حق دو تحریک بلوچستان

حق دو تحریک بلوچستان بلوچستان کے عوام کے بنیادی حقوق کے حصول کے لئے سب سے بڑی عوامی، سیاسی و جمہوری مزاحمتی تحریک

*مولانا ہدایت الرحمان بلوچ نے مرحوم حفیظ کیازئی کی ہمشیرہ یاسمین کیازئی کو ڈپٹی کمشنر گوادر کی موجودگی میں ای بائیک کی چ...
12/08/2026

*مولانا ہدایت الرحمان بلوچ نے مرحوم حفیظ کیازئی کی ہمشیرہ یاسمین کیازئی کو ڈپٹی کمشنر گوادر کی موجودگی میں ای بائیک کی چابی حوالے کردی*

حق دو تحریک بلوچستان کے سابق مرکزی جنرل سیکرٹری مرحوم حفیظ کیازئی کی ہمشیرہ یاسمین کیازئی نے محکمہ ویمن ڈویلپمنٹ بلوچستان کے پروگرام "ویمن بازار" میں دکان کے حصول کے لیے درخواست دی تھی، جو منظور کرتے ہوئے انہیں دکان الاٹ کر دی گئی۔

بعد ازاں یاسمین کیازئی نے وزیراعلیٰ بلوچستان کے خواتین کے لیے بائیک اور کاروبار پروگرام میں بھی درخواست جمع کرائی، جس کے نتیجے میں گوادر کی دیگر خواتین کے ہمراہ انہیں بھی ای بائیک اور کاروباری چیک منظور ہوا۔

یاسمین کیازئی نے خواہش ظاہر کی کہ ان کے مرحوم بھائی حفیظ کیازئی کے قائد، مولانا ہدایت الرحمان بلوچ، انہیں ای بائیک کی چابی اپنے ہاتھوں سے حوالے کریں۔ ان کی درخواست پر ڈپٹی کمشنر گوادر نقیب اللہ کاکڑ نے مولانا ہدایت الرحمان بلوچ کو تقریب میں مدعو کیا۔

تقریب کے دوران ڈپٹی کمشنر گوادر نقیب اللہ کاکڑ کی موجودگی میں مولانا ہدایت الرحمان بلوچ نے یاسمین کیازئی کو ای بائیک کی چابی حوالے کی۔

اس موقع پر مولانا ہدایت الرحمان بلوچ نے یاسمین کیازئی کے لیے نیک خواہشات کا اظہار کرتے ہوئے کہا کہ خواتین کو بااختیار بنانے اور انہیں روزگار کے مواقع فراہم کرنے کے ایسے اقدامات قابلِ تحسین ہیں۔

11/08/2026

جشنِ آزادی کے موقع پر لاپتہ افراد کے خاندان کے پیاروں کو بازیاب کرکے انھیں بھی خوشیاں منانے کا موقع دیں، مولانا ہدایت الرحمان بلوچ

قائد حق دو تحریک بلوچستان و رکنِ صوبائی اسمبلی گوادر مولانا ہدایت الرحمان بلوچ نے جشنِ آزادی کے موقع پر اپنے ایک ویڈیو پیغام میں کہا ہے کہ آج گوادر، بلوچستان سمیت ملک بھر میں جشنِ آزادی منایا جا رہا ہے، لیکن اس خوشی کے موقع پر ایسے بھی کئی خاندان ہیں جو اپنے پیاروں کی جدائی کے باعث سوگوار اور غمزدہ ہیں۔

مولانا ہدایت الرحمان بلوچ نے کہا کہ ان خاندانوں کے بچے لاپتہ ہیں اور ان کے پیارے آج بھی اپنے بچوں کی واپسی کے منتظر ہیں۔ انہوں نے حکومتِ پاکستان، حکومتِ بلوچستان اور سیکیورٹی اداروں کے تمام سربراہان و افسران سے دلی اپیل کرتے ہوئے کہا کہ ان سوگوار خاندانوں کو بھی جشنِ آزادی کی خوشیاں منانے کا موقع دیا جائے، اور یہ موقع انہیں اس وقت ہی مل سکتا ہے جب ان کے لاپتہ بچوں کو بحفاظت بازیاب کرکے ان کے اہلِ خانہ کے حوالے کیا جائے۔

