرست بیرسٹر مزمل کے لیے یہ کام نہ ووٹ کا حصول ہے اور نہ سیاسی مقصد۔ یہ محض انسانیت کی خدمت ہے، خاموش اور باوقار خدمت۔

ہم شکر گزار ہیں کہ ہمارے بچوں کی عزت کا خیال رکھا جاتا ہے۔ انہیں یہ احساس نہیں ہونے دیا جاتا کہ وہ کسی پر بوجھ ہیں۔ بلکہ انہیں یہ یقین دیا جاتا ہے کہ معاشرہ ان کے ساتھ کھڑا ہے۔

شاید کچھ لوگ اس فرق کو محسوس نہ کریں، مگر جو خودداری کی قدر جانتے ہیں، وہ سمجھتے ہیں کہ اصل خدمت وہ ہے جو عزت بچائے، دل جوڑے اور معاشرے میں وقار کو زندہ رکھے.



ہمارا مقصد صرف خدمت خلق ، کھلے عام صدقات یا خیرات مانگ کر اس کو رمضان پیکج کے نام پر تقسیم کرنا نہیں ۔حسب استطا...
16/02/2026







ہمارا مقصد صرف خدمت خلق ،
کھلے عام صدقات یا خیرات مانگ کر اس کو رمضان پیکج کے نام پر تقسیم کرنا نہیں ۔
حسب استطاعت کام رب کے فضل و کرم سے ہی ممکن ہے اور کئی سالوں سے اس پر استقامت بھی رب ذوالجلال کی خاص توفیق ہے جس کا کما حقہ شکر بھی ممکن نہیں ۔ ۔ آمین

گورنمنٹ بوائز ہائی سکول ملکی میں ھوپ پاکستان کی ٹیم نے حسبِ روایت ہونہار طلبہ کی حوصلہ افزائی کے لیے انہیں یونیفارم اور ...
03/02/2026

گورنمنٹ بوائز ہائی سکول ملکی میں ھوپ پاکستان کی ٹیم نے حسبِ روایت ہونہار طلبہ کی حوصلہ افزائی کے لیے انہیں یونیفارم اور جوتے بطور تحفہ پیش کیے۔

یہ امر قابلِ ذکر ہے کہ ھوپ پاکستان اللہ تعالیٰ کی عطا کردہ استطاعت کے مطابق خدمتِ خلق میں مصروفِ عمل ہے۔ ھوپ پاکستان نہ تو کھلے عام فنڈ ریزنگ، چندہ خوری یا زکوٰۃ و صدقات جمع کرنے کی قائل ہے اور نہ ہی خدمتِ خلق کی آڑ میں کسی قسم کی سیاست کرتی ہے۔

ھوپ پاکستان خالصتاً خدمتِ انسانیت، دیانت داری اور شفافیت کا نام ہے۔

اللہ تبارک و تعالیٰ اس کاوش کو قبول و منظور فرمائے۔ آمین

Address

Gujrat

Telephone

+923145075435

Website

Alerts

Be the first to know and let us send you an email when Hope Pakistan posts news and promotions. Your email address will not be used for any other purpose, and you can unsubscribe at any time.

Shortcuts

Share