انہوں نے کہا کہ پورے بلوچستان کے بچے میرے بچے ہیں، تاہم چونکہ وہ ضلع گوادر کے منتخب نمائندے ہیں، اس لیے گوادر کے عوام اور بالخصوص ضلع کے لاپتہ افراد کے خاندانوں کی ذمہ داری ان پر بھی عائد ہوتی ہے۔

مولانا ہدایت الرحمان بلوچ نے مطالبہ کیا کہ ضلع گوادر کے تمام لاپتہ افراد کی فوری بازیابی کے لیے مؤثر اقدامات کیے جائیں تاکہ ان کے خاندان بھی اپنے پیاروں کی واپسی کے ساتھ حقیقی معنوں میں جشنِ آزادی کی خوشیاں منا سکیں۔

انہوں نے کہا کہ آزادی کی خوشی اسی وقت مکمل ہوگی جب ہر خاندان اپنے پیاروں کے ساتھ محفوظ اور پُرامن زندگی گزار سکے۔

10/08/2026

*جیونی کی مین شاہراہ 14 اگست کے بعد بھی بند رہی تو عوام کے ساتھ اسی جگہ دھرنا دیں گے، مولانا ہدایت الرحمان بلوچ کا ویڈیو پیغام*

قائد حق دو تحریک بلوچستان و رکن صوبائی اسمبلی گوادر مولانا ہدایت الرحمان بلوچ نے اپنے ایک ویڈیو پیغام میں جیونی کی مین شاہراہ کی طویل بندش پر شدید تشویش کا اظہار کرتے ہوئے کہا ہے کہ شاہراہ کی بندش سے شہری شدید اذیت اور مشکلات کا شکار ہیں، خصوصاً مریضوں اور ضرورت مند افراد کو آمدورفت میں شدید دشواری کا سامنا ہے۔

مولانا ہدایت الرحمان بلوچ نے کہا کہ 3 جولائی کو پانوان، جیونی میں پیش آنے والے حملے میں سیکیورٹی اہلکاروں کی ہلاکت پر ہمیں افسوس ہے اور ہم نے اس واقعے کی مذمت بھی کی تھی۔ تاہم اس واقعے کو ایک ماہ سے زائد عرصہ گزر چکا ہے، لیکن اس کے باوجود جیونی کی مین شاہراہ تاحال بند ہے۔

انہوں نے کہا کہ شاہراہ کی مسلسل بندش نے عام شہریوں کی زندگی اجیرن بنا دی ہے۔ مریضوں کو علاج کے لیے گوادر اور دیگر علاقوں تک پہنچنے میں مشکلات کا سامنا ہے، جبکہ روزمرہ ضروریات کے لیے سفر کرنے والے شہری بھی شدید متاثر ہو رہے ہیں۔

مولانا ہدایت الرحمان بلوچ نے کہا کہ حکومت بلوچستان کی جانب سے بارہا یہ کہا جاتا ہے کہ مین شاہراہیں بند نہیں کی جائیں گی، لیکن زمینی صورتحال اس کے برعکس ہے اور جیونی کی مین شاہراہ اب بھی بند ہے۔

انہوں نے بطور عوامی نمائندہ واضح کرتے ہوئے کہا کہ مین شاہراہوں کو طویل عرصے تک بند رکھنا عوام کے مفاد میں نہیں۔ جو لوگ شاہراہیں بند کرکے عوام کو مشکلات میں مبتلا کر رہے ہیں، وہ ملک اور عوام کے خیرخواہ نہیں بلکہ حالات کو مزید خرابی کی طرف لے جانے کا ذریعہ بن رہے ہیں۔

مولانا ہدایت الرحمان بلوچ نے کہا کہ وہ 14 اگست تک سیکیورٹی خدشات کے پیش نظر صورتحال کو برداشت کریں گے، تاہم اگر اس کے چوبیس گھنٹے بعد بھی جیونی کی مین شاہراہ بند رہی تو وہ بطور عوامی نمائندہ عوام کے ساتھ مل کر پانوان کے مقام پر جیونی شاہراہ پر دھرنا دیں گے۔

انہوں نے حکومت اور متعلقہ اداروں سے مطالبہ کیا کہ شہریوں کی مشکلات کا فوری نوٹس لیا جائے، جیونی کی مین شاہراہ کھولی جائے اور عوام کو آزادانہ اور محفوظ آمدورفت کی سہولت فراہم کی جائے۔

*پسنی کے آبی بحران کا خدشہ، مولانا ہدایت الرحمان بلوچ کی ڈی جی جی ڈی اے سے ملاقات*قائد حق دو تحریک بلوچستان و رکن صوبائی...
10/08/2026

*پسنی کے آبی بحران کا خدشہ، مولانا ہدایت الرحمان بلوچ کی ڈی جی جی ڈی اے سے ملاقات*

قائد حق دو تحریک بلوچستان و رکن صوبائی اسمبلی گوادر مولانا ہدایت الرحمان بلوچ نے پسنی میں پیدا ہونے والے ممکنہ آبی بحران اور شادی کور سے آبی چینل کے ذریعے گوادر کو پانی کی فراہمی سے متعلق پسنی کے شہریوں کے خدشات کے حوالے سے ڈائریکٹر جنرل گوادر ڈویلپمنٹ اتھارٹی (GDA) معین الرحمن سے ملاقات کی۔

ملاقات کے دوران مولانا ہدایت الرحمان بلوچ نے پسنی کے شہریوں کے تحفظات سے ڈی جی جی ڈی اے کو آگاہ کرتے ہوئے کہا کہ شادی کور پسنی کے علاقے میں واقع ہے، اس لیے اس کے پانی سے استفادہ حاصل کرنے کا پہلا حق پسنی کے شہریوں کا ہونا چاہیے۔

انہوں نے کہا کہ اگر آبی چینل کے ذریعے گوادر کو پانی کی فراہمی شروع کی جاتی ہے تو اس کے نتیجے میں پسنی میں پانی کی موجودہ رسد میں نمایاں کمی واقع ہونے کا خدشہ ہے، جس سے پہلے ہی پانی کے مسائل سے دوچار پسنی میں ایک نیا آبی بحران پیدا ہو سکتا ہے۔

مولانا ہدایت الرحمان بلوچ نے واضح کیا کہ ترقیاتی منصوبوں کے ساتھ ساتھ مقامی آبادی کے بنیادی حقوق اور ضروریات کو بھی مدنظر رکھنا ضروری ہے۔ پسنی کے شہریوں کو پانی جیسی بنیادی سہولت سے محروم کرکے کسی دوسرے علاقے کو پانی فراہم کرنا قابلِ قبول نہیں ہوگا۔

انہوں نے مطالبہ کیا کہ شادی کور کے پانی کی تقسیم اور آبی چینل کے منصوبے سے متعلق پسنی کے شہریوں کے خدشات کو سنجیدگی سے لیا جائے اور ایسا طریقہ کار اختیار کیا جائے جس سے پسنی کے عوام کی پانی کی ضروریات متاثر نہ ہوں۔

اس موقع پر ڈائریکٹر جنرل جی ڈی اے معین الرحمن نے مولانا ہدایت الرحمان بلوچ کے تحفظات کا نوٹس لیتے ہوئے اس معاملے پر فوری کارروائی اور ضروری اقدامات کی یقین دہانی کرائی۔

*مولانا ہدایت الرحمان بلوچ کی سربراہی میں اہم اجلاس، ماہیگیروں میں چیکس، گرین بوٹس اور دیگر آلات کی منصفانہ تقسیم کے لئے...
10/08/2026

*مولانا ہدایت الرحمان بلوچ کی سربراہی میں اہم اجلاس، ماہیگیروں میں چیکس، گرین بوٹس اور دیگر آلات کی منصفانہ تقسیم کے لئے شیڈول طے*

قائد حق دو تحریک بلوچستان و رکن صوبائی اسمبلی گوادر مولانا ہدایت الرحمان بلوچ نے فشریز ڈیپارٹمنٹ گوادر میں ایک اہم اجلاس کی صدارت کی، جس میں ضلع گوادر کے ماہیگیروں کو چیکس، گرین بوٹس اور دیگر ضروری آلات کی منصفانہ تقسیم سے متعلق امور کا تفصیلی جائزہ لیا گیا۔

اجلاس میں ڈپٹی ڈائریکٹر فشریز احمد ندیم، اسسٹنٹ ڈائریکٹر گوادر شاہ فہد، اسسٹنٹ ڈائریکٹر جیونی بشیر کاکڑ، اسسٹنٹ ڈائریکٹر پسنی شاہ زیب سمیت محکمہ فشریز کے دیگر افسران نے شرکت کی۔

اجلاس میں پسنی، جیونی اور اورماڑہ کے ماہیگیروں میں چیکس، گرین بوٹس اور دیگر آلات کی شفاف اور منصفانہ تقسیم کے حوالے سے تفصیلی مشاورت کی گئی۔ اس موقع پر فیصلہ کیا گیا کہ 15 اگست کو پسنی جبکہ 17 اگست کو جیونی میں ماہیگیروں میں چیکس اور گرین بوٹس تقسیم کیے جائیں گے، جبکہ اورماڑہ میں تقسیم کے لیے بھی جلد تاریخ مقرر کی جائے گی۔

اجلاس میں ماہیگیروں کو دیگر ضروری آلات، بالخصوص جال اور متعلقہ سامان کی تقسیم کے لیے بھی باقاعدہ اور شفاف طریقۂ کار وضع کرنے پر مشاورت کی گئی تاکہ تمام مستحق ماہیگیروں کو ان کا حق منصفانہ انداز میں فراہم کیا جا سکے۔

مولانا ہدایت الرحمان بلوچ نے اس موقع پر اس بات پر زور دیا کہ ماہیگیروں کی فلاح و بہبود اور ان کے حقوق کا تحفظ اولین ترجیحات میں شامل ہے۔ انہوں نے ہدایت کی کہ ماہیگیروں کے لیے مختص سہولیات اور آلات کی تقسیم میں شفافیت، میرٹ اور انصاف کو ہر صورت یقینی بنایا جائے تاکہ کسی حقدار کی حق تلفی نہ ہو۔

10/08/2026

حفیظ کھیازئی
حق، شعور اور مسلسل جدوجہد کا ایک بابِ عظیم

​"وہ لوگ جو عوام کے حقوق کے لیے جیتے ہیں، وہ کبھی مرتے نہیں، بلکہ تاریخ کے صفحات اور عوام کے دلوں میں ہمیشہ زندہ رہتے ہیں۔"
​حق دو تحریک بلوچستان اپنے بانی رکن، مخلص اور نظریاتی رہنما مرحوم حفیظ کھیازئی کی بے لوث خدمات کو خراجِ تحسین پیش کرتی ہے۔
​مرحوم حفیظ کھیازئی صرف ایک نام یا فرد کا نام نہیں تھا، بلکہ وہ بلوچستان کے مظلوم عوام کی آواز، ساحل و وسائل کی حفاظت کے ترجمان اور ہماری اس تحریک کے مظبوط ترین ستونوں میں سے ایک تھے۔ جب حق دو تحریک کی بنیاد رکھی گئی، تو حفیظ کھیازئی نے اول روز سے ہی عام آدمی کے بنیادی حقوق، سمندر کی تحفظ، روزگار کی فراہمی اور ناانصافی کے خاتمے کے لیے ہراول دستے کا کردار ادا کیا۔
​ان کی سادگی، ہمت، پختہ عزائم اور عوام دوست رویے نے نہ صرف تحریک کو فعال بنایا بلکہ بلوچستان کے کونے کونے میں حق اور انصاف کا شعور بیدار کیا۔ سخت سے سخت حالات میں بھی ان کے قدم کبھی متزلزل نہیں ہوئے اور وہ ہمیشہ پیش پیش رہے۔
​آج اگرچہ مرحوم ہم سے جسمانی طور پر جدا ہو چکے ہیں، لیکن ان کا فکر، ان کا عزم اور ان کی جدوجہد ہمارے لیے مشعلِ راہ ہے۔ حق دو تحریک بلوچستان یہ عہد کرتی ہے کہ مرحوم حفیظ کھیازئی کے مشن اور جدوجہد کو منزلِ مقصود تک پہنچانے کے لیے اپنی تمام تر توانائیاں صرف کرتی رہے گی۔
​اللہ تعالی مرحوم حفیظ کھیازئی کے درجات بلند فرمائے، ان کو جوارِ رحمت میں جگہ دے اور لواحقین و تمام ساتھیوں کو یہ صدمہ صبر و حوصلے سے برداشت کرنے کی توفیق عطا فرمائے۔ (آمین)

​حق دو تحریک بلوچستان

09/08/2026

قائد حق دو تحریک بلوچستان و رکنِ صوبائی اسمبلی گوادر مولانا ہدایت الرحمان بلوچ نے اپنے ایک ویڈیو پیغام میں سب تحصیل سنٹسر دشت کے مختلف علاقوں میں سیکیورٹی کے نام پر جاری کھدائی کے عمل پر شدید تشویش اور مذمت کا اظہار کیا ہے۔

مولانا ہدایت الرحمان بلوچ نے کہا کہ سیکیورٹی کے نام پر علاقوں میں کی جانے والی کھدائی سے نہ صرف مقامی لوگوں کے کھیت اور بندات شدید متاثر ہو رہے ہیں بلکہ مختلف علاقوں کے درمیان آمدورفت بھی منقطع ہو رہی ہے، جس سے عوام کو شدید مشکلات کا سامنا ہے۔

انہوں نے کہا کہ اس عمل کے دوران نہ تو علاقائی منتخب نمائندوں کو اعتماد میں لیا گیا اور نہ ہی مقامی معتبرین اور عمائدین سے مشاورت کی گئی، بلکہ عوامی مشکلات اور زمینی حقائق کو نظرانداز کرتے ہوئے اپنی مرضی سے ایسے اقدامات کیے جا رہے ہیں جن سے مقامی آبادی اذیت میں مبتلا ہے۔

رکنِ صوبائی اسمبلی نے کہا کہ وہ صورتحال کا جائزہ لینے کے لیے اپنا نمائندہ علاقے میں بھیج رہے ہیں تاکہ زمینی حقائق معلوم کیے جا سکیں۔ انہوں نے واضح کیا کہ اگر سیکیورٹی اداروں کی جانب سے کھدائی کا یہ عمل فوری طور پر نہیں روکا گیا اور عوام کی آمدورفت بحال نہ کی گئی تو وہ مقامی عمائدین کے ساتھ مشاورت کے بعد سخت ردِعمل کے آئندہ لائحہ عمل کا اعلان کریں گے۔

مولانا ہدایت الرحمان بلوچ نے کہا کہ عوام کے ساتھ طاقت اور زور زبردستی کا رویہ مسائل کا حل نہیں۔ انہوں نے سیکیورٹی اداروں کو مخاطب کرتے ہوئے کہا کہ لوگوں کے ساتھ شفقت، ہمدردی اور عزت کے ساتھ پیش آنا ہوگا، کیونکہ طاقت کے استعمال سے عوامی مسائل حل نہیں کیے جا سکتے۔

انہوں نے مطالبہ کیا کہ مقامی آبادی کی مشکلات کا فوری نوٹس لیا جائے، کھدائی کے باعث متاثر ہونے والے راستوں اور آمدورفت کو بحال کیا جائے اور ایسے اقدامات سے قبل مقامی نمائندوں اور عمائدین کو اعتماد میں لیا جائے تاکہ علاقے کے عوام کو مزید مشکلات سے بچایا جا سکے۔

01/08/2026

ڈی جی آئی ایس پی آر کو جواب

*مولانا ہدایت الرحمان بلوچ کی حق دو تحریک بلوچستان کے چیئرمین واجہ حسین واڈیلہ سے کراچی میں ملاقات, نیک خواہشات کا اظہار...
12/06/2026

*مولانا ہدایت الرحمان بلوچ کی حق دو تحریک بلوچستان کے چیئرمین واجہ حسین واڈیلہ سے کراچی میں ملاقات, نیک خواہشات کا اظہار*

قائد حق دو تحریک بلوچستان و رکن صوبائی اسمبلی گوادر مولانا ہدایت الرحمان بلوچ نے آج کراچی میں حق دو تحریک بلوچستان کے مرکزی چیئرمین واجہ حسین واڈیلہ سے ملاقات کی اور ان کی خیریت دریافت کی۔

ملاقات کے دوران واجہ حسین واڈیلہ نے اپنی صحت کے حوالے سے آگاہ کرتے ہوئے بتایا کہ ان کے تمام طبی معائنے اور چیک اپ مکمل ہو چکے ہیں اور وہ ان شاءاللہ چند دنوں میں گوادر واپس پہنچ جائیں گے۔

اس موقع پر واجہ حسین واڈیلہ نے کہا کہ وہ جلد دوبارہ عوام کے درمیان ہوں گے اور عوامی خدمت، مسائل کے حل اور حقوق کی جدوجہد کو پہلے سے زیادہ جذبے اور عزم کے ساتھ جاری رکھیں گے۔ انہوں نے کہا کہ حق دو تحریک بلوچستان ہمیشہ عوام کے بنیادی حقوق، فلاح و بہبود اور ترقی کے لیے سرگرم رہی ہے اور آئندہ بھی یہ جدوجہد جاری رہے گی۔

مولانا ہدایت الرحمان بلوچ نے واجہ حسین واڈیلہ کی صحت یابی پر اطمینان کا اظہار کرتے ہوئے ان کے لیے نیک خواہشات کا اظہار کیا اور کہا کہ حق دو تحریک کی قیادت اور کارکنان عوامی حقوق کے حصول کے لیے متحد اور پرعزم ہیں۔

ملاقات کے موقع پر حق دو تحریک بلوچستان کے ضلعی جنرل سیکریٹری بابر شہزاد، عبدالقدیر، دیدگ واڈیلہ اور دیگر ساتھی بھی موجود تھے۔

12/06/2026

گوادر: مولانا ہدایت الرحمن کی پریس کانفرنس

گوادر۔ مولانا ہدایت الرحمن نے گوادر پریس کلب میں پریس کانفرنس کرتے ہوئے کہا کہ “بلوچ بچیاں ہماری عزت ہیں، ہم اپنے بچیوں کو پہاڑ پر جانے کی اجازت ہرگز نہیں دیں گے”۔

Address

Gwadar

Telephone

+92864212306

Website

Alerts

Be the first to know and let us send you an email when حق دو تحریک بلوچستان posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to حق دو تحریک بلوچستان:

Shortcuts

Share

Category